¹ Ɗərma'an tlə tlənan penkan ɗiptiyan. Naki wandəriɗi khəmchə kakh khulafərtə kə khur khesiyu. Frankə fe wandəriyan wansukram i mbandə kə khur kwiiɗi nawaktə sərta'ansi. ² Innankan mban kwiiɗi khaa nawaktə sərta'ansəyu, ɓak inne kes ə khur kwiyann kəɗ ɓachan ə kapa kwi wata. farta tə rənna təɓərkandə khaa kə wutla kətləm inniɗi ne ɓat kes khur kwiɗi. ³ Tə khur inniɗi ɓak chalach kes kə khur khesi, fərandak fe alkət kəɗ khərɗacha ə khesi. ⁴ Ndandak fe wa kə chandə ən usine, ndu se'e ndu ɗəfta wa, se nafcha fe nawaktə ɗəf kheri Fartəs ɗar pa'anchiyanda. ⁵ Frandau fe mbanda kə ɓəlandə nafchəini wa, kə fərandach ndə ɓakhtə ndak kə ndər ɗərman. Khatə kəɗtəyanda nachan nat kəɗ cheti khərɗata ma chi tə nefe. ⁶ Khur manchə'ini na nafchə kaa merta, nandə mbəsanchəwa. Nandə yakhtə kə mərna, mərtə paɗ nan rakandat khar. ⁷ Chalachəɗi nachandə nat kəɗ pərəssa fe taaakhəschəf kə yanda. Ɗar inchəyanda ənsə kəɗ fatə in wandəɓətla, chimeenchiyandə paɗ kəɗ i nafcha. ⁸ Wesiyandə kəɗ i nəssa, tlanchəyandə paɗ kəɗ tlanchi chini. ⁹ Kapa kəfat'yandəs kəɗ wan'ndəɓətla, təti pəpakhchəyanda paɗ kəɗ təti sarchi pərrəssə ka'an fe ne ɗəɗɗat kə mət yanda. ¹⁰ Ndəssəyandəs i che fata kəɗ khərɗacha; ə fi ndəssəyandə fərandach fe alkət kə ɓakhandə nafchə kə ndər ɗərman. ¹¹ Tla ne kəɗ lkutəryanda, tlə tlənɗi kwiɗi nawaktə sərta'ansəyu. Tləman tə mi Ibraniyawat wa Abaddon, tə mi Heleniyawat paɗ wa Appollyon. ¹² Ɓakhtəkhaa i tərkanan ɓirkhaa. Ɗəpo! kərsə tlaya, ɓakhtəs samən-samən chep ne ɓata. ¹³ Michchetə tlə tlənan penkan ɗiptiyan, sək ki ɓəratə ɓat khur mbo'omənchəɗi ɗar bagadi təɗi pangn Fartəyu. ¹⁴ Ɓərata'an ndankan michchetə tl tlənɗi ne tə ɗiptə khar yuwa, "kalu fə tlənchəɗi khaa foda kənandə fe tandə kapa kufi yufiretis yu." ¹⁵ Fə tlənchə'ini foda takhəschəf kətləm fartəini, tə ndəri ini, tə khure'ini kalkə fe tandaə khaa kə ɓəlandə artə khur makhkan i nafchi khesi. ¹⁶ Tertə sotachəɗi ɗar pərəssa nachandə 200,000,000 kəɗ ɗənɗi səkti sengnan. ¹⁷ Kəɗu yu nati pərəssa'an ə khur sənna'tənchi tə fe ne ɗaran. Kapa kəfachyandə nga kəɗ wata, kuɗ'ɗa kəɗ khulafərta, tə paɗ kəɗ 'yam rinne. Indi pərəssa'an kəɗ indi chinicha, ə khur michiyandə paɗ wat tə innee tə kheɗɗitə wat ɓat kes. ¹⁸ Ɓəlankə fe artə khur makhkan i nafcha tə əna ɓakhchə'ini makhkan yu, wata, innee tə kheɗɗitə wata tla ɓach kes michə yanda. ¹⁹ Kətləm alkəti pərəssa'an ə khur meyanda tə ndəssəyanda - kətləm ndəssəyandə kə wuruɓcha, inchiyandəs paɗ tla tlə natndə chan məri nafchə fa. ²⁰ Taktə nafchi khesi fe ɓəlawaktə fe tə ɓakhtə'ini, tərwandə khaa khur ɗəchəɗi chət ndawa, ndu kə malandə manandə khwa'archa tə ɗəkhachawa, tə ɗəfcha tə ɗakwancha wa, ɗəchəɗi tlə səkwakchə məta, tlə nawakchə məta paɗ tlə wi'wakcha. ²¹ Paɗ tərwandə khaa khur ɓəlfatyandawa, tə tlərfaktəyandawa, tə fəlaukətyanda wa, tə tarchəyandə i yarkətawa.