¹ Kərsə ɗinni naki fə tlənchi Farta fwaɗa, kit-kit ə konggwal khesə foɗa, kəsantə rənna i khesi khaa foɗa kwakwa, kətləm kə ɗə rənna kə ɗar khesi, ndu khawurta ndu kə ɗar ɗəftawa. ² Naki nowun tlə tləndi Farta ɓat tə mət cheti Farta, tla ne tə ɗelwer i Fartə khar. 'yakan tə kapa ɓərata kəmɗi fə tlənchəɗi Fartə yu fe fəranda fe mbanda kə ɓakhəndə khesi tə khawurta. ³ Kə ɓakhawun khesi, tə khawurta ndu ɗəfchawa, se ma ɗəfmən kher kə mbandi mafachi Fartəyamən. ⁴ Səkki tərtə fe ɗəfanda fe kher kə'in; 144,000 fe ɗəfanda fe kher kə'in ə khur nggətkekchi Israilawacha. ⁵ Fe ɗəfanda fe kher kə'in khur nggətkekti Yahuza 12,000; 12;000 ə nggətkekti Ra'ubainu; 12,000 ə nggətkekti Gaɗ; ⁶ 12,000 ə nggətkekti Ashiru; 12,000 ə nggətkekti Naftali; 12,000 ə nggətkekti Manassa; ⁷ 12,000 ə nggətkekti saminu; 12,000 ə nggətkekti Lawi; 12,000 ə nggətkekti Issaka; ⁸ 12,000 ə nggətkekti Zabaluna; 12,000 ə nggətkekti Yusufu, tə paɗ 12,000 ə nggətkekti Bilyaminu ɗəftə fe kher si. ⁹ Kərsə ɗəchə'ini, ɗəpaki khaa, naki nggomən nafcha tla nawaktə fe mbakhən səngnd, ɓachandə ə chəkwun khakhaa, nggətkekte, nafcha tə micha, tandə kit-kit pangn ɗakwan kutrakta'an ə pangn wanchokreta'an. Natndə tə kheɗɗitə kapach fiyanda tə tlətlakhaa kangarcha kharyanda; ¹⁰ Paɗ tandə 'yat tə kapa ɓərata, "kəɓi kaɗi tekhəskhaa məɗi Fartəyamən tla ne ɗas ne ɗar ɗakwan kutrakta'an, tə paɗ wanchokhreta'an." ¹¹ Nat fə tlənchi Farta tandə kit-kit taurandə ɗakwan kutrakta'an khaa, taurandə paktachəɗi khaa paɗ tə ɗəchəɗi tə sisingnchəf foɗa yu, chamndə kurumchə khaa, kandə chimeenchə yandə kakha pangnan ɗakwan kutrakta'an. Manan kandə Farta. ¹² Nakandə ndat wa, "Kə chok kəɗu!, chəmnda, manda, sən'əna, usoko tə alkəta kən kə i Fartəyamən kə fere! kə chok kəɗu." ¹³ Chəkhiki nowun artə khur paktə nafchəɗi, "Michneniya məkchə kheɗɗiti kapach ya, tə paɗ ɓachandə ayi? ¹⁴ Ndanki wa, "malɗəm, sənin wa," ndikan wa, "Fenniya ɓachandə kes khur kapa poni. Chapandə kapachyandə kaɗi, paɗ chandə kheɗiɗɗe khur feri wanchokhreta'an. ¹⁵ Kətləm nda'an tandə pangn ɗakwan kutrakti Farta, paɗ tlə nachandə mananda witə təfarta ə khur kətən siti'yan. Tla ne ɗas ɗar ɗakwan kutrakta'an nan chipendete. ¹⁶ Nandə nggər sək mitawa, paɗ nə kuchəmndə kəsandach paɗwa. Nə watfartə təktə khaa. kə ɗarnanda wa, ndu kən welilə fiyanda wa. ¹⁷ Wanchokhreɗi khurɗəfitə ɗakwan kutrakta'an yu ne nat kə tlə parat yanda, nan parat tə tanda kəmɗi na raka 'yam sisingnde, Fartə paɗ nan pətan chəkwun 'yamət kaɗ ə wenichi 'yanda."