¹ Naki fartəɗi innandə wanchokhreta'an artə khaa khur ɗelewer chəɗi muɗ yu, paɗ səkki kapa ɓəratə məɗi artə khur ɗəchəɗi tə sisingndəf fwaɗa yu kəɗ yaandə 'yere, "ɓo!" ² Ɗəpaki si mbəsanchi kə kheɗɗitə pirse. Tla ne ɗaran tə ri khar, frankə fe fatə inde. Ɓachan kes kəɗ tla ne mbakhən əna kətləm kə mbakhəna. ³ Inankə wanchokkreta'an chepetə ɗelewer ta'an khaa, səkki chepetə ⁴ ɗəchəɗi tə sisingnchəf fwaɗa yu ndat wa, "ɓo!" Chat ɓak pirsə kes samən ngna. Tla ne ɗaran fərankə fe mbanda kə təran tə khaskhas kəɗ kaɗ khur khesi, kətləm nafchə kə tlətlendə ɓəratə kapa chongom. ⁵ Inankə wanchokreta'an makhkaan delewer ta'an khaa, səkki makhkaan ɗəchəɗi tə sisingnchəf fwaɗa yu ndat wa, "ɓo!" Naki pongn pirse, tla ne ɗaran kəstə ɗəna kaɗa ɗəch khar ə kharyan. ⁶ Səkchi ən kəɗ ɓarata ə khur ɗəchəɗi tə sisingnchəf fwaɗa yu, ndakan wa, "khermə toso arta ə ter partə arta, paɗ tiksə toso makhkan ə ter partə arta. Chək kəɗu kə səɓeen fiɗet kaɗ tə 'yam inabi wa." ⁷ Inankə wanchokhreta'an fwaɗatə ɗəlwer ta'an khaa, səkki fwaɗatə ɗəchəɗi tə sisingnchəf yu ndat wa, "ɓo!" ⁸ Naki pirse fuwwa. Tla ne ɗaran ɗəfanchə fewa mərta, paɗ pan para ndi. Fərandak fe alkət kə ɗar artə khur fwaɗa i khesə nat, kə ɓəlandach ndə tə tluta, mita, khatəfata tə tlu khənggach ə khur khesi. ⁹ Inankə wanchokhjreta'an ɗərmaan ɗelewer ta'an khaa, naki sisingnchi fe ɓəɓatlandə fe kətləm ndikti Farta, tə paɗ ndiktəɗi kəstəndə khar. ¹⁰ Nakandə tət tə kapa ɓərata, "kə kweti, tlə mandə ə ɗar ɗəch nat, tla ne chəɗchəɗ tə kitta'an, natu chakan mee khesə si, tə paɗ tər kənau fer'ya'an? ¹¹ Chəkwun fərankə fe kheɗɗitə kapata, ndandak fe wa kə pəkndə khar tapkəɗa, kə ndiiɗ sengnan khaa i mafach kəɗ tanda tə wanmanchənanda kəssə tə nəssa fe nafe ɓəɓatlandata kəɗ ɗənɗi ɓəɓatlanda fee. ¹² Innankə wanchokhreta'an miche tə ɗelewer ta'an khaa, naki nata, yira'kə khəsəf kaan. Chək fartə kaɗ kuɗ-kuɗ kəɗ pongn kapata, ndər paɗ chəkan kaɗ kəɗ fere. ¹³ Wan'ndərichə khəkhatakandə kakh kə khakha, kəɗ ɗənɗi tlə khəkhata wan fərchə takh kakha chək nəkhawawa ma yira'an kapa talaarwire. ¹⁴ Khulafərtə paɗ pəɗakan kəɗ ɗelwer ɗekurendəfee. Nggwalcha tə tle khakhi chəɗi taurandə 'yamchə khaa malkandə məch'yandə khaa. ¹⁵ Kutərchi khesi, tə paktə nafcha, tə kutər fə yaancha, tə wuruməncha, tə fə alkəcha tə chəka wuni, mafacha tə fe nawakchə kə mafacha wuɓkandə kə khur ɓehe ə khur ngwalcha. ¹⁶ Ndankandə nggwalchə tə ɗakwanchə wa, " Khəmama'anndən! wuɓama'anndən ə chimendi tla chokandə fe kə ɗakwan kutrakta'an tə paɗ məɗi kombili wanchkhreta'an. ¹⁷ Kətləm fartə ɓakhtəyandə khaa ə ɓi. wun ne mbakhən tlartə khaa?"