¹ Naki ɗelwer khar kharsəm i tla ne ɗar ɗakwan kutraktaan tə yarata khuran tə kərsa'an. Ɗəf fe khersi tə ɗəna ɗəf kher muɗ. ² Naki tlə tləndi Farta tla tə alkət fa, ndat kapa ɓəratə wa, "wun ne mbakhən ina ndə ɗelewer ta'an khaa kə chentə ɗənɗi kaɗ nggəlandə fe si?" ³ Nefsə khulafərta, ndu khur khesi, ndu kan khakha ne mbakhən ina ndə ɗelewer ta'an khaa ndu kə changganchə wa. ⁴ Tənchə kaan kətləm nefsə ne mbakhən ina ndə ɗelwer ta'an khaa wa ndu kə changganchə wa. ⁵ Artə khur paktə nafchəɗi ndikan wa, "Mə tinwa, Ɗəpo chini i nggitkekti Yahuza, kwatl Dauda mbekhini. Nan mbakhən ina ndə ɗelewer taan khaa tə ɗəna ɗəf kharchəɗi muɗ yu." ⁶ Naki wanchokhret kit pətlər ɗakwan kutraktəɗi tə ɗəchəɗi tə sisingnchəf foda yu ə khur paktə nafchəɗi. nachan kə ndenwa tla ɓəlandə fe. mbo'omənchəyan muɗ, wenichəyan muɗ. Nda'an ne kə semech muɗ i Farta fe tləndə fe khur khesə nat. ⁷ Ɗəkan tlət ɗelewer təɗi khar kharsəm i tla ne ɗas ɗar kutrakta'an. ⁸ Tlək wanchokhreɗi ɗelwer ta'an, ɗəchəɗi tə sisingnchəf foda yu tə paktə nafchəɗi kumcht chep nggərsə foda yu, chamkandə kurumchə khaa kə pangn wanchokhreta'an. Chəkwun khurnanda tə kəlai khar tə toso tla ndiɗandə fe tə kwastə əna sə'ta nda'an ne kə siti fe ferchə kit. ⁹ In kandə yuwa 'yemse; "Che'ənsə kə tirin ɗelewer ta'an kə inneen ɗənɗi kaɗ nggəlandə fe si. Kətləm tluchə fe ɓərata,tə fer'yo khiyandu Fartə nafchəsi ə khur chəwun kwatl nafcha, tə micha tə khesə nat. ¹⁰ Chendechən kə kutərcha tə pasto cha kə chandə ter Farta, paɗ nachandə chət kutraktə khur khesi." ¹¹ Ɗəpaki si, səkki ɓərati fə tlənchi Fartə kaan taurantə ɗakwan kutraktaan khaa tə ɗəchəɗi tə sisingnchəf yu tə paktə nafchəɗi. Tertəyandə su' kumchət kum kum tə paɗ kumchət kumkum tə kumchət kum kum. ¹² Ndakandə tə kapa ɓəratəwa, "Wanchokhreɗi tla tlendə fe ɓəratə yu che' si kə tlət manda, wurmakta, sən'əna, alkəta tə chəmnda." ¹³ Səkki chəkwun ɗənɗi chət Farta ə khulafərta, tə khur khesi, tə kan khakhaa, tə khur 'yeme, nat ɗəchəɗi khurnanda - nakandə ndat wa, "Kəmɗi tla ne ɗar ɗakwan kutraktaan tə wanchokhretaan, chəmda manda, kheɗɗiti fere, tə alkətchət kutrakta nding kə fere. ¹⁴ Ɗəchəɗi tə sisingnchəf foda yu ndakandə wa, "Kə chok kəɗu." paktachəɗi paɗ chamkandə kurumchə khaa fəran kandə mandə tla ne tə sisingndəf kə fere.