¹ V 1 Kərsə ɗəchə'ini ɗəpaki khaa, naki mi kətən khulafərta ə inkhaa. Khurɓəratəɗi səkta, kəɗ ɗipte nakan nditə wa, "ɓo kafərtə kəmɗəya, kə punuchi ɗənɗi ne səɓtə waat kərsə ɗəchəɗya." ² Kəɗ tlə nakanya nggət khur semete, naki ɗakwan kutraktə 'ta ə khulafərta, tə nef ɗas ɗaran. ³ Tla ne ɗas ɗaran kə ndenwa ngna tə kheɗɗitə ɗekwene. Ɗakwan kutrakta'an tauran ndalkurtə khaa. Ndalkurta'an paɗ kəɗ sidəngn ɗekwene. ⁴ Ɗakwan kutrakta'an tauran ɗakwan kutrakchə khaa kumchət chep nggərsə foɗa. Ɗar ɗakwan kutrakchini paktə nafchəs kumchət chep nggərsə foda tə tə kheɗɗitə kapach fa, tə fatə in wan' ndəɓətl yanda. ⁵ Nak wilwiɗtə ɗakət ɓatkes fi ɗakwan kutrakta'an tə kapa ɓərachə kəɗ yaan 'yere. Pətəllachəs muɗ ne kəstə pangn ɗakwan kutraktaan. pətəllachə fe ne kə semechi Farta muɗ. ⁶ Pangngn ɗakwan kutraktaan khawurtə sisingn 'yemsi tla ne chimndəfa. Khurɗəfi tə ɗakwan kutraktaan tə kəlaarchaan nat ɗəch si tə sisingnchəf foɗa, fat'yandə nat kə wenite, ndə pang tə kərsa. ⁷ Tla artə ne kə tərkanan kənden wa chini, chepeta'an kinden wa wantlata, makhkanan chimendə yansi kəɗ nefe, fodataan paɗ kənden wa təwakti ne tla'ta. ⁸ Ɗəchiini tə sisingnchəf foɗa yu, pəpakh pərchə yandə micche micche, nat kə wenite tla'tə ɗaran kə khakhaa. Ndə witə tə farta malawandə ndatwa, "Tla chəɗchəɗ, tla chəɗchəɗ, tla chəɗchəɗ Farta chənmən tlə mandə nat, tla chokh, tə nakanya tə tla ne ɓata." ⁹ Nat fartəɗi na fə sisingnchəɗi foda yu manandə tə chan usoko tla ne ɗas ɗar ɗakwan kutraktəɗi tla ne tə sisingndəf kə fere, ¹⁰ paktə nafchəɗi kumchət chep nggərsə foda yu nandə cham kurumchə khaa kə pangn tla ne ɗas ɗar ɗakwan kutrakta'an. Ɓirenchandə tla khaa ne tə sisingndəf kə fere, paɗ chamkandə fatə inchə yandə khaa kə pangn ɗakwan kutraktaan kənandə ndat wa, ¹¹ "Che'ənsi Fartə ya'ən, tə paɗ chən'ən, tlu manda tə alkəta, kətləm chə chəch ɗəch nat, təmɗi yakhtəyo nat ndə khaa, chət fe tandə paɗ,"