¹ Kǝrsǝ ndǝchǝini naki tlǝ tlǝnɗi Fartǝ ɓat kes ǝ khulafǝrta. Kapa mandǝ yansi nde, tǝ paɗ khesi mbǝstǝ ɗakǝt kǝtlǝm mandǝ yan. ² 'Yakan tǝ kapa ɓǝrata tǝ ndat wa, "Khim khaa, Ɓabila tla ne manchan khim khaa! Chikǝ mǝt chokti khwaǝrha, mǝt wuɓti chǝkwun sǝɓtǝ semete, tǝ paɗ mǝt chokti sǝɓtǝ tǝkǝmǝn ɗiya. ³ Kǝtlǝm nat khakhicha sindǝ 'yam innabi yi Fǝlaukit yan. Kutǝrchi khesi chǝndǝ fǝlaukǝt tǝ anchi. Paktǝ fǝ lǝmchi khesi chǝndǝ wurmaktǝ tǝ alkǝt chok fǝlaukǝt yan." ⁴ Paɗ sǝk ki nowun ɓǝratǝ khulafǝrtǝ ndat wa, "ɓam kes khur yan, nafchǝnchi, kǝtlǝm kǝ chakwun ɓuɓifat yan kǝ inwa, paɗ kǝtlǝm ɓakhtǝyan khaa kǝ kǝs wunchǝ wa. ⁵ Ɓuɓifach yan nggon khaa jang kǝɗ khulafǝrta, Fartǝ paɗ kundǝktǝ sǝɓtǝ ndǝna chǝch yan. ⁶ Tiyaman kanɗi kǝɗ ɗǝnɗi tiyandǝn fowun kaɗi. Paɗ kǝ tiyawun kaɗ chep khuran ndǝnɗi chǝtǝn, khur ndǝna saɗi ya'tǝn, kǝ ya'awunsǝ chep khuran paɗ. ⁷ Kǝɗ ɗǝnɗi manandǝn indǝ yan, natǝn choktǝ khur ɓǝndǝfa, fǝraman ɓakhtǝ kǝɗu paɗ, kǝtlǝm ndachan khur wan'ndǝ kaɗat yan wa, "Chokǝn chǝ khaa kǝɗ kutǝre, nggǝt ngga nuɗi mǝrtǝ chǝmata'an wa, tǝ paɗ ni tam tawa." ⁸ Kǝtlǝm nda'an na ɓakhtiyan ɓat Fartǝ arta, mǝrta, tǝta, tǝ mita. Na wat yandǝ kaɗi, kǝtlǝm Fartǝ tlǝ manda paɗ mǝtlan ne chakan mee." ⁹ Kutǝrchi khesi fe chǝch fǝlaukǝ ta, lǝngkandǝ khaa tǝ anchi, nandǝ tǝta tǝ khwata kǝ ɗaran, ma nindǝ in'in waɗi ne 'yandǝ kaɗi. ¹⁰ Nacha ndǝ tlartǝ langnga. lekendǝ ɓakhtǝ yan khaa, kǝnandǝ ndat wa, "ai, ai i kapa mǝrɓan, Ɓabila, mirɓǝ tla ne kwakwa, kǝtlǝm khur awa arta ɓi ɓakhtǝ yo." ¹¹ Paktǝ Wanchǝ lǝmuchi khesi nandǝ tǝta tǝ sǝɓtǝ khure kǝtlǝm mǝtlan, nakan nefsi ne khi ndǝch yan paɗ wa --- ¹² ndǝcha yi wan'ndǝ ɓǝtla, tipese tǝ kwastǝ ɗakwancha, tǝ kwastǝ kapacha samǝn samǝn, tǝ Fiɗeche, tǝ ndǝna kwastǝ sǝ'cha, tǝ mǝsacha, tǝ wankaricha, kǝ kwastǝ pǝkhtǝ ndǝfcha tǝ kwastǝ ɗakwancha. ¹³ Tǝ chimbe, tǝ ndǝna title, tǝ 'yam innabi , tǝ mur tǝ fukhwa khwerme, tǝ khwerme, tǝ chokreche, tǝ yukweche, tǝ tleche, tǝ pǝrǝssa, tǝ keke tǝ pǝrǝssa, tǝ mafacha, paɗ tǝ sisingngǝnchi nafcha. ¹⁴ Wan ndǝftǝɗi yakhtu kaan pǝɗi, pewa sǝwa. Nat mbǝstiyo khar tv wurmaktǝ yo wel kaɗi, pewen mbǝsandǝ paɗ wa. ¹⁵ Paktǝ wanchǝ lǝmuchi ndǝchǝɗ fa fe chǝch wur maktǝ tǝ ndi, nachandǝ tlartǝ langnga, kǝtlǝm lekendǝ ɓakhtǝ yan, tǝta tǝ khwa sǝɓtǝ khur kafǝrta. ¹⁶ Nachandǝ ndat wa, "ai, ai i kapa mǝrɓan, tla kwaschǝ tǝ kwastǝ kapacha fe nga tǝ khǝlifǝrǝ cha'an, paɗ tǝ kwastǝ ndǝch ndichan. ¹⁷ Khur awa arta nat kǝnau ini sǝɓ kaɗi." Chǝkwun tlǝ khur chǝrki i 'yeme, tǝ fǝ wichǝ khuran, nat tǝ fe tlǝ mbǝssǝ ndǝna nat khaa khur 'yeme, tlarndǝ khaa langnga. ¹⁸ Nakandǝ tǝta nakandǝ in'ni waɗi ne 'yandǝ kaɗi. Ndakandǝ wa, "Mǝrǝɓ mi ne kǝɗ kapa mǝrǝɓɗi?" ¹⁹ Pǝskandǝ fǝrtǝ kǝ indǝ yanda, nakandǝ tǝta tǝ khwata tǝ sǝɓtǝ khure. "Ai, ai kǝmɗi kapa mǝrban, mǝɗi mbǝstǝ fǝ chirkichǝ kǝnau khur kǝnau yan, kǝtlǝm khur awa arta welkaɗi." ²⁰ Ɓǝnam fat kǝ ɗaran, khulafǝrta, nggun fǝ fǝr kǝtcha, fǝ ɓaascha tǝ annabicha kǝtlǝm Farta chakantǝ mee." ²¹ Kapa tlǝ tlǝnan tǝrkan kapa dekwene kǝɗ kapa ɗakwan kha'ta mik kan kǝ khur khawurt, ndakan wa, "Tǝ kǝɗaya, Ɓabila, kapa mirɓe, na fe mik tǝ kakh tǝ alkǝta, paɗ pa'u fe nandǝ wa. ²² Ɓǝratǝ mǝɗi fǝ fǝɗ kǝlangcha, fǝ 'yamissa, fǝ pe sileche tǝ mbembeche pa'u fe sǝk tandǝ mǝɗyo wa. Tlǝ ɓǝr ǝnsi chǝk wetǝ mi patǝ fe mbǝstǝ mǝɗyo wa. Ɓǝra khatǝs patǝ fe sǝktǝ mǝɗyo wa. ²³ Ɗakǝti fitala pawa fǝr ɗakǝt mǝɗyo wa. Ɓǝrati pere tǝ chǝmata'an pa'u fe sǝk tǝ mǝɗyo wa, kǝtlǝm Wanchǝ Lǝmuchǝ yo fen ne kǝ wanchǝ kutǝr khesi, paɗ lǝmchǝ fe khakhichǝ tǝmɗi tar ndǝkhachǝ yo. ²⁴ Khuryan mbǝsandǝ fe feri annabawacha tǝ fǝ fǝr kitcha, tǝ feri fe nat ɓǝlandǝ fe khur khesi."