¹ Anibinnan bashya ungyiong u Almasihu. Azan kabere nanyisha. Kuminakunang, kuma bashi unyong uruhu u kashiri. ² Agu kasugu kanang kashirgin nakham na nshishi mu za dara. ³ Ananagu, ashirinmi,ncoko mimi ka Almasihu abara ka kwani, watu, aya nang ami ayi a kirongkiwur a nipum. ⁴ Yenayi ayisraila, yena zugi mashere, na mazapkha, na ubaiwa umatya, nama yishi kashiri usujada, na likawali. ⁵ Acu ayeni unyong na Almasihu iciri ayi unyong nipum. umi na ayi kashiri kayi uzo ukowan. matahakhanzhi mawani makani har uren. Amin. ⁶ Ama azan magu likawali ni kashiri ni dari, azan naduk israila iyi israila ini bin mi, ⁷ Kene na, aya kirong kibirahim azan nononaini naduk. Ama "Abara kishaku na dama yerkya kirong kimi" ⁸ Musaganan magu azan nono na nipum nayi nono na kashiri. Ama a nono na likawali na bazza nani, kuma atara a pituga. ⁹ Muni muyi maberi ma likawali, "Riwa akapa kandama guru, Saratu idama zuga kono". ¹⁰ Ama azan mummu utamuni, na Rifkatu ima zya kadura ka pirumi, picuwur Ishaku. ¹¹ Nono nanna dotu ma waba, balle aguragu yena deni kadamana kavur ko kamakari, abara ma samga mamina kashiri kadeni, mu deni muni rikobina naukusu na nadeni, ko abara utuma, ama abara magu ayi iyi pigaskhan. ¹² Nakenna yiku piyeni, "Kan kacibru kadama derena kan kacun," Kenna abere a kashiri aguran, ¹³ Ne kenna a nyakaran; "Yakubu nan mani, ama Isuwa ngabimini." ¹⁴ To! iyan na kidamagu? kashiri kadeni kani ukusu duganna? ko nacun. ¹⁵ Kama barya Mushi, "Nna saganya mamuki kapiyanna ndama mukyayi, ndama potya kidere ki piyanna dama potya kidere kiyyi". ¹⁶ Abara kene, azan magu abara piyi de kumina ku madene, ko piyide kasugu kutuma ba, ama abara magu kashiri ka ma sagani ma muki. ¹⁷ Abera kashiri amgu Firauni agu, "abara aukusumi, nan cokononbu, abara magu nsagani bu uiko unang ushiri, ado magu nizagi ninang ni gbakana ko nki a uya unwu. ¹⁸ Muni mudeni kashiri ka saganya mamuki kapiyanna kanka mani, adagdarya kasugu kapiyan na kayitan udama. ¹⁹ Idama gumyagu, to don iyani," nipusudi na ibango? Wani man tamma yisha ujayayya na kumina ku kano?" ²⁰ Ina na kuyitan, pugi pigher puwan pidana ja nakashiri? Ba ukusu masugu udama minzya gu pisugi uyini, "iyan ideni pinpi sugu mi keno?" ²¹ Bapisugi umi izayi uiko uzo mayinzhi ma guru mi a suga kijunu ki daraja, ki manzu ana yisha koushe utuma mi? ²² Inna aku kashiri, kade kumina kuma sagani kishiga ki kani na uiko ukanu unu zugsama, ishigruga anuzu nasugu nateng na aci ayin, kishiga kinna iman camsana ma pusara munifa?. ²³ To! nna ideni kene abara magu i sagani ugbaku umazhakhari mayyi mamma de alheri, mami na inapsan abara mazhakhari maiyi a kacing?. ²⁴ Mudama wana magu iden kene abaruwur, wur na iyharkhan, Azan ungyong uyahudawa nazhik, har na ayayi unyong majinni? ²⁵ Ne kenna kaku unyong nitafi ni Yushau, " Ndama yherkya ayami na azan ayher anang agu ayher anang, na ayami nan manimi agu aya nan mani. ²⁶ Mudama wana kene akatina akuyeni agu, "Yin azan aya nang, adama yherkya yeni agu nono na kashiri kagara". ²⁷ Ishaya ima yherkya kaisraila, Ane magu ugbaku nono nisraila udama wana ne nijinjiwa auteku, kudezhe kuyeni nazhik ku dama zuga magaska. ²⁸ Picu gbaki idama dene kenna adama yokotya ma kurgani maberayi auduniya azan udama goro. ²⁹ Kenna Ishaya ima nyakarya kazono,"Picuyar igbaki ina mada biskya yi ayhar kirong, ayhar anana wana ne usaduma na guddu ayher ne ugomorata. ³⁰ To! iyan na kidamagu? ba aya zayo kashiri, ami agbenani ukusu dugan, yena zugi ukusu dugan abara ma dumun na kani. ³¹ Ama Israila, ami agbeni udugan abara matya, ama zugani. ³² To! iyandeni?, abara magu yena gbenani na madumi manasugu na yeni, aman azob usar wapum. yena cirin a katari kan ka dama dene yena rhapha. ³³ Ne kenna a nyakaran agu, " Mingwu ntari katari uzo usihiyona, katari kama ciri na piyi de irapu. kapiy dumun na kani idama potya yi ugbor.