¹ Abara kene ba ma magasa ka yami ayi unyong wa Almasihu Yesu. ² Abara majatanzi ma uruhu nivataru unyong Almasihu Yesu uguddundi aya na aman gaska unyong ibang na make. ³ Abara ukusu na matya ma suskanan mani ma dene abara maza citan ma nipum, na kashiri ka deni kama kunu kono ka kani katumu ayi ne piyher ideni pum nide ibang ama wana uhadaya uma gusku maibang , azan ibanghin mi unyong nipum. ⁴ Kadeni kene abara masaga aberya matya akura kayhar, wurumi kijara azan a mayi mapum, a awu ruhaniya. ⁵ Ayami ajatanzya manang mayeni ana pum yenya na dene kumina ku yani ana pum, ayangha a yisha manang mayeni na uruhu yenya na dene kumina kuyani a usahdu Ruhu. ⁶ Madene makasugu ani pum a make, aman madeni ma kasugu a uruhu a nivataru na magmashi ma kasugu. ⁷ Kanna mummuyi abara ma dene ma kasugu a usahdunipum ama mansana na kashiri, mammayi maza pog ma matya ma kasini, balle isuskllani. ⁸ Ayangha jatanzya usahduyeni ana pum ana bokonyani kashiri kasugu. ⁹ Dukna kene, izaini unyong apum ayi anyong uruhu, inna ayi nibin. Uruhu u kashiri uzomi unyong. Inna pidong izayi urhu Almasihu yi azan u kani. ¹⁰ Inna Almasihu iyi, unyong umu, nipum mimu nikiti aibang aman uruhu una zami a ukusu dugan. ¹¹ Inna uruhu Yesu unna na cokonon awor unyong mayaza uyi unyong uyin, to piyangwu ima cokonya Almasihu awor unyong mayaza idama do a avataru ana pum ayin anake a uruhu uyyi, unwu zomi unyong uyyin. ¹² To akwani, kide utuma aman azan unyong apum, na ki kidama disa usahd unyong u nami. ¹³ Inna iyisan usahd unyong apum, idama ke, aman inna iyisan unyong uruhu i wuni usahd wa pum, idama garga. ¹⁴ Ayami na uruhu kashiri umuksha yeni, yeni a nono na kashiri. ¹⁵ Gama isheri ni uruhu kidere unwu na yendu sahd. Abara, kene ishere uruhu uma wana nonomi, abaruyi kizapkan amyigh ayherkya agu, "Abba, picu! ¹⁶ Ukani nan baran yenna uruhu uwur agu wur a nono na kashiri. ¹⁷ Inna kiyi nono mi, aiwur a nagada, magada ma kashiri. Kuma wur kiyi magasa ayina Almasihu. Ribin inna ki shezhen kidere ayi na yi adma gura zabkhidi nayi. ¹⁸ Gama inyokoton kidere kuya unwu kidama wana ki magu adukani na ugbaku unna dama saganidi. ¹⁹ Abara kenna uhallita uya kutan kuma wana ma nono na kashiri. ²⁰ Aguddu makusu mauya uru ma wana makusu ma uwan, azan mamani ma uni, aman upiyami ikaskantar nayi. Duk na kene ade ma dene makasugu mi. ²¹ Kanap kadama subta awor a kidere ki mabozo, kuma a dama yende kani ma kana amagaska na uyabo u daukaka unono na kashiri. ²² Kiyo kakashiri kanap ka kashiri kaya ma nullana mama waba ma kaza har ma wana mina. ²³ Azan mummu nazig wur ma ana ci awur, kiyi ma yene mazoni ma uruhu wur anaci ayher ki nullana unyong uwur, asu suksa kinono ki wur, wato magaika mapum awur. ²⁴ Abara dene ma nasugu mi madeni kizuga ma gaskaaa, aman ukusun na kiyounu dama wnzgana kidoto ma yita, wa ide ubege uku sunna izinhzinin? ²⁵ Aman inna kide mayo ma ukusun na kidoto ma yita, to kisuksa na nasugu nazug. ²⁶ Kene na, uruhu u muksha ama a dasa maur. Gama kiyoyidi kenna kidama gisa kashiri, aman urhu anici niwuni ugisa abaru wur na manullana mani na suskanyani ma barya. ²⁷ Piyami gbene kasugu iyo na ma mingza ma uruhu, ina ya kagisa abara ka ya dumun ama main ma kashiri. ²⁸ Kiyo maguragu ayangha mani kashiri, kama yisha usahd waliheri abaru yeni, kayami na ayherkan a ma mani, ko iyan ina wana ya Liheri. ²⁹ Abara ka yami na ya yo yeni na a man tara agu yenya awan ne kono kayyi, agi wan kono kazoni ka kobini agbaki. ³⁰ Ayyenna katari, kaddara asu ciga yeni. Ayami naiyhorkha, yeni na igaskan yeni. Ayami na agaskan, yeni na zhakharham. ³¹ Iyan na kidama gu a usahdunwu? inna kashiri kayi nawur, wan idama dene kina mansani di nayiyo? ³² Ko nyazi kani kono kakani, aman a dakanya abara kayhar nadug, iyan idama nyaza kani ama do yhar na kam na kani? ³³ Wan idama do piyam na kashiri kasangbari matya yo? a kashiri kana "gaska. ³⁴ Wan ina ceske a bera? Almasihu umi kini abara kayhar har a pira kene, yi piyami na ama cokonya. Iya ki gomo yenna kashiri aka cika zhakarya ayakagisa abara ka yhar. ³⁵ Wan idama nyaza ayhar a mamani ma kashiri, ukunci, ba ma naguzura makasugu, kidere, ba igbom, ba makpatkari, ba majigi, ba kitan? ³⁶ Ne kenna a nyafatan, 'abaru pu nan wuza yhar ko inshe inmyigh. Aguddundi ne magam ma macezhe." ³⁷ Ausahd unwu naduk ki piru shiru umagurgu wur ayu nasara uyi umi imani di. ³⁸ Gama indumun agu komake, ko magara, ko malaiku, ko kigomo, ko uiko. ³⁹ Ko macogo, ko mazullun, kai kokashe kanap ka kashiri, yenya dama suskanya ni manyazhi dimi amamani ma kashiri mamma yi unyong u Almasihu Yesu picu gbaki kiwa yhar ba.