¹ Akwani, iyoinii (Abara nan bernen kaya yo matya), magu ragu matya ma zob piyushillaci na mayi mayyi auyaunwu? ² Abara matya piyini runga ishishin inna pirumi doto gara, aman inna pirumi kini, isuptan unyong matya ma irunga. ³ To! inna pirumi gara, i manda wori akazomo na pidong, adama yhash yi agupuapi gbeni wa yarumi, aman innapirumi imaru ke,"isubtan aichari matya, abara magu izu wana pigbeni wa yarumi inna irungan pidong. ⁴ Abara mummunu, "akwani, yin ma i kini a matya abara nipum ni Almasihu, Abara ma kupkini irunga na pidong, muni, piyan na a cokonanyi awor ka mayaza. Saga ayhar a wabazhi kashiri nono. ⁵ Abara na kima yi unyong apum, asu yigata usahr wa yher uibang umi uyi unyong apum a yhar unyong matya saga ki wabazya nono makana make. ⁶ Aman mina agaskandi awor unyong matya, kikini a ukusun wu ma shishin ide, Abara magu kiyishi kidere a uruhu pas, azan unyong manyakara mgus mamatya. ⁷ To iyanna kidamaga? matya mami anici nimani a ibangha? mudama taba muni ma wana. Abara kene. Inna zan abara matya indama yogotya mi ibang, innazan magu matya mayimi innana zhinghinmi makusu mapidan macaza, sai na matya maku, "azu zhinzhini makusu mapidong macaza." ⁸ Ibang inyi ma zuga karong abara matya, ininyi ma daza mi usha'awa unwu yi unyong unang. Ibang ina zainimi matya mana man wuru. ⁹ Imma gara nidha matya mazama nimi, matya mamma matumu, ibang igarga, migin ke. ¹⁰ Udoka umi unwu yi magu unu yenda nivataru, mimmi zuguni uniu kitazhi. ¹¹ Ibangimi, ini zgan kapa abara udoka umi aciparya mi, Abara u dotha umi unuwu wuni mi. ¹² Ne kene, matya made utsarki, udoka umi ude utsarki, madugan mavur. ¹³ Ukusu vur uninwu wani mi umakeeh? mudama wana muni kene. Ibang, agu ini sagani agu iniyi ibangmi aukusu vur, ininyi yenden make umi. mummunu mu wani kene abara audoka umi, ibang i wan ibangai kuri. ¹⁴ Abara na kiyo agu matya a mu ruhuaniya, aman minyu unyong nipum. A kidere ki bang nanyimi. ¹⁵ Abara magu inyogotanmi ukusu nan ya mayishi. Abara magu ukusun na ni mami ma dene, azan uni anan yama yishi. Ukusu nan mani mi uni nan ya mayishi. ¹⁶ Innan yisan ukusu nan manimi, indumun na matya mami, agu matya madugan. ¹⁷ Mina azan migin yisha ukusumi, a ibang imi izomi unyong ninang. ¹⁸ Abara nanyo unyong un ang, wato unyong nipum ninang, ba kadamana ka vur. Abara nan pog kutau kuma dene ma ukusu dugan, ana suskanyami ma yishi. ¹⁹ Abara ukusu dugan inna ina mani mayisha bama suskanya mayishi, aman ukusu za dugan unna in mani mi uni nan na yisha. ²⁰ Innan yisan ukusun na inmani mi mayishi i mu wani magu azan migin yisha, ibang imi izomi unyong unang. ²¹ Abara ken, inma yita, mu wana mi magu inde kadamana unyong unang kami magu in yishi ukusu vur, amma ade usahr uza dugan. ²² Abara magu unyong kasugu kanang inya rizhagha na matya ma kashiri. ²³ inzhinzhini kadamana unyong nipum ninang, yenya ya niguma na ukusunwu pas uyi unyong kumina kunang, yenya guddum mi in wana pidere pibang imi iyi unyong napa nanipum ninang. ²⁴ Miginyi piyu kidere mi! wani dama gaskami kanipum ninninina keyo? ²⁵ Ugodiya ka kashiri u Yesu Almasihu ubangiji uwur! Abara nici ninang a pituga pinina kumina kunang inya ma derene matya ma kashiri. Kene a pituga pidha in derene ujinu ibang umi uyi unyong unang.