¹ Iyan na ki dama gu? kinku dama kanidi mayishi ma ibang abara magu alheri agbakana? ² Mudama wana muni mi inna adama gu ki maru biskya mayishi ma ibang agura dene kuminami ama yisho? ³ Iyoini agu ayami na zuran yeni unyong u Almasihu Yesu azuran yeni har ma katumu a make naiyi? ⁴ Niksandi nayi, abara mazura maiyi unyong make maiyi, kenna mummu wani kenna Almasihu i cokon awor unyong mayaza unyong ugbaku picu. Abara kene kidama jara unyong u sahrupas. ⁵ Tunna kiwani kidhe nayi unyong madukani ma make maiyi, kidama wana kideh a ma coko maiyi. ⁶ Kiyo agu, ama sagarya piyanwunu igus yenna yi, abara magu apopso nipum nibang. Mummunu mummu wani magu kizu kanidi ma derene mibang. ⁷ Duk kini adama de yi a kayezu kapiyi dugan uzo ibang. ⁸ Inna ki kini na Yesu Almasihu, kidumun agu kidama yi nayi. ⁹ Kiyo maguragu a cokonon Almasihu awor unyong mayaza, abara kene idoto zayi kuyaza mi make mazamani ushiru uzo uyyi. ¹⁰ Abara make manna ikini aibang i deni nideh abara kayer nadug. Kazom kami na iyisha a kashiri naiyisha kani. ¹¹ Abara kene yin zhinin aci ayin aya kizhin unyong ibang ayi aya gassa ka kashiri unyong Almasihu Yesu. ¹² Abara kene ayher azu biskya ibang ini yisha kigomomuzo wayher, har ayisha ukusu na ini mani. ¹³ Azu zhimin a pum a yin ado ibang aka nyezu ka mukusu ma utuma maza dugan. Dugin aciayin ka kashiri agu igargan na make. Agurumi a zha apumayin a do kashiri aka nyezu ka utumua u dugan. ¹⁴ Uzu biskin ibang iniyisha kigomo uzo maciyin, abara magu izani aukakashi u doka, ayi unyong u kal kashiwa liheri. ¹⁵ To! sai iyan? Ayher adama yishi ibang abara udoka uzauni ushiru kuyher, sai akashiri? mudama wana muni mi. ¹⁶ Iyomi agu ayimi a zham aciayeni ado aka nyezu ka dere, kapiyami iyi adere mi? mummunu anibin, ba iya dere aibang imi dama jaga a make ba iyi a dere mi ama pog abere ami adama jaga aukusu dugan. ¹⁷ Kigudan kashiri! ki ma yi adere ibang, kinki poton abere amu adumya nani abara mabashi manna abashi di. ¹⁸ Agaskan ayher unyong kidere kibang, aguddu ayher adere a ukusu dugan. ¹⁹ Inber bene yin ne piyhar, abara madasa mayhar ma inama na manyo. ne kenna izhan apum ayin ado kuyitu na ushr uzadugan, kene ma mina duyin napa napum ayin a kanyezu ka adere a dugan. ²⁰ Aka dhar kanna i ma yi adere aibang,iyi aya na aciddan yeni unyong ukusu dugan. ²¹ Aka dhar kankana ima zugi na usahr umi na ipog ugbor uwuni mina? abara kene ukusu na iyisan usakamako umi uyi make. ²² Mina na ama gaskini awor unyong ibang aguddini i wana adere a kashiri, madugan ma muni mayi ma guskura mayin. Usakamako mi uyi nivataru nizadara. ²³ Abara kene usakamako u ibang uyi make. Amma mado makshiri mayi nivataru nizadara unyong u Almasihu Yesu ubangiji wur.