¹ Tunna kizugi magaska, abara madumi, nasugu nawur na nomon abaru Yesu Almasihu. ² Abaru yi kuma na kizugi mawana ka liheri akaci kam na kinyazi abara libarka ni ma dumi mawur. Nasugu nawur na bokon abara maza musahd abara na kashiri ka baran di ukusu dama gura wana. ³ Azan muni utamuni amma nasugu na bogdi na ukasu kidere ki wur. Kiya agu kasu ka kidere kana waba. ⁴ Mashigruga, mshigruga kuma mayende madumi madumi ma yende mazamu sahd ma ukusunwu jara ma wama. ⁵ Maza musahd na madene makasugu manna kide mana do mani piyer ugbor, abara na a saskhanzndi mamani ma kashiri unyong na sugu na wur a ruhu maitsarki, unna a dugidi. ⁶ Abara magu aka dhar kanna kina shizzidi, Almasihu i makye a kadhar kadugan abara kaya za yo yi. ⁷ Azanukusu bangha magu piyer idumi a ke abara ka piyi dematini maba. Ana shehseni ba pidong yada dumya ma dene kasada ake a bara ka piyi de matini. ⁸ Amma kashiri kama dene ayhar ma mani tun ki doto yi a yibang, Almasihu ima ke abara wur. ⁹ Balle mina, nakizugi magaska abara mayo mayyi, ayer adama zuga magaska daya a kushiga kiyyi. ¹⁰ Abara magu, tun kidoto aya majini, a napshidi na kishiri abara makye makono ka kashiri balle mina naki zugi usulhu, Akam gaskidi abara ni vataru kiyyi. ¹¹ Azan kene nazig ba, nasugu na bogdi ka kashiri abara ka ubangiji Yesu almasihu, unna abaru yi na ki zugi mayisha usulhu. ¹² Sabona kene, abara kapiyu dha na bang ima rinya unya'unwu, kene na make mama nnya, aman kenna make ma tumi abara ibang. ¹³ Aka dhar kanna ama dotoma dene matya mabere a kashiri, ibang ima yimi uyi unwu, aman ana bazzani ibang akatikamna matya maberya kashiri mazamanimi ba. ¹⁴ Dug na kene, make maman zoboro zoboro kaci tun ka Adamu makanu Musa, nadug na ayami a denyani ibang ne ya Adamu umi uyi ne maduntani ma piyami idama tumu. ¹⁵ Ukyauta wani azan ne madene mai bang ba. Abara magu innayi abara ka ibang ipiyudha unwunu, Yesu Almasihu, u baiwumu ugbakana kaya gbaka. ¹⁶ Ukyauta umi azan uyi ne mamanaki ma piyanun ideni ibang. Ukusu deni, maceske ma bere mazhip ma wani abara yibang ipiyu dhe. Har ma wana ukyaru mazuga ma ubaiwa uyanci matimi kacini ka ibang igbaki. ¹⁷ Inba abara ibang ipiyanwunu utayyi, make mamma gusazan ko inki, abaru yi utayi, kenena ayami asheri u alheri agbaki na ubaiwa u madugan abara nivataru, ni Yesu Almasihu. ¹⁸ Abara kene, kenena ibang ipiyami udha ideni maceske mabere ma zuga yher nadug, kenna utuma udugan upiyu dha udama gaskidi na uyara ka yashillaci agbaki. ¹⁹ Kamar kenna maza mabere ma piya wunu madeni ayashillaci agbaki nakham a wana ayaibang, kene na mazob ma ukusu na kashiri kaku mapiyamu dha madama dene aya gbaki azuga uadalci ukashiri. ²⁰ Abere kashiri angha wani, ama dene ibang igbakana. Katina ibang igbakanan, alheri ana pira a magbakana nakham. ²¹ Ukusu mi uwani kene, abara na kenna ibang i wani ko inki ma kana make, kene na alheri a wani ko inki makana ka ukusu dugan na ma gaska mani vataru maza dara abaru Yesu Almasihu ubangiji wur.