¹ Kinki dama gyan na Ibrahim ku kaka kuwur anipum, iyan izugsanano? ² Abara na inna ibrahim zugi ma gaska abara ukusu na ini yisha, ini na zugi ukusu ma thakharhana, azan kazono ka kashiri. ³ Iyan na abere a kashiri kumo?" Ibrahim idumun na kashiri madumun mami kuma madeni a yita u dugan uyini." ⁴ Mina fa piyi yisha madangma, i ladi yi abargan ani agu au alheri mi, aukusun wuyi uyyi." ⁵ Piyi yisha yi kadangma aumaimako kene idemun na piyi gas ayibang, madumun mayyi a bargan mani nane piyi denatini. ⁶ Dauda ma dene Libarka ka piyide matini na mazade mama yishi kadangma . ⁷ Igu, "A aya de libarka ayami na guskun yeni ibang iyeni, kuma ayami na ibang iyeni igusan. ⁸ Piyi libarka yi iyi yiyamna kashiri kadama bargya kani ibang iyi ba". ⁹ To libarka nimi na abaran ana yami ayisan ukaciya naziggi, ba na ayami a disan ani ukaciya inayeniyo? na beren agu, "madumun ma Ibrahim na kashiri a bargan agu, a manang madugan uyini." ¹⁰ Inni na bagano? kacini kama yishi ma ukaciya u Ibrahim, ba a maza yishi? Azan unyong kaciya, a unyong mazode ma ukaciya. ¹¹ Ibrahim i shere maduntani ma maza ma ukaciya uni uyi uhatini udumun madugan mani na ini de tun aka dhar kamna ama doto ma yishi ni ukaciya. U albarka umi a maduntani, unima dene ini wana picu wa yami a dumun kona yenya zani u kaciya mabaryagu, udugan na dama bargya yeni mi. ¹² Mu saganan agu Ibrahim i wani picu kaciyaka yami kaya ciri azan aya de ukaciya nazig. Piyi zoboron mataki ma picu wur Ibrahim. Uni uyi madumun mam na inide azaini ukaciya. ¹³ Azan abara na berya kashiri na ama den Ibrahim likawali na kirang kiyem, likawalinim na magu yenya dama gaji uya unwu, au maimako kene, abara maduguan mama dumi. ¹⁴ Abara magu inna yenya yi aya berya shiri aya dama gada, madumun mazamani kadamana, kuma likawali nim a wurunun na nini. ¹⁵ Matya mana yendezhe kishiga, inna aza ani matyamana, ba piyam na dama zuga ideni ibang kenna. ¹⁶ Abara kene mummu wan zagaman a madumi, sa mu wana a na liberi. Ne kenna Alkawari ami a wani a kirang na dug mudama wana muni magu ayami ayo abere kashiri naziba unyong aya dama yimi, har nadugna ayami adumun a madumi ma ibrahim. Abara na iniyi picu kowani. ¹⁷ Kenna a nyakaran, "inguddun bupiwana picu ma yinzhi ma duni," Ibrahim piyi yi kazono ka kani, nato, kashiri piyi dugsha avataru ka mayaza kuma ana yherkya ukusu zauni nivataru un cira. ¹⁸ Nadug na usah umi u chandhari, Ibrahim idumun na kashiri ba ka dong kasasa a ukusun wu dama wana. Ininyi wani picu wa mayinzhi magbaki, kenena a ma barya, "kene na kirang kimu kidama wana." ¹⁹ Inina potini usahd ama dumun na kashiri, Ibrahim idumun agu ini maru kuna (kiwa kiyini ituru pituru), agum mi a dumya agu riwab ni Saratu ni dama shi suskanya nini ma waba. ²⁰ Amma abara likawali ni kashiri, Ibrahim ina potini uzibu u maza dumun ba. Nmaimako kene, ini zuga ukarfafawa a pirya madumi na kashiri a khanhyanha ado kani kicubru. ²¹ Ini de madumi nadama agu inna kashiri ka deni likawali, kana kurganya. ²² Kane na ama bargyaini apiyidugan. ²³ Ama nya kartani abaru yini utaini ba. ²⁴ Anyakaran abaru wur ki dumun na piya mi i cokonon Yesu ubangiji wur wor unyong mayaza. ²⁵ Yi umi na nama zizi abara ibang iwur a cokonya yi sa i gaski di.