¹ Mapiri mamna piyahudawa ide masha? mapiri ma ukaciyu mi masha? ² Mude muhumminci a kijina ki baktazi. Amacingha do ayahudawa u wahayi uwor ka kashiri. ³ Inna adong ayahudawa agabya ni ma dumya fa? maza dunmi mayeni nyaza kashiri ma dumya na yeni ayishu tuma? ⁴ Muna taba mawana muni kene, a umaimako kene, kashiri ka wana piyu nibin, kona ko pishe piyu shillaci iyi piyu kabere mi. Kenna a nyakaran, "sa sagamya agu piyi piyu dugan unyong abere mu, sa pi zuga kapes a kadhar kanna ana yende bu akaci kamatya." ⁵ Inna maza de ma matini mawur ma saganan mtini ma kashiri, to kidama gyano? Kashiri azan piyi zayi matini ba uni ina cidda kishiga kiyyi, bannyo? In berbene daidai na kumina ku piyer. ⁶ Mudama taba ma wna muni kene ba inna muyi kene kashiri kadama matyama uyaunuwa? ⁷ Inna, kabere kanang, ka ciddan ribin ni kashiri a chandharza, a pirya ma daukaka kani to, iyan ideni angha doto yisha mi matya agu migi a piyu ibangyo? ⁸ Iyan idama nyaza amagu kenna ana yishi di kabere, adong azyan utumu?" maceske maberan a ribin. ⁹ Agu iyan kenan? kidama barya kadangma? ko nacun. Abara na kiman berbene a yahudawa na Heleniyawa, agu nadug uyeni, ayi ibang. ¹⁰ Kenna a nyakaran, ba piyi de matini, ko udha. ¹¹ Ba piyi ya kadangma ba piyi gbene kashiri. ¹² Nadug adotozob ani ujina, nadug uyeni adoto zani uanfani. Ba piyi yishu tuma umatini, kako piyu dha. ¹³ Magurmuret mayeni maghanti ne mashega. Arem ayeni ide kigbana. kikwana kiyogo kiyi unyong irupa iyeni. ¹⁴ Nano na yeni na kuzzi na ula an na unyaku. ¹⁵ Ibini yeni isu yisha kumina makana akati kama wunza ma ayashillaci. ¹⁶ Utafarki uyeni a kidere na managugura. ¹⁷ Idugya yanghama amanyani kazom ka dugan. ¹⁸ Yenya zani usahd ukashiri," ¹⁹ Kiyo ukusu na abere kashiri aku, abere kashiri a berbene kayami ayo kani, asa agusa kokashe kano, saga agu yanuwu a guddu abere kazono ka kashiri. ²⁰ Ba piyi dama supta kazono ka kashiri a bara magu izob ukusu na kam ka kuma, abara magu unyong a bere mi a kani na piyer ina yogotya ibang iyyi. ²¹ Aman mina nazan matya na yisan a chandharham udugan ukashiri, unna annabawa a basha. ²² Uadalci u kashiri yenna madamun na Yesu Almasihu ka yami a dumun na ribinnin. Abara na bok tazyiani. ²³ Yeni nadug a yisan ibang angha suskanan ani makazaya a udaraja u kashiri. ²⁴ Abara naliheri mina deni di kizugi masupta abara ma tumu ma Yesu Almasihu. ²⁵ Kashiri kazan Yesu Almasihu unna amado sa kizuga magusku maibang inna piyer idumun unyong manyo muyyi. kama zya Yesu Almasihu a doyi ma ceskema abaere, na ma gusku ma ibang ya cini. ²⁶ Unyong kasugu kazug, ukusu mi uma wana kene amagu a chandhari madugan makani unyong uya unwu, ado kani ma barya yher agu kani a piyu maceske mabere, agu kanka sagani agu akani kana gaska ayher nadug piyi dumun na Yesu. ²⁷ To mathakharana masho? acidan manimi. ²⁸ Abara musho? abara kene kimangaran agu azan abara ukusu na piyer iyisha ba aman a ma dumun kani madeni piyer izugi magaska. ²⁹ Ba kashiri a kashiri ka yahudawa nnazigi? kani azan kashiri ka yaza yokani? aka yeni. ³⁰ In ba kashiri kayi kadhe, kadama gaska piyu kaciya abara mudumun na fani, napiyi zade ukaciya abara ma yo makani. ³¹ Kizyan maceske mabere mi kenna abara madumi? mu damataba ma wanzagana muni kene. Aumaimako kene, kipizzya macezye maberam kenna.