¹ Abara kene pizabu ukusu maberi, piyu sillaci, pupiyisha matya, ukusu na piyisha ni matya pidupkanzya nici nimu. Abara na pi baka yisha ukusu napi tyamanuni. ² Wur kiyo agu matya ma kashiri a ribina kadhar kamina kan kadama tyamana aya yisha ukusu makari. ³ Aman bara kumina kimumi, piyu shillaci, pupiyi sha ayami ayisha idug ukusumi matya ayo pisu yisha kene. Pimenne kashiri ka dama yisha kani pi matya a? ⁴ Babu masu yaksa ukusu dugan unna kashiri kayishabu na kana tymana kanipi nawau na uhankuri ukani? Piyobu agu madugan makani a magu pu pizug a tuba? ⁵ Aman abara nadagdan mamu na kasugu kaza mani ma tuba, pigbeni nici nimu kishiga, katuk kanna kashiri kadama ma yisha matya ma ribin. ⁶ Kadama ma do ko pishe piyushillaci daidai ukusunna iyisan. ⁷ Ayami adenya a ama yishi ma ukusu dugan bama biskya, yenya gbeni aci ayeni, u yabo na kicubru, na nivataru niza dara. ⁸ Kayami ade mamani maci, ayami agabyani ma yisha ukusu dugan, a yisha ukusu za dugan, kishiga kikashiri yenna makpotoro magbaki ma dama zuga yeni. ⁹ Kashiri kuma kadama toddo ubalai na uyongono ka vatarua yami a yisan ukusu za dugan, acingha ka yahudawa a zoboro ka Helinawa. ¹⁰ Amma u yabo, udaraja na nasugu na gmasazhi u dama zuga ayami ayisan ukusu dugan, acingha ka yahudawa mashi kana ka Helinawa. ¹¹ Abara na kashiri, kana tewe kani. ¹² Kayami a yisan ibang abara na zoboron ani ukusu na kaku, kenna yenya dama ka nuya uraba matya, kayami a yisan ibang unyong mayo mabere kashiri adama yisha yeni matya kenna abere akani aku. ¹³ Abara na azan ayami apog abere ayishi ukusu na ka mani ba, aman ayami ana potya a dene kenna kaku yenya dama subta. ¹⁴ Ayashillaci ami ayo ani abere a kashiri, aman asu yisha ukusu yi u kashiri, a nyakaran aci ayeni,ko yazani abere kashiri. ¹⁵ Yenya saganan magu ukusunna, kashiri kamani unu nyakaran anasugu na yeni. Kumina kuyeni ku basha yeni, kumina kuyeni kuma, ba unu basha yeni ukusu makari unna a yisha, ba unu gusaza yeni. ¹⁶ Kenna muyi ka kashiri mudama wanzagana kene katug kanna kashiri kadama tyamana ayhar ukusun na ayishillacia yisan aka nisa, kenna mummuyi unyong abere a kashiri ami ayi unyong Yesu Almasihu. ¹⁷ Abara na pi yesha niu nimu agu piyhudawa, izami unyong matya, asu thakharanba ka kashiri. ¹⁸ Yogotya mamingza makani, a yogotya uksu bakti na ykani, a zuga mamagasa ma abere akani. ¹⁹ Kenna pipog bu usahd u magu pu a kuzonzon kwa dumu, matus kayami ayu nyong majin. ²⁰ Piyu horo kashiri pide mayo na ribin. ²¹ Yin imagasa a dong, i magaranni aci ayinni? yinina basha gu azudakara, ina dakani niyi? ²² Yinumi ina basha gu azu na musa na ayarumi adong, ina mushi ni mi? yinumi inagu azunatutunzura kadabgnaba agu a kashiri, ina dakanni nazya. ²³ Yin umi ina zabkhan ci agu izob aberya kashiri nateng, ina yishi ni kashiri ukusu makari amarhaphazhanha mayini mamaza zob kani natenghe? ²⁴ "Ama wulakanta nizagi nikashiri unyong ayashillaci abaruyin kenna aman nyakarya. ²⁵ Ukaciya ude mapiri uyin, inna izoboron kenna aku, amma inna iyi aya za zob ukusu na ku ukaciya uyin uwani uwam. ²⁶ Inna piyi zade ukaciya izoboron ukusu na udoka uku, adama zyani mazade ma ukauya uyyi agu ide ukaciya ba? ²⁷ Inna piyer izayi ukacinya uma nyo idisan ukusunna aku a yishi nadug, idama yishayi ni matya yin ide u kaciya? mummu wani kene abara na ide abere kashiri anyakaran ade ukaciya bamazob ukusu na ku! ²⁸ Yi azan piyahudawa uya mi, azan piyi de ukaciya unna awakan kukpoko ba. ²⁹ Amma api yahudawa u nyong, kuma apiyu kaciya kasugu na uruhu azan watakadaba, idugi piyangwa uyabo uyyi azan una cira awor kaya shillaci ba, a una wor ka kashiri.