¹ Bulus, pideru Yesu almasihu, unna a yharkan agu iwan pikuni, u,mi na a samgan abara na bere a kashiri. ² Ukusunwu uyi mabashi ma berya kashiri amna ama maru mahgatun kadangi ana no na annabawa yi yenna unyong mahyakara ma bere ayyi. ³ Na kono kayyi,na amawaba a kirong ki Dauda ana bere anipum. ⁴ Kenna ima coko awor unyon makye angha ma guddu i wana kono kashiri abara na uygaku urhuh utsarkekuwa, Yesu Almasihu ubangiji uwur. ⁵ Abaruyi na kima shere alheri na ayukun abara ma dugan ma kumina unyong ayashillaci, amagbaki ma nizagi niyyi. ⁶ Unyong ayashillaci angha, a yherkanni ninnaini agu wanin aga Yesu Almasihu. ⁷ Manyakara mamma nayisanni ama yin nadugiyin iyi a mayinzi ma u Rom, aya na kashiri kamani, aga na ayherban avur nasugu. Ukusu dugan uzoban ni naduguyin, nama gmashi mahasugu mawor ka kashiri picuwur, na ubangiji Yesu Almasihu. ⁸ Ukusu zoni dai in nagu kishi ingu shambarka nau Yesu Almsihu abaru yin naduguyin, abara na abasha ka inki a uya uhnwu agu idumun na kashiri. ⁹ Abara magu kashiri kani kayo mi, kami nan yisha abere ayin. ¹⁰ Kokashe katug ina gisa kishiri ingu kamuki mi in zuga ma wanu yin unyong uikoukani. ¹¹ In pogne niyitini nawas, adomi madoini u baiwa uruhaniya, amukinishiruga. ¹² Inmani ma yita izuga mamuki ma mashigruga mayin, abara madumi na kashi mayhar, mi nayin. ¹³ Immanim magu ibiz mayo, akwani, atug agbaki nanna mani ma wanu yin, mimmi doto ma zuga . Immani ma dere kene adomi ma zuga nono na uruhu unyong uyin kene muyi unyong kudeze ku ayashillaci. ¹⁴ In de uzibu wa yuttelinawa na kudezeh kwa ya shillaci, ayi duntu na aya za de iduntu. ¹⁵ Abara nan mancan kurga ma jaga abere kashiri uyin, iyi unyong mayinzhi ma u Roma. ¹⁶ Migin na pogmi ugbor u mabashi maberga kashiri, a ani ayi uiko ukashiri abara mazuga ma magaska kapiyi dumun, aya zoni ayi a yahudawa azoboro na a Helinawa. ¹⁷ A abara ma dumi mammi na ukusu dugan uciri ka kashiri u tumi aciri unyong madumu na ma dumun na kani, kenne ana yi unyong manyakara, "piyi yisha ukusu nakaku idma garga abara madumun mayyi." ¹⁸ Kishiga ki kashiri kima wana awor uzo kayami azasu yisha ukusun na kaku na yazani kumina ku dugan, ami ana dumyani na abere aribin sai annazan aribin a maza de ma kumi na ku dugan. ¹⁹ Ukusu deni ukusu na amani magu a rogoti geme na kashiri yenya yo kashiri kamaru barya yenuni na piring. ²⁰ Abara magu manang ma kashiri mamna ana suskanyani mayogotya ma chandharam na piring tun ma wana ma uyha unwu. Ana yogotya mani na makusu na kagisha. Abara kene, yangha zani ukusu mabari. ²¹ U dalili kuwa, ko yenya pog ne yenya yo kashiri, bama zhinzhimi ugbaku kani adugsha kani kigomo kikani, na ma kuma kaniagu shambarka. Nama dene kene, yenya wani na dangrha a kumina ku yeni, nasugu nayeni na za kumina ku dugan na pirga ma shirgi. ²² Yenya zan aci ayeni ne aya de iduntu, aman yenya wani nadhangra. ²³ Yenya yibirin ygbaku kashiri kanka dama dara kani aguddu ne makusu mamma dama dara, ne piyu shillaci, na nanin, na manara nade ibini noz na mammana whamarha. ²⁴ Abara kene kashiri ka zgan yeni ado kituau ki makani kin kiyi unyong nasugu na yeni, saga yenya dukisha aci ayeni kidere. ²⁵ Yenya yibirin ribin ni kashiri a guddu kaberen yenya na ka tutuzura ukusunna icara inapsan, a umaimako upiyi napsan yeni, yi iyi piyam na adama na tutunzurayi har madara ma uga. Amin. ²⁶ Abara kene kashiri ka zyan yeni a do, kumina kuna sugu na yeni na kagbaen ka yarumi na yini na mazamen makici anici, har ayini ayeni a yibarya kanna ana musa ayini na yarumi agudda ma yini na ayini. ²⁷ Ayarumi ami inna yeni ayibarya kuma a na musa na yarumi na ayi ni aguddu mu wana ayrumi asumusu asu yisha ukusu makari. Ayarumi na ayarumi asumusa asu yisha ukusiziri, kuma yenya baba ukusun na abizzan u iziri. ²⁸ Tunna yenya dumunani na kashiri unyong manang mayeni, kashiri ka zyan yeniado mawuru ma kumina kum na yenya zob, kuma yisha ma ukusu makari. ²⁹ Kumina kuyeni ku kuri na mazama kidere, nasugu na gmer, maza mani magu pidong izug, managazami, ipukunu,mawunza mayashillaci, macokanzi ma maciti, kiaparu, na kumina kumakari. ³⁰ Aya kusunu namamatharha aya za mani kashiri. Aya ma cokonzi mamaciti, aya za pog a to, aya man bozo anasugu, aya na matharh ko iyan, imakari, na aya za pog abere awaban ayeni. ³¹ Aya shisshi na sugu, aya na re a mana, ayazade ma mani, na mazama kidere. ³² Ayangha yo na aberya kashiri kenna naku idugiayami ayisha idug iusar unwa adama dene yeni uruhunci umakye. Azan ma yisha ma ukusus makari nazig harma yenya na muksha ayeni a yisha kene.