¹ Akwani mammani ma kasugu kanang na kagisa kanang ka kashiri abara yeni magu yenya zug ma gaska. ² Abana nan basa agu yanya de madene mana sugu ka kashiri, aman bama ya. ³ Abara, na yeni aya ani madugan ma kashiri, yenya ya kumina ku disha usah uyeni ama dygan mayeni. Bama da aci ayeni ka u dugan u kashiri. ⁴ Almasihu yi iyi makurangani mu doka ma kana ukusu dugan uyeni nadug ayami a dumun. ⁵ Musa ima nyakarya ama dugan mana idama zuga abara matya: " Piyami iyisanukusu duganamatya, idama garga abara audugan." ⁶ Ama udugan umi uwani abara madumun ikugu,"Izu gurin anasugu nayin, wan idama tuga uzo yo?.(abara magu itoddon Almasihu kajes). ⁷ Azu gurin agu, "wan idama dungrya makana kajes o?" (watu magu wan idama cidda Almasihu awor ungyong mayaza). ⁸ Ama iyanni kuma? " Mabari mamma na pati bu unyong kano kamu na unyong kasugu kamu". watu mabari ma madumi, manna kiya mabashi. ⁹ Nna ayi akano kamu, pidama zuga magaska. ¹⁰ Aunyong kasugu na piyher ina dumya ma kana udugan, a kano kuma na ina barya azuga magaska. ¹¹ Aberashiri aku, "Piyi dumun na kani, idama potya yi ugbor," ¹² Piyahudawa yenna piyi za yo kashiri yena sakazyani. naduk uyeni picuyeni ugbaki aude,yi apiyide kapiyi yharkhanyi. ¹³ Duk piyi yharkhan nizagi ni picugbaki idama zuga magaska. ¹⁴ Nni na yeni adama yharkya piyanna yena dumun ani nayiyo? kuma nni na yena dama dumya na piyan nadoto ma potya kutepu kuyiyo?. ¹⁵ Kuma nni na yena dama jaga abere a kashiri ana kunyani yeno?, Ne kenna muyi a ma nyakaran, " Nni iyi maduntani muvura uibini ya yangha bashya kutepu ku nasugu nabok umakusu mavur!". ¹⁶ Ama azan yeni naduk a poton abera kashiri. Ishaya imagu, "picugbaki, wani dumun naukun umiyo?. ¹⁷ Madumi mana wana abara mapoti, mapoti mami kuma mayi anabera Almasihu. ¹⁸ Ama nkugu, "ba yena poton ani shi?, I, ribin" Rimyigh ni yeni ni kana zaga konki aya ungwu, kuma abera yeniakanaka zaga akamangarin ka uyangwu. ¹⁹ Ukyaru nkugu, "Ba israila iyoinishi?" Akacing ka Musa imagu, "Idama denini kishiga na iputkunu na ukusunna azan aya zayo kashiriba. Ukusunna nmingza ayami ayokoton ani, ndama yishutuma nayeni, acokoni ni kumina." ²⁰ Ama Ishaya na kumina kushiri inigu, "Kayami agbenanimi azugimi. Nka fanthakayami agbena nimi. ²¹ Ama kisraila inigu, "Nnesken abara na yena yi aya dagdanzhi.