¹ Migi nribshi magu, kashiri ka kubarandi aya kani kacinishi?, mudama wana munimi. Abara magu migi a piyu israilami, u kirong kibrahim, a kibiga Kibilyaminu. ² Kashiri kakupan kani aya kani anna kapurku yo yeni, ba iyo kenna abera kashiri aku Kiliya, kenna inima jaga matya ma ayisraila ka kashiri?. ³ Igu, "Kashiri yena wunzan anabawaamu, ayikiri kudhagha kumu, migi utami ntakan, angha ana gbene mawunami". ⁴ Kashiri ka ma shere aguddini agyanno?, kagu, "Nde ayhar idubu kushere nan guganam abara nici ninang, ami adotu ma taba matutunzura Baal i". ⁵ Banna kenema, akapakami ade kudezhe ku masama, mudugan. ⁶ Ama ayiabara naliheri, azan agu ausahd, unna azan kene, aliheri aama wana ani alheri mi kenan. ⁷ Sai iyan? ukusu na Israila ugbene, yena zugiani, ama ayan na asami yen zugi, kudezhe kumi ku dagdurgan. ⁸ Ne kenna unuyiama nyakara, " Kashiri kadugi yeni uruhu umaza yokotya, ade ayizhi ama adama yitani, ade ato ama adama potyani, har maka tumu nmyigh mumi." ⁹ Dauda yi magu, "Saga utebur uyeni uwan karhagrhag, na kumeng, awna katari kama ciri na ukusu kayak uyeni. ¹⁰ Saga ayizhi ayeni a rimti abara maguyenazu yita, nacini na yeni khanyi uren." ¹¹ Nkugu, "yena cirin agu yena jigi? idug ukusungwu unuzu wanzagana mi. Abara kene, ma kumburga kacini mani ma deni, magaska mama wana kayaza yokashiri, abara na madeni yeni iputkunu. ¹² Nna mina makuburga mayeni kacini na yena ma dene mawani kikarma auya ungwu, mazamani mayeni ma wani kikarma kaya za yo kashiri,nni na madukani ma magbaki mayi madama wana nna yena wani a kamangarin. ¹³ Mina nberbenuyin yin izyokashiri. Kenna nyi pikunzun wa ya za yo kashiri, nthakharhanha autumumi. ¹⁴ Mudama deneakwani ayishi putkunu, abara ma gaska adong ayeni. ¹⁵ Nna magaba mani ma yeni ma yenden manapsana muyangwu, mashere mayeni madama wananniyo?, madama wana nivataru awor amake. ¹⁶ Nono na zoni na nizagi ayagra nani, nna kinyagha kikaci kiyimi, kenna npagamumi mu dama wana. ¹⁷ Ama nna tuzi madong unyong npaga mumi, nna iyi npaga muzaitun, nazugi unyong umuni, kuma nna ide ugado na yeni, unyong kinyagha ki kaci ku Zaitun. ¹⁸ Azu thakharhanin ampaga mumi,na ithakharhanan ampaga mumi to azan yin aya mi shirani kinyagha kim, ama akinyagha kimi kisharanzhini. ¹⁹ Pidama suskanya magu, "Itusurun npaga mumi abarama zuga mimi unyong." ²⁰ Mummu aini bin! Abara ama za dumun mayeni madeni atuzu yeninpaga mumi, ama nyazanan nushiru unyong madumi mayin. Azu zhinin aci ayin apiri kenniyi, ama potin usahd. ²¹ Abara na nna kashiri kabiskan kani kacing ka npaga mumi, to kadama biskya kanini. ²² Yitin kenna idugi usar ugon ukashiri. Aka manzu kacara kami, magono mana wana ka Yahuda ami ajigshin. Har ukyaru mamuki ma kashiri matumini, nnaikananni unyong alheri akani adama cezhanini. Amanna igabini adama cezhini. ²³ Kne , nna yena denani kazono na maza dumun mamma yeniba, adama guddu yeni unyong kacikkam. Abara magu kashiri kadama suskanya magurumia guddu yeni. ²⁴ Nna aceskenbu a kaci ku Zaitun kankayi karmi,har mudama wana magu apharkhanbu unyong kaci ku zaitun kankayi a kacing, nni kuma na ayu yahudawangha ayikacing ka npaga mumi, na adama guddu yeni unyong kaci ku zaitun kankayi akacing?. ²⁵ Akwani imani magu izomo unyong majin aukusungwu unisan, Abara maguizu demayo akuminakuyin. Ukusunwu ukanisa unuyi agu madagdurga mamma mawana kayi israila, har aya za yo kashiri arinya unyong. ²⁶ Abara kene na ayisraila naduk adama garga,na kenna muyi amanyaakara: "Awor unyong usihiyona na piyi dama gaska idama ciri, idama zyakuyitu mi unyongu Yakubu. ²⁷ Ukusunwu udama wana likawali ninang nayeni, kennanzyan ibangiyeni mi." ²⁸ Apimanzu pituga ama bashi mabera kashiri, yena aya magaba mani abaruyin,audongukusu abara masama makashiri yeni ayama mani abara kacu. ²⁹ Kenna madukshi na mayhasa makashiri mana bakturga mani. ³⁰ Abara nayin ina gabini mazoboro ukusunna kashiri kaku, amamina izugi mamuki abara maza zoboro ukusunna kashiri kaku yena den. ³¹ Aujinuwunu dai, Ayu yahudawa yena wani aya zapokabere. Abara keneangha saganan ni mamuki, yeni ma azuga mamuki mina-mina. ³² Kenna kashiri kagusan kowani na mazapok mabere, abara magu kasaganimamuki u kowan. ³³ Nni na dama dukanya mazullunma made na kuminaa mayo ma kashiri!, macezhe mabere mapii kene na dama dukara, kijina kiwuni kipiri kene na dama yokotya! ³⁴ Wan iyo kumina ku kashiri?,waniwani piyu kudo kuyyi yo? ³⁵ Bawan ima zonzo ado kashiri kadamana, abara magu a guddu yi yo?. ³⁶ Awor uyi, abaruyi kuma, uyi kuma makusu naduk maciri uyi. Uyi mazhakhari mayi har uren.