¹ Ngishi ni akwani, abara ma gbakima mamukima kashiri, dugin apum ayin u hadaya ugara, vur kuma ukusu mashere kakashiri. Uniu yi utuma unna a dugi ni. ² Azu wanin ne ayher uyangwu aman a zuga ma wana ayapas abara ma guddu kumina kuyin ku wana kupsa, dishin kene adoini ma yogotya ukusu dugan, mashere, umimyi makurgani ma kumina ku kashiri. ³ Na agu abara ma muki mamna adugi mi, pidong izu zabkha nici niyyi ajaga katina kashiri kajagi kami piyamimi, a madene kene iwana aya de idumtu, akanna kashiri kadugi ni naduk madumun nakani. ⁴ Abara na kide napa ana pum angha dha, amang azan nadug na yisha utumanwu dha. ⁵ Kene na muyi kayhar, nane kenna kigbaki unyong nipum ni Almasihu, nadug uwur a napa na yhar nadug. ⁶ Kowan ide ukusu na adugi yi agu iyishi abara na liherian na dugi yher nna ukus na dugi pidong a u anabci, iyisha kene kenna ushiru madumun mayi kakashiri mayi. ⁷ Nna pidong ide made ma na mukshi madong, iyishi uni, piyam na dugi yi ma bashi, i basha. ⁸ Payamna adugi yi mana muya dong na aberya dugan ama shigruga, iyisha, piyam na a dugi yi usahr uma mukshi adong na nadamana, igbana kacara ayisha i ba piyam na dugi yi mayo ma kigomo, iyisha ade kumina, piyam na dugi ma pog ma kidere, iyishin kasugu kadha. ⁹ Saganzyin aci ayi mamani agu azu yishin na kiciparu. Gabinni ma yisha ukusu makari ayisha ukusu dugan. ¹⁰ Ama mani ma kwan, ana zyinin aciayin nayenginama zyingzyini ma kicubru kya ciayin, duksha aciayin kicubru. ¹¹ Ama mani mutuma kuma, azu-zugini, au huru kuma, denin kumina mi, ka kashiri kuma, iyisha kani utuma. ¹² Uzo ubagadi kuma, iyisha na nasugu na bogi ama wanta ma nasugu kuma, izugu; unyong kagisa kuma, idene kumina mi,. ¹³ Iwana aya ma muskshi aya zob kashiri nateng, wanin ayama sheshe majshan ana rari nayin. ¹⁴ Ana dishin ayadukshini kidere libarka, azu shirin pidong. ¹⁵ Ana yishin rizhaga na ayami a zhaghanha, a shibana na ayami a shibana. ¹⁶ Kumina kuyin ku wana kudha. kumina kuyin kuzu wana kwa ta mathakha rhanha, aman a yisha nijami na ya caza. Pidong unyong iyin izu yita ne ipiri pidong. ¹⁷ Azu manashin ukusu makari na umakari. A yishin ukusu dugan kazono ka kowan. ¹⁸ Yishin ukusun na idama suskanya mayishi adoini ma zomzono natenga. ¹⁹ Akwani, azu na manashin, ana biskin kashiri kamana kini. A nyakaran agu, "Mananshi ma ma nangi indama manakyani kowani, kenna kashiri kaku. ²⁰ Aman inna piyi manipi ipog igbom, do yi maninaru irye. Inna i pog kusheg, idoyi manimashirirso. Inna ideni kene, a achani nayi yisha yeni anaci". ²¹ Ukusu makari uzu zhini kumina, aman daskin ukusu makari ama yishi ma ukusu dugan.