¹ Kowan iyishi ukusu na agomo aku, abara na ba amanzu agomo sai angha worka kashiri, agomo mi ayimi a awor ka kashiri. ² Abara kene duk piyi dazi a gomo idazi kashiri; aya gabiani agomo adama ceske yeni abere. ³ Abara magu agomo azan ayanma dama potya usahd uyeni ka yami a yisha ukusu dugan. Aman kayami ayisu kusu makari, mani ma wana aya zo pog usahd wa gomo? yishin ukus dugan, adama yabini inna iyisan kene. ⁴ Abara magu yi a pideu kashiri mi uyin abara a ukusu dugan. Aman inna iyisan ukusu makari. ki potyau sahd, abara na inazya yi kitan mikene ba. Abara na iyi pideru kashiri umi ina manakya piyu kuchoc na kishiga. ⁵ Abara kene miuwanu dole iyishu kusu na aku, azan magu akishiga, aman abara kumina. ⁶ Abara kene na ina bisa kagandu. Abara na agomo ayi adere kashiri, ami ana yisha kene ko kashe katug. ⁷ Dugin kowani ukusu yi uyyi, kagandu kaya kagandu, ikorgi kuwoga kapiyu ku wago; usahd kapiyi yi magu apoti usahd uyyi, kigomo kapiyi yimagu a dugyi kigomo. ⁸ Azu detin kubashi ku pidong, sai itakana mani aciayin. Abara magu piyi mani kabini ideneyi ukusu na aku. ⁹ To, "azu mushin na ayarumiadang, azu wunzin adong, azu dakarin, azu putkunun adong, inna ade umanzu doka kuma, a kanokan a ukusunwu "Mani kwanauni nenici nimu". ¹⁰ Mamani mana khata rha mani jangi ukazami. Abara kene, mamani mayi ma kurgani ma matya. ¹¹ Abara kene, iyogu kapa ka man wana, zhintin awor aummura. Abara na magaska ma wur mana pati apiri kenna ki mingza. ¹² Katungka na dangan, nikata nina dama vurka. Abara kene, ki biski usahr umajin. Asagarya makusu mani guma ni matus. ¹³ Ijara, wru dugan, ne anmyigha, azan unyong usahr umakari ko unipina ba. kizu jara ujaru ni mura na najinni na ushaawu makari, azan unyong maribana ko iputkunu ba. ¹⁴ Aman saganin apumayi picu gbaki Yesu Almasihu, Azu gbenin usahr u nipum, abara magu izu zoboro ushaawa u nini.