¹ Sheri piyi de madumi macun, mazasu khanzha yi ba. ² Pidong ina de madumi ma marye ko iyan, pidong umi ade madumi macun ina rye ava nazik. ³ Piyi reyi rye yi ko iyan izu yaksa piyi zasu rye ko iyan. Kuma piyi rye yi ko iyan izu tyamana piyi rye ko iyan abara magu kashiri ka sheri yi. ⁴ A puwano, apu wan pi zhinagzhini irapui pideru pidong wo? kanyezu kaiyi na majigi maiyi a utumu piyugiru yi, aman kashiri kade u shiru iko u cokanyayi. ⁵ Pidong ina zapkha kadong katug aworo kudezhe kumi. Pidong kuma isu zhiza atug mamma dhe, Duk piyi zomon unyong ma dumun na kasugu kaiyi. ⁶ Piyi kukan na kadong katug ikulan na kani abara ka kashiri. kuma piyi rini, irini abara ka kashiri, abara na ikuma agu shambarka ka kashiri. Piyi rini yi, igabiyi marhe abara ka kashiri, yi innayi i kuma kashiri agu shambarka. ⁷ Abara na ba piyi jara aushi-ru niciniyyi unyong a yher, kuma ba piyi dama ke amamami ma nici niyyi. ⁸ Inna kigara, kigara abara ka kashiri. Kuma inna ki kizin, kikini abara ka kashiri. Ashe, ko ki gara, ko ki kizhin a abara ka kashiri. ⁹ Abara mummu Almasihu ima ke agura coko, adoyi mawama kashiri ka mayaza na aya gara. ¹⁰ Aman yin abara iyan na ityamana a kwanau iyo? kaikuma abara iyan na iyaksa akwanauyi? na dug uwur kidama gura nyhazhanha kozono kaka zomi kamatya ma kashiri. ¹¹ Abara magu anyakaran, "in rantsen, kashiri kene", ko nishe niru nidama tuturga mi ko nishe nirem ni dama yaba kashiri". ¹² Abara na kowani idama gura basha ukusu na idisan akano kayyi kazono ka kashiri. ¹³ Abara kene ki zu yisha aci awur matya, namadene kene kizhi a na sugusa pidog izu wana kabini katari kamaciri ko majigi ma kobina. ¹⁴ Inyo kuma in yona piring ka cai kawur na picu wur igbaki Yesu ba ikusunwu uvur uni akacingka wun! sai ka piyi zyan uni unuwano ukusu makari idama wana ukusu makari. ¹⁵ Inna maninaru mamu ma duguran mani kwanauwi, pi-jarabu unyong mamani. Azu nagaza piyam na Yesu kini abaru yi amaninaru mamu. ¹⁶ Abara kene, makusu mamna azyan aguamavur mazu wana ukusu abere ka-dong. ¹⁷ Abara magu u mulki u kashiri azan abarya kari na kasuba aman abara usahr udugan, na ma gmashi ma nasugu, ma nasugu na bok unyong u Ruhu Mai Tsarki. ¹⁸ Abara magu piyi derene Almasihu a ujinun wu, apiyam na kashiri kadumun nayi, kuma aya shillaci a dumun nayi. ¹⁹ Abara kene, ayhar a gben makusu ma nasugu na gmashi na ukusu dama suga ayhar. ²⁰ Azu nagazhi utumu kashiri abara maninaru ko iyan ivur, aman kidere kipiyi rye maninaru manma dama dene yi jigi. ²¹ Muvur muni magu ari inama ko masuku, ko usunwa dama dene kwanau ijigi. ²² Madumun mamna ide, tarin na teng a kacaci kayin na kashiri piyi libark yi na kasugu kayya kazakani marhapha a ukusu na kumina kuyyi kukugu uniu dugan. Duk piyi dumunyi arye kuma, iyoagu irhapam kenna, abara magu idumuni. ²³ Duk ukusuwu yiazan uma dumun a ibang.