¹ Mina wur kidoto shizzyi mudugan magu kizyi uzyibu wa ayamya shzyani, kuma mudugan muni magu ki saganzyi mamani maci ba. ² Kowan unyong uwur i bokoni piyanna yenya patazyi kasugu, abara magu usahr umi udugan, ado ma suga yi. ³ Abara na Almasihu ima bokonya yi kasugu kayi ba kuma a nyakaran, "kozogoru kinna adong ama yisha yi kin ki tirim, anici ninang." ⁴ Abara na kusunna a nyakaran kacini aunyakaran ma nyangidi, abara kasugu kazug na manyani ma tagada nakizugi ushiru. ⁵ Mina kashiri ka de kasugu kazug ade ma nyanyanga kadugi ni nasugu nadha nama zomi a pharkhan azob kumina ku Yesu Almasihu. ⁶ Abara magu ideni kene akasugu kadha adoini ma gudazana kani a kano kadh. ⁷ Abara magu isher aci ayin kenena Yesu ima sherini sa adaukaka kashiri. ⁸ Abara nan ku aguddun Almasihu iwana pidere wu kaciya na ma dene ma madumi ma kashiri. Ina dene kene a doyi ma saganya likwari nin na madene a cu awur azoni. ⁹ Asa ayaza yo kashiri a zhakharan kashiri abara mamuki makani, ne kenna mu nyakaran, "abara kene nana dama yababu unyong aya za yobu a shibsa kushiba ku yabo kunizagi numu." ¹⁰ Kuma akugu. "bokoni nasugu nayin, yin iyoini kashiri nadug na ayakani". ¹¹ Agurumi "Ayaba kashiri, yin naduguyin izayo" kashiri, bagin a yashillaci a yaba kani" ¹² Ishaya i kugu "adama zuga nicini u Yessi, nimi nidama coko ayisha kigomo unyong wa ya za yo kashiri, ayaza ya kashiri adama zuga ushiru unyong uyyi." ¹³ Kashiri kama muki, kadama kurgani ni nasugu na bog a nomokya nani, abara madumun mayin, adoinin ma zuga mashigruga makuri, abara ugbaku u ruhu mai tsarki. ¹⁴ Mina anicininang ndumun nayin, akwani kuma, indumun agu nayini ikuri na utuma wa liberi, a kuri na komashe mayo. In dumun agu idama zuga kadhar kanna idama bergura a mukya aci ayin. ¹⁵ Aman ni nyakani na maza musahd abara madong makusu, adomi ma mingini, abara mado mamna a dugi mi awor ka kashiri. ¹⁶ Agu baiwa mado madeni mi ni wana pidere u Almasih Yesu na ama kunu ka ya za yo kashiri piyi mabashi ma berya kashiri, adama yisha kene abarau baiko waya za yo kashiri uwan uma shere, kuma u shamgan ka kashiri a ruhu wur washiri. ¹⁷ Abara kene npog urenyu unyong u Yesu Almasihu na makusu ma kashiri. ¹⁸ Magu nzami ukusuna ndamagu, sai ukusu na Yesu ideni umi, magu ayazayo kashiri adumi na abere nautuma. ¹⁹ Abara mamen, ma ukusu kasas, na ugbaku u ruhu vur wa shiri uwor u urushabima, na nati napatimi har na makana a ilirikum, ama jaga abere Almasihu koinki. ²⁰ Unyong ujinumi uma mani manang agu, in bashi abere kashiri aman ana tinanna ayoani Yesu ani zagi niyyi, adomagu inzu dene kicira ki kusuga uzo uki pidong. ²¹ Kenna mummu nyakaran," ayami na dpta ma barya yeni abere kashiri ayogotya. Ayami adoto ma potya aberya yi a yogotya". ²² Abara na anyezyi mi ama wanu yin a napana dun. ²³ Aman mina inzami kudezye ku kadong kati unyong u lardi unwu, unyong kiwa kigarki anapog ne nwan uyin. ²⁴ Duk aka dhar kenna ndama kana u Asbaniya nna mani ma yitini nnan dama woro, aso iyhanghanyami nnan dur ma poti urentu ukazon nayin ka nudhar nucun. ²⁵ Njara mina ma woromi u urushalima ma ka yisha utsarkaka u tuma. ²⁶ Abara na muyi ukusu entu kaya makidoniya na aya, Akaya, adukshi kadmaana sa ayami adoto shizyiani ami adumun, ami urushalima. ²⁷ Yenya pog urentu abara mapog ne kuta kuyi a naci ayeni. Abara na ayaza yo kashiri a yin na yeni unyong usahr uruhaniya, mu wani yene ne utuma azo ci ayeni magu yenya mukshi yeni na nadangmana. ²⁸ Aka dhar kanna imna duru mado yeni i korgimi, indama gata uyin innan dam kana u Asbaniya. ²⁹ Nyo agu kadhar kanna ina wanwyin, adama tumu na libarka nikuri ni Almasihu. ³⁰ Ngishini, akwani, abara ka ubangiji Yesu Almasihu na ma mani ma uruhu nvur washiri, kaninni utuma nami unyong kagisa kakayin. ³¹ Kayami ayisha ukusu na Yahudawa aku, abara magu utumun nang abara ka ayu urushalima mazuga masherene. ³² Gishin kashiri agu intum uyin kasugu kabogo mi abara madumi ma kashiri agu nami na yin, kizug mavanzana. ³³ Kashiri ka ma gmashi ma nasugu ka jatanzhini nadug. Amin.