¹ In yenden ni kifibi kobinuwur, umi iyisu tuma unyong aya kashiri ami agu nyong mayinzhi ma ukankiriya. ² Abara magu sherin kini unyong mamani ma picuwur igbaki. A ujini unwu yine waya dumun na kashiri. Yishin utuma nakini unyong u ko iyan na idama kayagbaki,har na migin nami. ³ Sumazhin Bilkishi yenna Akila acayyu tuma unyong u Yesu Almasihu. ⁴ Ayami a dugi avataru a yeni abaru mi in kuyenya gu ahambarka, azamigi utami ba aman na dugna ya zob kashiri. ⁵ Sumazya a yami a zob kashiri ami agu giru yeni, sumazhin Abainitas kono kamamani ma kasugu kanang. Kami kama cingha dumya na Almasihu u Asiya. ⁶ Sumazhin maryami, umi ima yishi ni utuma na cap. ⁷ Sumazhin an daranikas yenna yuniyas, akwani na ajami a kidagha kuma kasshi. Yeni aya na ayo yeni unyong agu tuma u kashiri, ami ama zonzo mi ayi unyong u Yesu Almasihu. ⁸ Symazhin Amfiliyas Piyumamani nanang unyong utumu picugbaki. ⁹ Sumazhin urbanaszhi pijamu tumuwur unyong Almasihu, na Istakis payu mamani manang. ¹⁰ Sumazhin Abaliszhi piyi de ribin unyong u Almasihu, sumazhin ayamyayi ugiru Aristabulus. ¹¹ Sumazhin hirudiyi, kobinu nang, nayami ayu giru Narkissa, ami ayunyong picuwur ubangiji igbaki. ¹² Sumazhin Tarafini yanna Tarafusa ayu tum picuwur igbaki. ¹³ Sumazhin barsisai piyu mamani makasugu kanang, umi ima yisu tumu picuwur igbaki na khan. Sumazhin Rufaszi piyanna samgan unyong picugbaki na pina nami. ¹⁴ Sumazhin ASinkiritas yenna Filiguna na Haturobas na Hamisu na akwani amiayi na yeni. ¹⁵ Sumazhin Filobugus yenna Yuliya na Niriyas na kobini na Ulumfas naduk aya matus ami ayi na yeni. ¹⁶ Sumazhin aciayin na makperki ma matus. in sumazhya aya zob kashiri ami aya madhagha makani na dugu yeni. ¹⁷ Ingishi ni, akwani, denin kumina kuyin kaya na yendezhe masotozono na maciri abaktanya ma bashi manna a basanni. Dangurgi yeni. ¹⁸ Abara na idug a yanghana ana yisha ni picu gbaki yesu utma, sai nadura nayeni. Anano na rentu na yeni na yenya na cipanzhya aya za ibang. ¹⁹ Sa usahr uma yishi kenna akuiniagu yishin makazaga anato akowan, kasugu kabokanmi uyin, aman immani magu ideti duntu nakusu dugan, wanin aya za de irapu na ukusu yi ukuchor. ²⁰ Kashiri kama gmashi manasugu kadama deni ni inyabraba ka piystumangha nawau amaraka maibiniyin. Liheri ni picu wur igbaki Yesu Almasihu nizomo nayin. ²¹ Timoti pijamu tumunang, i sumazhin, lukiyas na yason na susibatanas na a kwani asumazhi in nayeni. ²² Mi tartiyas unwu ma nyakarya tagadanghana, insumazhi ni unyong ubangiji igbaki. ²³ Gayus picu giru kazagsanan kanang nadug na ya kudhagha kukashiri, a sumazhini, na kwartus kobini wur. ²⁴ Liheri ni picugbakuwur Yesu Almasihu nizomo nayin nadug. Amin. ²⁵ Pidong wu umi ide ugbaku iko ma bari ni abere ma shigruga azob ma bashi ma bere Yesu Almasihu, unna abaru yina chandharhan ukusu kanisa unwu nisan a waddo kadangi. ²⁶ Aman mina aman yogotya abara na tagada annabawa a bara ka kashiri kan kadama dara kani. Abara mayishi na madumun na ukusu na ku mamma yi unyong aya shillaci. ²⁷ Ka kashiri kankade iduntu utakani, Abara Yesu Almasihu mazhakhari madamayi har maka daramauya Amin.