¹ To konani kawani nizoni ma nide kati kamagisa Kashiri na manang mayeni ma-magisa Kashiri a uya. ² Magu unyong alfarwa ade kidahg na aman camsana, kidahg kika ciri kinna ana yesehg agu kati kazade kirik. Atinan nana ade kati na agadaranhg maballanhg, ade iteburi na ugurasa. ³ Kuma na ilabule iba imi ade kidon kidahg, kinki yasehg agu kati kapiri amazade kirik. ⁴ Ide ubagadi uzinariya abaru turare kuma ide abapakti ku likawari, anna alallaye anni naduk na uzinariya unyong uyi ade kajo kuzinariya kankade umanna, na kidogo ki Haruna kinkima ciddaza ava na kuma na nashiri nana tari nalikawari. ⁵ Uzo na kupakti kulikawari ade ukerubobi ugus ayade mazapkani na adesha kukurkin kumatini akutongoron,ayana mina kidama suskanidi madeshe abere anaci ayeni kudamadha. ⁶ Na ama camsana makusu mamma, mafiris ma alfarwa manarinya kidahg kkyuya ki alfarwa anici-nici aya utima u hidimomi uyeni. ⁷ Amma kufiris kugbaki kumi nazyik kurizya kidahg kiriba sun kiba nazyik ariwa, kuma utilas sehna manyo muhadaya abaru nici niyi kuma abaru ibang. yaya shillaci abara amacikshi mayeni a ibang. ⁸ Uruhu uzakirik unusaganzya agu azan akuriga abaran ujina uma kana akati kapiri amazakirik azan inna alfarwa ara azoni anyazyi. ⁹ Mummu muwani aberhe akapa kanka. Na madakazyi na ihadaya naduk inna adakanzya ama suskanani maduru mamigza ma-madishisujada ba. ¹⁰ Amaninaru namani masu nazyik manna ama kpakye na makusu ma-maguzu made - made Ayella na duk a utsare-tsare na a camsanan mana disha aribin har maka camsana ankusu mumanak. ¹¹ Almasihu ima wana a kufiris kugbaki kuma kusu mavussa na amatumu, ka alfarwa agbaki, anna aman duru kuma a piri amaza de kirik unna azan a icara ya-yashillaci na ama sugami unna azan uya unyuhg na ama hallici yimi. Amma Almasihu imatumu kufiris kugbaki kuma kusu mavussa mamma da tumu. ¹² Azan kamayohg kiwon na kamagam macincin, amma Almasihu amayohg mayi na amarinya kati kapi azde kirik son kide nazyik abara magu naduk ama shere ufansa uwur uza dara. ¹³ To inna mayohg miwon na minaga igbakazyi na manyanza manto minaga iyeni uzo kayanna anagazan aciayeni na kirik ina guzu yeni apum ayeni, ¹⁴ To belle mayohg ma almasihu, unna ka uruhu uzadara imado rici niyi a uhadaya uza ibang ka Kashiri, unna ana guzu mamigza mawur kamake mutuma uwur abaru magu kidishi kidere ki Kashiri kade rivataru? ¹⁵ Abara magu udalili unwu, Almasihu iyi kadarkan ka alkawari apas. mummu kuwa muwani kene abara magu adisan make ma-ma gaska ayayi kajes alkawari rigus abara ibang iyeni, Abara kenne ayanna Kashiri kayarkan yeni ama shere alkari ami ugado uyeni uzadara. ¹⁶ Magu duk katina pidong inyakaran ukun a biski dole aduk ribinmi, make mamma mayi uwasiya umi. ¹⁷ magu sai na inna adishan make na ana disha utuma na uwasiya, amma unuzauni utuma inna piyi nyakaran uni iyimi aderivataru. ¹⁸ Likawari nizomi idumunyi sai na mayohg. ¹⁹ Na musa imado idokoki naduk ingyi unyong matya kaya shillaci naduk, imazya mayohg ma-ma gam macincin na iwon, na mani mashir, na kuriga kushen, na kipaga kikaci kam kade kapanhg, ima yakra kaya shillaci na kuma kunyakaran kudokoki. ²⁰ makanana imagu, "mummu muni muyi manyo malikawarin na Kashiri kamado udokoki uyeni." ²¹ Amummu kenne, ima yakra manyo uzo alfarwa naduk makusu mamma yimi unyong uyi umi aya utuma ukifiris na yeni. ²² Kuma amatya, yokotin ko iyan na manyo nana guzu yi inna ba majikshi ma-manyo to ba ugafara ibang. ²³ Bara kenne muwani utilas makusu maki baru-baru makusu manma yi unyong uzo agus mani na uhadaya umanara. Na duk kenne makusu muzo udele agusku mani na uhadaya upiri a uvura. ²⁴ Abara u almasihu ima rinyayi uyi uribin Akarabu kamummu, mu rinyan unyong uzo na rici niyi, asu kana kazono ka Kashiri abaru wur. ²⁵ Ikananyimi mado rici niyi naka, kaman kenna kufiris kumi alfarwa adisha, anna a rinzya kati kapi made maza da kirik ko rishe riwa na manyo mapidong pinama. ²⁶ Tunna muyi kenne, to mu wani udole kene ishezyen kidere arici-rici tun kazono kuya Amma mina son kidehg na ama sagananyi akamangarin kuzamani magu azopto ibang kamado uhadaya urici niyi. ²⁷ Kaman kenna amagu kowan, iki son kidehg, kuma inna aduri sai matya, ²⁸ Kenne kuma almasihu, unna amado son kidehg Abara mazya ibang ya-ya shillaci nakam inama tumu mariba, azan abara madishi utuma umazya mibang ba, amma abara magaska ayanna asuksa matumu mayi na uhakuri.