¹ Mina ukusunna kiya kumina magu kide kufiris kugbaki kunku zomi akacara karhei a ukursiya ude umartaba uyi uzo. ² Yi iyi pidere akati kanka kaza kirik, kudahg kunibin kunna Kashiri kacamsanan azan piyi shillaci. ³ Ko kushe kufiris kugbaki kuduksha ibaye-baye na uhadaya. magu kene mudugan azuk mukusu mihadaya. ⁴ Anamagu Almasihu iyi unyong uya unguhg inana wanayi kupiri konacin. ⁵ Magu ade aya madukshi ihadaya anici nimatya mamu Aya utuma amaduka mamakusu mammayi akutongoron kuzo kenna Kashiri kama disha mushi mayani akapa kan amasu camsana masuga Alfarwa. "Yita" Kashiri ka kugu "disha ko iyan kenne manak manna amakasanbu uzo katari." ⁶ Amm mina utuma unna Almasihu isheri akonosha naduk, magu kowan yi iyi pibisan u alkawari mudugan, unna aman duri an kusu mummu a pokmi alkawari. ⁷ Magu kuwa inna alkawari azani ibang anazani utuma umagbene alkawari ariba. ⁸ Na kashiri kama zuga ibang karici kaya shillaci, kamagu "indama sakana alkawari apas na karari kisraila na karari ka yahuza. ⁹ Kuma idama waniyi na kenna indishan na acuayin, Na kenna indeten yeni a icara maka maka cidda yeni amayinzyi ma masar. Amakanani namadishi alkawari ba, mi kuma imma biskya yeni, "Kashiri kamagu kene. ¹⁰ Mummu muni muyi alkawari anna indama disha na karari kisra'ila, amaduru matuk ami Kashiri kene indama dene matya manan akano kayeni inda Nyakaran kuma anasugu nayeni, idama wana Kashiri uyeni yeni kuma awana aya shillaci anan. ¹¹ Adama bashani aya suzyi yeni ko akobini ayeni magu, "dumin na kshiri " magu na duguyeni anama dume nami, kano kacin na piyi gbaki. ¹² Indama sagana kidere a utuma uyeni umaza dugan, indamafa sakanami apirhe mamiggi ma ibang iyeniba." ¹³ Na imagu alkawari apas, ima gudu azoni agus kene ukusu umanguza mummu na amangu umaguza macansana managuzura.