¹ Mummu mu malkisadak, pigomou u salem, kufiris kukashiri pigomo unna ima manzagana na Ibrahim na mazaga awor riguma na adon agomo ima doyi libarka. ² Ibrahim ima doyi u ushiri naduk uganima na izugi. Rizagi riyi," malkisadak,"magu, pigomo umatini"; kene ma, "pigomo salem," magu, pigomo usalama." ³ Izayi pina napicu, izayi kibari kimaduka iya karari kayi, izayi kacinyi kurayuwa izayi kamangarin karivataru. iyi kufirist kuza dara na kono ka kashiri. ⁴ Minafa yitin imish ikigomo kipiyannuhg. picu wacu awur azoni Ibrahim imado u ushiri uma kusu manna izugi ma uganima urigomo riyi. ⁵ Kuma kenne muyi, aya karari ka lawi na amashere utuma ukifiris amade umurni aciri kamatya makashiri magu asher uzakk kaya shillaci, magu kikobini ayi u israilla, yeni ma ayi aya karari kaibrahim. ⁶ Amma malkisadak, unna izayi aya karari ka lawi, ima shere uzakka kibrahim, ima deneyi libarka, yi unna ide likawari. ⁷ Ba madazana, piyucin yina shere libarka kapiyu gbaki piyu piyucupruyi. ⁸ Amank maya shillaci anna a she-she uzakka, kadon katuk piyita aman kizyi, amma a udon ukauli piyami imashere uzakka kibrahim, amagu a uwanzajemi har ukyaru. ⁹ Kuma uzo uka'ida lawi, unna ina she-she uzakka, yima ima do kaibrahim. ¹⁰ Abara magu lawi iyi unyong kusoso kibrahim akapakanna malkisadak ima mana na Yesu. ¹¹ Minamunana wazaganami azuga aduru unyong utuma ukifis na aya lawi (magu uyi nama do matya), to indishi utuma ukudon kufiris kuma wana a uka'ida imish u malkisadak, ama barheni uka'ida u Haruna? ¹² Abara akapakanna ama a sakana kifiris, matya kuma udole a sakani ¹³ Abara magu piyami unna abaran ayanna inkusu arici riyi mukidon kibiga, unna azan piyiman tamma disha utuma a ubagadi. ¹⁴ Mummu muyi amatus, Kashiri kawur kawana ciri akari ka Yahuza, kibiga kin musa izama tamma berhe ariciniyeni anabere akifiris. ¹⁵ Kusanna kibasha amatus agu, inna kudon kufiris kucokon ade ukamani u malkisadak. ¹⁶ Piyami akufiris kapas, azan kufiris kucokon a uka'ida akarari kaya shillaci, amma akufiris kurayuwa ku iko uzadara. ¹⁷ Abara magu amanyakara unyong kunyakaran abaruyi, "pu piyi kufiris kuzadara bisa ga usari u malkisadak." ¹⁸ Abara magu a udoka uzani ama tara apituga pidahg ubara magu maman naguzura mazamani utuma mi, ¹⁹ (Magu matya mana suskane mani maduru ko iyan. Aamma ade ubege uvur), inna kazono unna uyi na kidama zuga makana ka Kashiri. ²⁰ Kuma mummu a ubege uvur muna wanza gana munimi ba mashiri, magu yini iyangari kifiris kimi azanyani madon mashiri, ²¹ Amma Kashiri kama disha mashiri anicini Yesu agu, "Kashiri kashirin azan idama biskya kumina kuyi: pu piyi kufiris kaza dara."' ²² Kene na Kashiri kamado ribin na likawari rivur. ²³ Kenne mkye manayaza mafiris madishi utuma uzadara mummu mudeni ade mafiris nakam madahg-madah. ²⁴ Amma aya urayuwa uzadara, utumuyi ukufiris ana sakanani uni sam-sam. ²⁵ Abara kene ide u iko ukuri uma gaska aya wanza ka Kashiri uyi, magu ko kashe kapa igara asu gisa abaru yeni. ²⁶ Abara imish ukufiris kunku kugbaki kuni kudung tanan nawur kuzakuni ibang, kuzakuni ukusu mabizyi na mafiris magbakazyi, mamma duksha bamade kirik, akagadaranhg kayi ibang, uzo na usammai naduk ²⁷ Imaniyi kadamana uhadaya ko kashe kapa, akaciyihg kibang iyeni abara ibang iyeni anaci aye, na abara ibang yaya shillaci naduk. amma Yesu ima disha mummu son ki kidahg ba mapiri abaru kowan, na amado riciniyi. ²⁸ Abara matya mama (nada) aya shillaci azan shishshi akigomo ki kufiris amma abere amashiri mamma mawana akacini kamatya, kama (nada) kono ka Kashiri, kan ka kuri mazadara.