¹ Abara kene, kikanidi ama kusu mazoni amanak ma Almasihu, maka zaga akamangarin azan magu kipa mbashi ujigajigai uma gusku maibang na mado kigomo kizarici, ba na kiribin na Kashiri, ² na kuma mabashi amaguzu, na madishi nacara, na macoksono ma-mayaza, na kidere kiza dara. ³ kinamare kazono inna Kashiri kadumun. ⁴ Magu ayana ballen yeni nasugu nayeni naten, har amadaka ubaiwa umi bamayo, amazuga karabo kuruhu ukashiri, ⁵ Har uzamadara marentu mabere akashiri na uiko uya unna udamawana, ⁶ Kuma amagicshi mummmu da wanzagana munimi magu adaska yeni ma-ma guzu ibang, tunna aguzu magiciye kono kakashiri adisha na riciniyeni, ama dukshayi akidere amatus ⁷ Mayinzyima mamma she-she manimashir manna adogo ko kashe kapa, asu ciddaza kibira kidugan kimadishi utumami ka unna a kapsazya abaru yeni, kashiri kana doyi libarka. ⁸ Amma inna kibira kimi kiyi makusu na kitinyi kimaringrana. Kizakini kiutumumi, kina bati malaanta kini, kamangarin ka kini mapopso. ⁹ Kodashike kiman jikshi kene, abaruyin, yin ayana amani kidugi ribin idisha ikusu ipiri a uvura anabere amaguzu maibang. ¹⁰ Ka kashiri azan magu kazakani matini, na idamagabayi matini n utumuyin, na mamanimayin nizaginiyi nidisha, kamadishi aya yo kashiri utuma, mina ma idoto sudisha. ¹¹ wurkimani ashiri naduguyin isaganan imisha imadene kumina kumadishi masuksa makuri, uma do ribin, maka kana akamangarin. ¹² Magu izu disha kipayi, saidai imakasa kaya sheri likawari nishiri, kama do ribin niyeni na uhankari uyeni. ¹³ Na kashiri kama dene Ibrahim likawari, magu ba piyi piri a ugbaku na idama shiri, ishiri aniciniyi, ¹⁴ Imagu, "kenne muyi indama denebu libarka, indama gbakana karari kamu." ¹⁵ kenne na Ibrahim na inimaduru mashikruga na uhakkuri, ima shere likawari nikuri ¹⁶ Kenna aya shillaci ana shiri a ukusu upiri yeni mashiri mani mayi ukusu uyi ribin ako ashe abere. ¹⁷ Mummu kene, na Kashiri kama mani mapira mado aya kamang likawari nudahir, agu mamigza mayi azan ma-mabiski, sai kpaki na mashiri, ¹⁸ Magu libarka nimakusu mamma maba maza mabiski, mana sagana, agu mudama wanzaganamunimi Kashiri kadisha kabere, wurna kisumanan idi kizugi kawukunun, ki shikruga na kam kikazuga ukusunna kidisha ubegemi. ¹⁹ Kide ubege, na kenna muyi kanivatar, ninabsan, uribin uni urinzya maka kana unyong kacini ku lebulen. ²⁰ Anawur na Yesu i ganzan yidi marinyi, magu iyi kufiris kugbaki kuzadara, madukana na malkisadak.