¹ Ko kushe kufiris kugbaki, aman samga kuni unho aya shillaci, anici niyi iwana kuwakili kwaya shillaci kumanang makashiri, mado usadaka na ihadaya aciddi di ibang me. ² Ina suskana majara na aya zayo kadamana na aya man wuru unyho ujina, unyho usalihanci tunna piman naguzura ko inki. ³ Abarakene, muwani ulellai aduk uhadaya, azan magu agus aya shillaci ibang nazyik, har na mani niyi. ⁴ Bapiyina jaga riciniyi akati kanka kagbaki, sai Kashiri utakani kadishi mayasah makani uyi kene amayerkya Haruna. ⁵ Kenna kuma almasihu, azanyi idusha riciniyi kigomo magu iwan kufiris kugbaki, sai dai yi idenyi kene unna imaguyi,"pu piyi kono kanan, ukyaru inwani picu upu." ⁶ Kenna akadon kaci imagu, "pu piyi kufiris kuzadara, kenna adukanan malkisadak." ⁷ Almasihu akapa ka kazom kayi kuya ima gisa Kashiri na kagisa, na kaso kakidere, na mayizyi, pidong unna ide uiko uma gaska yi kamakye, ama puk yi magu mayo ma-mado riciniyi. ⁸ Na muyi iyi kono mi ima makasa matini ka kidere kinna ima shezye. ⁹ Muma tumukamangarin, muma wana ninumu kazakamangarin magaska naduk kapiyi dishayi matini. ¹⁰ Gama Kashiri kayesah kufiris kugbaki, amadukani ma malkisadak. ¹¹ Kide kadamana nakam kanna kidama bara arici ni Yesu, amma mudamadene uwuya umacidda muni agu kumina kuyin kumanrimti ¹² Ko da yake mina kam, mudugan magu iwan aya mabashi duk na kenne ashe, iworini pidun apa bashini majigajigai ma zoni mabere akashiri? har mawana magu adugini madara azan maninaru magargari? ¹³ To duk piyumi na madara mayi maninaru mayi, isuskananyi na abere amatini, na musen. ¹⁴ Amma maninaru mashiri, amaninaru maya gbakazyi, magu ayana kumina kuyeni ku shezyen kidere ko kashe kapa, magu atusa abere adugan na acaza.