1 Abara kene, kidishi matingri nakam abara magu pidong uwur izu jigi makatumu mariyha kati kama vanzana kanna acamsanan ni ka Kashiri. 2 Magu kipoton kutepu kudugan amagu umavanzanzana makashiri kenna abaran yeni. Amma ukun uri unuwani uwam kayapoton mazado ribin aukun umi. 3 Wur kidigi ribin awur kidama riyha mavanzani, na kennibaran, "kenna indisan mashiri unyho kishiga, adama riyhani mavanzana manang "ima barhe kene na muyi kene amma mari utumumi uhallita uyi tun kazonho kuya. 4 Abara magu unubandari akadhong katege katuk kakushere unyhong utuma uyi." 5 Ima pagu, adama riyhani mavanzana manang." 6 Abara kene, tunna mavanzana makashiri imma camsana magu aya marinzyi, "Na Israillawa igbaki ayama potya ukun umi uvur umavanzana maya amarinyani magu amadishani matini. 7 Kashiri kama camsana kadhong katuk kanna anayesho agu "ukyaru." ima dene katuk kami akapakanna imadene abere u Dauda, unna imagu tun kazono na ama cigha "ukyaru inna ipoton rimi niyi, izu dakdarin nasugu nayin." 8 Inna Joshua idugi yeni mavanzana, Kashiri kana pa beri kani a kadhong katuk. 9 Abara kene, ade mavanzana masabar macamsanan maya shillaci akashiri. 10 Piyi ringhan mavanzana makashiri yi riciniyi ivanzanan a utuma uyi, kenna Kashiri kadisan na mukani. 11 Abara kenne kidishi kutau kuma righa mavanzana mummari, magu nadukuyin izu bare nimi ni maza pok niyisha. 12 Abere akashiri kuwa ade rivataru, kuma asure, apiri kutokobi kure kiba. kuna woro akacaci kanivataru na Uruhu, kuma kuna jaga kuborgo. kuma suskana madisha madukara mamigza makasugu nakumina kukani. 13 Ba ukusunna Kashiri kanapsan unisan anayizyi akashiri. koiyan iya icandari kuma ayi matus ana yizi akashiri ayi unna kidamado kibari kyaci awur uyi. 14 Tunna kide kufiris kugbaki kunku woso uzo, Yesu kono kakashiri, kidete mado ribin niwur na ushiru. 15 Abaramagu kufiris kuwur kugbaki azan magu kuzakuni kidere amajigi mawur, amma piyanna a ujaraba ko iyan kenna a disandi aman amazuganiyi ni ibang. 16 Kiwan a ukursuyi waliheri naduk, domin agaskidi kizuga alheri unna adama mukidi akapa kamasuni