¹ Don kenne akwani aguskurun, ajami anna ayarkan uzoshiri atinin na Yesu . wato pikuni Ukashiri na kufiris kugbaki na ushaida umado ribin niwur. ² Yi iyi piyu matini ka Kashiri unna amadoyi utuma, kaman kenne musa ima zomo dhe matini akarari ka Kashiri. ³ Yesu icantantan mazapkayi mapiri ma musa, magu piyi izugi karari kami i piri kani audaukaka. ⁴ Gama ko kashe karari, kade piyi sugi kani, amma pisugi umi ayi iyi Kashiri. ⁵ Musa kenna iyi kuamintace apidere akarari, inado ushaida ukusu unna udama wangazana kazono. ⁶ Amma almasihu yi iyi kono ka kashiri kadisha kigomo akarari ka Kashiri wur kiyi narari nayi inna kideten ubege uwur ana sugu nawur ndhe naduk. ⁷ Sabona kene kaman kenne u ruhu upigomo ubaran: "ukyaru, inna ipoton rimi niyi ⁸ Izu shiranha na sugu nayin kaman kenna nono na israilla na amadisha unyho mazapok akapa ku gwaji amagara. ⁹ Akapa kami na apugana ayin amadeshami mazapok asu gwadami , kacini ka kiwa ituru inas yani asu dukara munang. ¹⁰ Abaramagu kene kasugu kanang ka naguzuran a ku sana kunku, migu kullum yani agbaki masu nagaza nasugu nayin, yani ayoani utafarki unang. ¹¹ Muyi kene indisan mashiri unyhon kishiga, ina righini unyho mavanzana manang ba."' ¹² Dishin matini akwani azu zuga macokoni mana sugu na magazi mazamani mado manibin nigbaki akacaci kayin, kasugu kam kabandurugan ga Kashiri kadhe nivatru. ¹³ Abara magu itakana karfafa aciayin ko kashe katuk, inna kiyi inyong katuk kami kada pidong unyhon uyin igargari kasugu kayi abara a kiciparu ki ibang. ¹⁴ Magu kiwani ajami utuma Ualmasihu, inna kideten ubege uwur unyho uyi na ushiru, na macigha ma kana akamangarin. ¹⁵ Amummu, abaran "ukyaru inna irakurgan nimi niyi izu gargarhe nasugu nayin, na natuk kaman natuk ami awori angha." ¹⁶ Awanin a poton rimi rikashiri mazapok? azan ayanna musa ima yira yani kazono aciri usaraila? ¹⁷ Magu na awani na kashiri ka shensa yeni kiwa ituru inas? azan ayami ayishi ibang ayami na amayasa mayeni masaskura karmi? ¹⁸ Na awani na Kashiri ka shirin adama riyhani mavanzana makani, in ba ayami ayisan kani maza mama tiniba? ¹⁹ Kima yita magu azughani marinyha mavanzana ba magu maza manibin mabgaki.