¹ Abara matya a kugahgku-gahg ku uma kusu mavussa manmada tumu, azanusiffa umakusu mami. Aya wanza apati kashiri ada tabani madugurga ka uhadaya na mafiristoci manma dakanzya kiwa-kiwa ba. ² Imba kenne ba, ba sai abiski madakanzya uhadaya ba? Bisa ga mummu, anama zugu aci son kidahg na zyik na aya magisa kashiri ayohna iyan iyi ibang ba. ³ Amma ihadayu imi iniwani mamiggi ma ibang kiwa akiwa. ⁴ magu mudama wanzagana munimi mayo mapi naga pigbaki na iwon aguzu ibang. ⁵ Na almasihu ima tumu a uya, imagu "Azan i hadayu na isadakoki napi disha kutya ba. Akarabu kamuni, camsanami nipum abara uhadaya. ⁶ Pizabu arizahgahg abara isadakoki na ihadayu ima tikshi abara ibang. ⁷ Mimmi magu, "Yita, minguhg intumi mayisha kumina kumu, akenna amanyakara aricininan."' ⁸ Ima ciyahg agu, "azan ihadayu, ko isadakoki ko ihadayu imatikshi abara ibang na pimani pipokbu urentu uyeni. "iyella yeni ayi ihadayu inna duksha bisa ga matya. ⁹ Imagu "minguhg intumi abara indishi kumina kumu. "ima nikya utuma uzoni Abara magu disha umanzu utuma uriba. ¹⁰ Utuma uriba, ama kebe kiyita kashiri kakumina kuyi ka uhadaya uripum ni Yesu almasihu makpalli kidahg ba mapir. ¹¹ Kenne, ko kushe kufiris kunyazyi ko kashekapa magu kudishi utuma ka kashiri. A ko kashi kapa ina duksha ihadayu, inyidahg ko dashike anama tabani maguzu ibang ba. ¹² A udon ujina kuma, almasihu imado ihadaya son kidahg nazyik abara ibang izadara, ima zomo akacara karhe ka kashiri. ¹³ Asu suksa har aka guddu ayaza mani yeni mazarha mibina iyi. ¹⁴ magu ka uhadaya udahg umi umangaran har uzadara ka yanna adugi aci ayeni ka kashiri. ¹⁵ Kuma uruhu ukashiri umado idi ribin. ukusu uzoni imagu, ¹⁶ "mummu muni muyi likari ninna indama dene nayeni na atuk ami amaworo, "inji kashiri inda dene udokoki unyong na sugu nayeni kuma indama nyakara unyong mamigza mayeni." ¹⁷ Indapa migyami "na ibang iyeni na irapu iyeni ba." ¹⁸ Mina fa anana zuga ugafara magu inkusu mummu, ba udong uhadaya abara ibang. ¹⁹ Abara kenne akwani kizaidi manikshi ma marinyi kati kanka kapiri amazadekirik kamanyo mayesu. ²⁰ Mummu muni muyi ujina urayu upas ugbantan idi ka kugusan, magu kamayo mayi. ²¹ Abara magu kide kufiris kugbaki akarari kakashiri. ²² Ki kobto apati na sugu nawur naribin na kuma makura naduk unyong ribin, na nasugu nawur nanna aguzyi ka ukusu uza dugan, amamigza, na apum wur, aguzyi amani mashir mavur. ²³ Bari kidete a ushiru ushaida umado ribin ubege uwur, azanna udo ba Abara kashiri Na kadeshan likawari, piyu matini. ²⁴ Bari kidisha atini kenna kidama mukya aci awur kamamani utuma udugan. ²⁵ Kisu biskya ma mani aci awur kenna adon ana disha, Aakarabu kamummu, bari kiduk aci awur ushiri ko kashe kapa, Nakenna idukara mapati maka tuk kami ²⁶ Abara magu inna kikanan idi amadishi mibang uganganci kiman duru mazuga mayo ribin, uhadaya imish ibang innyi inina zuksanini. ²⁷ Akarubu kamuni sai usaht uma sha-sha kidere, na ura upu, unna da rhe ayaza mani kashiri. ²⁸ Piyi gabiyi mazoboro udoka u musa idama kye ba kidere ka ushaidu uyuba ko utar. ²⁹ Wan imish uhukunci imigza magu idungtanan kaya yaksan kono ka kashiri, duk aya guddun manyo malikarininni na nide kirik, mummu a manyo mani nana kebeyi ka kashiri, ayama dishayi akidere na uruhu waliheri? ³⁰ Abara magu wur kiyo piyi kugu, "uramako a unan inda disha usakaya." sa annan kuma "kashiri kadama disha aya shillaci akidere." ³¹ A ukusu usaht abarhe unyong icara ikashiri kade rivataru! ³² Amma mingin na atuk anna aman woro, Na ima zuga matus, kenna amma jure a ufama ugbaki unyong kidere. ³³ Amadoyini ugbor kazono kaya shillaci anan akibata na kari kumutunci, ideni ushiru a mish ikidere kyadon ariyan unyong. ³⁴ Abara magu ide kidere kayayi unyong ukurkuku, na rizhagha, idumun na magaza manna adenini mamade micara iyin izugi made micara maza dara mapi a uvura. Abara magu ipoton kidere kinan kapakanna immayi unyong ukurkuku. ³⁵ Abara kenne izu dumhi na duguyin, piyide asakamako ugbaki, ³⁶ Abara magu imani uhakuri magu izuk ukusunna kashiri kadeni alkawari Na amane akumina kuyi. ³⁷ Abara magu inna kapa kacin, kada tumu kadama tumu bama nagaza makadar. ³⁸ Piyumatini unan idama garga kamado ribin niyi. inna iguri kacini, indama dishami rizhagha nayi." ³⁹ Ama aduk unyong ayangha guri kacini maka kana unyong ura uzadara, Akarabu kamumi kenne kiyi unyong ayadugi ribin magu adukara avataru awur.