¹ Mado ribin manimayi utabbataruwa umanak manna kiyama suksa yeni uni uyi utabbatarwa umanak manna ayizyi adukarani. ² Abara uwuni na ayazono amazuga madumhi na Kashiri. ³ Uwani nama hallici uya na umurni ukashiri, na makusu manna adukara amadishani aciri makusu manna ma-ma mayiba. ⁴ Kamado ribin Habila imado kashiri uhadaya umi upiri amadugan na u kayinu abara kenne ama takanayi amagu ayi piyumatinimi ima zuga madumi makashiri Abara kenne kuma, makazaga ukyaru Habila iberbene, ko dashike iman ke. ⁵ Abara amado maribin amazya Anuhu makana uzo magu kada iyita makye "Amazuganiyi, Abara magu kashiri kamazyayi." Kamin azyiyi amadene ushaida uyi agu ibokonun kashiri kasugu. ⁶ Mudama wanzagana munimi abokona kashiri kasugu imbana mado maribin ba. Abara magu yakamata piyi shillaci unna idamawana ka kashiri, muwani utilas iduk ribin ka kashiri na mayi maiyimi, kuma iyi piyu sakamokomi naduk kapiyi gbeneyi. ⁷ Amummu ubangaskiya u Nuhu, udeni yi ishere ukun ka kashiri magu kasugu kanna a dishya na ana zhinzhinani, a duksha kicipru na usahd inabsan kuirgi ku mani mashir domin egaskan a kobini mummu mu deni kashiri ka hallaka uduniya. Mummu mu deni Nuhu idishya ka kusu ka dugan. ⁸ Mumna mu deni ubangaskiya u Ibrahim, a kapa kanna a yarkan yi, edeni ubiyayya a woroyi aka tikanna idaka shere ugado a ciri anayoyi katikanna idama kana. ⁹ Udalili ubangaskiya udeni ini kazono ne pejan a mayingzyi ma alkawali, edishan kazom unyong kudara na Ishaku na Yakubu, agu ugado na yi. ¹⁰ Mumna mu deni yi e zhinzhini kati kanna kade utushi kati kami na piyi zhinzhini kani a kashiri. ¹¹ Muna mu dani ubangaskiya u Ibrahim u gbakanan, kodashike yi na piyini uyin Saratu kiwa kiyeni kigbakanan unyong kiwa, kuma Saratu iwabazayi imaru woro kiwa kima waba. Yana maru dumya na piyi dugi yeni likawari idugan. ¹² Amunmu mu deni ka piyude, iyi ne kukitaru manna a waban uzuriya ugbaki, yana gbakanan ne ntetum mu zo ayina rijinjiwa auteku, munna adama iyani mabazza. ¹³ Yana kizhi na duk uyoni ubangaskiya bama shere alikawari.Yanin a yitan yani kuri adangan a shere yani na icaribamba, yanayo agu yanayi ajan. ¹⁴ Duk piyin u beren kene to yana mani mayingzhi mayeni. ¹⁵ Anemagu yena mingza na katina yeni ciri, ana zugi kapa kama ritiyeni. ¹⁶ Kenna muyi ana zugi kati kadugang ne kuri uzo. Muni mudeni kashiri kapoton kani ugbor umagu kanikayi kashiri kayeni, magu kaman napsa yeni katege. ¹⁷ Ubangaskiya u Ibrahim u deni kashiri ka yisha yi ugwaji agu inidukni kono kayi Ishaku uhadaya mi. ¹⁸ Izayi kadong ka kono sai Ishaku utayi amaru dene likawari agu "uni nadama yerkya nikupi. ¹⁹ Ibrahim emizan agu a kashiri kade uiko uma cokoni Ishaku unyong makitaru, kenna muyi, agu a unyong makitaru namapa sheryi. ²⁰ Abarau ubangaskiya Ishaku ima dene Yakubu libarka Nisuwa abara aukusu da wanzagana kazono. ²¹ Aubangaskiya umadene Yakubi akapa kanna imanadama ke, ima dene nonni Isufu libarka nayi naba. Yakubu ima nirgurga a kidogo ado kashiri kicibru. ²² Mani na ubangaskiya u Yusufu upati madara, eyishan abere kenna adama cidda nonni saraila aumasar, kuma aberu yeni aukaau makubu mayi. ²³ Abara ubangaskiya Musa, akapa kanni amabaryi apitar yaniagu a kono kavur anapogani usahd ukusunna pigomi guran. ²⁴ Abarau bagankiya Musa akapa kanni kumzan igabayi magu ayerkiyi agu kono kapiunu fir'auna. ²⁵ Aguru dumya mashezhe kidere na aya kashiri, namagu irerene aibang akapa kacin. ²⁶ Iyokoton agu mashezhe kidere abara ma zobo makashiri naukakusu piri amadugan ukusu nidama zuga aumasar .Magu ideni ayizhi aukusuyi kazono. ²⁷ Ubangaskiya u Musa u deniyi e biskya mayinzhi mu masar, ipotonyi usahd u pigomo, edeni ukokari a kusu kanna uyitanani. ²⁸ Abara ubangaskiya una ima disha u'dinketerewa na manayalla ma ma'gyo domin jada piyu ma wunza nono nazoni iwunza noni saraila nazoni. ²⁹ Ubangaskiya udeni yeni rakya ubahamaliya ne kati karog, akapa kanna ayumasar amani ma rapkya, mani muteku a mizzya yeni. ³⁰ Abara bangaskiya udeni kimaza kiu jeriko ujigi,yeni ma manraza kiri har atuk kushere. ³¹ Ubangaskiya u deni Rahab kigadan kina kekini unyong uyeni abara matini mani deni matoddo ajan akarari kayi agura cidda yeni agassa. ³² Iyan da kidama gu? kapa ka adama wana kanimi kana beri aukan Gidiyon, Barak, Samson, Yefta, Dauda, Sama'ila, na anabawa. ³³ Ubangaskiya udeni yera re ntegtege aniguma ayishu tumu matini abhere libarka niyeni, ³⁴ agusa nazaki nano. Awuna mashiri, musa, kitan kina dene kini ueni kadamana azus magarga man gbana, awana uyarumi aniguma arye nikupi nya gumanan cyazayo kashiri. ³⁵ Ayini shere ayayeni anna cokonon yeni make adukshya adong kidere ana gbenani uyanci uyani magu yena deni nasugu amacoko ma makitari. ³⁶ Adong ashezhe kijam na makpaba, na masillaci har na kiye na makariki. ³⁷ Aruza yeni awaka yeni kiba a kuzerto a wunzan yeni akitan. yena jasa akapa amagam na iwaan, asumanani ashezhe uwulakanci. ³⁸ Ayuya ana zhani yeni kadamanami aningrana amagara maoana, maten na nadhakarha. ³⁹ Yenayi aya matini makashiri abara bngaskiyu yeni, azhi mashere makura malibarka nimi. ⁴⁰ Magu kashiri kamaru camsang ayar kadamma kavur kuma adama durani kina zaidimi.