¹ Da shike kadu kanna kiyi na yeni de ushaida, kibiski duk kasu kanna kadama dane idi kitakana uzunubi, ki dama disha u hakuri aka kusu kanna kayi akazono kawur. ² Bari ki den ayizhi ku kashiri ayi piyu ubangaskiya uwur u kazoni. abara urentu unna adeni akazono kangyi ideni kokari uzo ugiciye, kuma i potonyi ugbhor u kasugu kanna yi deni domin iyi akacara kare ka kashiri. ³ Yitan dukpiyanna idauren ma shezhe kidere ka yar anna a duksa uwahala, kada yana koz kokuma yana biskyi. ⁴ Yani deni yeni ujayyaya na zunubi har ma manikshi ma-mayho ma yeni tukunna. yin ma kada iwurunu na ukusu unna a deni nin amasayi ma nono. ⁵ Kono kanan zuna zhya uhoro u kashiri na kuzhinzhin. ⁶ Domin kashiri kana do uhoro kapiyi maniyi, kuma idugi horo ka piyanna isheri. ⁷ Takin ana shigruga na u horo, kashiri ka zhan wuri kiyi nono nayi, domin a wan na picuyi idama doyi uhoro? ⁸ Amma indai pizabu uhoro kamar kenna kaduniya kayi, edama wana aya zani matini azan nono. ⁹ Kenna kide aya cibru awur a uduniya, ayan a duksha uhoro, kuma a duksha yeni udaraja, kidukshi kashiri kawur biyayya abara ki zug urayuwa. ¹⁰ A kadon katege na aya cibru awur a duksha idi u horo, uzo ka kusu domin makusu manna kimani, domin ki zug u rabo ugyon uyhi. ¹¹ Uhoro u rentuni a akapa kanna a duksha, amma sai uzafi, kuma bayan kene uni na uyendezhen uruhaniya na u'adalci ka duk piyanna adotonyi uyhon kadura. ¹² Takin anna dukshya icariyin a coko nakam. ¹³ Zoborin ujina u vur, domin duk ka kusu kamakari ka tutu amma bari kan ka zugu. ¹⁴ Gbentin usalama na ko wan, na mazoboro mu jina ukashiri udugan, imman da mini ba piyan u dama kana ku kashiri. ¹⁵ Nuzhin kasugu kayn don kada pidon ibizhi, alheri u'kashiri, kuma kada kadon kaci ka gyaki ka cir unyong uyin kukashiri. ¹⁶ Takin ade uhankali, zuna zoborin ayuni, ko piyan'u nazoro yi kashiri unyong uyin, ne Isuwa izhizin nono nanyi na zono. ¹⁷ Yokotin fa kapakanna mai ma zoboro albarka a kazomo, a mani niyhin domin idoto ma yisha utuba ishibi a magu igbene. ¹⁸ Domin idoto ma katumu ku katari kanna ana rebe na kacara, a katari kana re-ura, na njo mushir na uriri. ¹⁹ Idama ma zuga marunu ma nutuma muna duksha ushad, na ayanna potonzha agu yana mani ma pota kuma. ²⁰ Domin amaniani ma shigruga potonzha ukusunna berenyeni, "ko manara marbi katari kami adamana ruza mani. ²¹ A kakusu na ka duksha ushad har mudeni Musa iberen agu iyi ushad. ²² Memako kene iwani ku katari ku shiyona na katika nivataru, kuma na urushalima ku saminiya har na mala'ika ma gbaki ma yishan nizagha. ²³ I wani na dukyin na nono na bagsa ayan'a maru kyakara yeni kurizo, yana wani ku kashiri magu ayi pigomo, kenna kuma uruhu u adali unna amaru tsarkake. ²⁴ Iwani ku kashiri ayi ina duksha alkawali ni fas, kuma na mayho manna ana disha ayisha abere anna a piri u Habila. ²⁵ Denin ulura ana potonzha abere piyan'u berbenen, inna yana ciri yeni akapa kanna yishan ujayayya na piyudishan yeni ugargadi uya, ballema yana dama woroyeni indai yeni poton yeni abere apiyan'u berbenen u yeni kuri uzo. ²⁶ Kadon ka pa righmyi niyi ni digiyar ushad uya, amma i marudene likawali agu" har u kyaru azan uduniya na ndama do yeni ushad, amma har na kuriuzo. ²⁷ Aberenna "Har ukyaru" aberbenen a ma ciddaza makusu madama digrya uduniya, wato makusu manna a nabsa, abara makusu manna madama naguzura mani muyimi. ²⁸ Domin mazuga ma umulki munna adama girgizani, kidama wana ayanna dama na gudazana unyong kapa kanka, kidamana yisha kahsiri u sujada unyong udaraja na ma dukshi ma kicibru. ²⁹ Domin kashiri kawur kayi ura uma tikshi.