¹ Ayana mmani, izu dumya na ko'ushe uruhu. Makin iruhu a yita ba iKashiri mi, a kuni aka bere a gbaki a cirga ma wana unyong uya ungwu. ² Kene na adama yogotya uruhu u kashiri, duk uruhu udumun Yesu Almasihu i wani unyong ripum ni Kashiri mi. ³ U ruhu umi udumun uni na Yesu, azan u Kashiri, uruhu umi ugabi uni Al'masihu umi na ayar a poton agu idama wana, imaru wana unyong uyaurun. ⁴ Nono nanan immani, awor ka Kashiri, imaru rye na yeni magu piyi iyi unyong uyin ipiri piyi iyi unyong uya a magbaki. ⁵ Yeni aya uyami, ukusu na yeni a baran a uya mi, uya upok yeni. ⁶ Wur aya Kashiri mi, piyi iyo Kashiri i pok idi. Piyi izan uKashiri, ipokyi. Kene na kiyogoton uruhu uribin na uruhu u kabere. ⁷ Aya na mmani, kiyishi mamani ma nikobina, mamani a makashiri mi, piyi ide mamani a Kashiri ka wabanyi, iyo Kashiri. ⁸ Pi yashillaci ideyi mamani azan u Kashiri mi, iyoyi kashiri, Kashiri kayi mamani. ⁹ Unyong kene na ama bayyana mamani maKashiri uwur Kashiri kama kunu kono uta kani unyong uya uwur magu ayer a garga uyi. ¹⁰ Unoyng umuni ade mamani, azan wur kimani Kashiri a kani ka manidi na ka kuni kono ka kani kawana piyu ma veske ibang iwur. ¹¹ Aya na immani, na kenna Kashiri kamani idi mu dugan wurma kimani aci a wur. ¹² Ba piyi iman yita Kashiri inna ki mani aci wur, Kashiri ka zomi unyong uwur, mamani ma kani mazomi unyong u kani, kanu kuma unyong uwur, ¹³ abara magu kaman do idi u Ruhu u kani. ¹⁴ Ki yitan abarya ukusu na kiyo, agu kashiri ka kuni kono kakani, magu kawana pi gaskan uya. ¹⁵ Piyi dumun na yesu kono ka Kashiri mi, Kashiri kazomi uyi, kani ma unyong Kashiri. ¹⁶ Kiyo kide ribin na mamani ma Kashiri kade abaru uwur Kashiri a mamani piyi zomi unyong mamani izomi unyong Kashiri, kashiri kayi unyong uyyi. ¹⁷ Ukusu deni mamani ma kura unyong uwuir, magu kide madumi katuk ka matya, kenna iyi wur ma kiyi unyong uyawuru. ¹⁸ Usahd uza wuni unyong mamani, mamani ma kuri manazya usahd mi, kenena usahd uyina maceske mamatya. Piyi ide usahd izayi mamani makuri. ¹⁹ Ide mamani magu Kashiri ka cingin amanidi. ²⁰ Piyi kugu imani Kashiri asu gabayi kobinuyi, iya a kabere magu piyi imaniyi kobina uyi na zyinzini, idama maniyi Kashiri na idoto mayita. ²¹ Ukusumi uyi umurni na kide uwor uyi. Piyi mani Kashiri a maza mani mayi mani kobinuyi.