¹ Piyer ide ribin agu Yesu a Kashiri ka wabanyi, piyi mani picu imani kono kami na picu iwaban, ² Kene na kiyo ki mani nono na Kashiri kamani kenna kimani Kashiri, ki yisha utuma na kaku idi agu ki yishi. ³ Muni muyi mamani ma kashiri, agu kizoboro abere akani, abere akani azan azhib. ⁴ Piyi na Kashiri ka wabanyi ina duru na uya, muni muyi maduru ma daskan uya, muyi ribinniwur. ⁵ Wan iyi piyi na idur na uya? sai piyi ide ribin ayu Yesu iyi kono ka Kashiri. ⁶ Yi iyi piyi wani a manimashir na magyo; Yesu Almasihu ima tumu azan a manimashir nazik ba, amanimashir na magyo. ⁷ Ade utar umi ubasha mayogoti. ⁸ U Ruhu na mani na magyo, yeni utar kumina ayo uKashiri upiri amagbaki. ⁹ Uni na ayo uKashiri, kama do mayo ma a kono kakani. Piyi ideni ribin u kono ka Kashiri ukusa na ayo uyi nayi. ¹⁰ Piyi idigiyi ribin ka Kashiri iguddunyi piyu kabare, magu idugiyi ribin na ukusuna iyo ka Kashiri kadugi abaru ukono kayi. ¹¹ Ukusa adama yokotya, Kashiri kadigidi nivataru niza uteu, nivataru nimi niyi unyong ukono kayi. ¹² Piyi ide kono kami, ide nivataru. piyi izaiyi kono ka Kashiri ideyi nivataru. ¹³ In nyakaranni magu iden a nasugu agu ide avataru aza uteu uyin na ide ribin na nizagi ni kono ka Kashiri. ¹⁴ Muni muyi adumi mawur kazono kayi, magu inna kida gisa koiyan a kumina kuyi, idama potya idi. ¹⁵ Kene, ba kiyo ipok idi-ukusu naki gissanyi kiyo kide ukusu naki gisan awor uyi. ¹⁶ Ba pidon iyitan kobinuyi ideni ibang imi itumini makye igisa yi, Kashiri kadama doyi nivataru. Kumina kunan magu aya deni ibang imi itumini makye. Ade ibang inaka tumu makye, inkumi agu agisa Kashiri abara uyiniba. ¹⁷ Duk maza dugan, a ibang mi, kene ade ibang imi itumini makye. ¹⁸ Kiyo naawaban awor ka Kashiri ina deneyi ibang. ¹⁹ Kiyo wur aya Kashirimi, wur kiyo uya uru uren uniyi a icara ipirogo. ²⁰ Kiyo kono ka Kashiri ka tumi kadigi ayer u fahimta agu wur kiyokoti piyi ide ribin. Kenna kiyi unyong ukusu yi uribin unyong kono ka Yesu Almasihu. Kani kayi kono ka ribin, na nivataru niza uteu. ²¹ Nono dangurin na kucok.