¹ Yita ma mani Kashiri ka dugi ayer, na dama yerkya ayer agu nono na Kashiri, kenna kiyi ma abara keneuya uru uyowunidi, kenna yeni ayo aniyi. ² Ayer na ammani, mina kiyi nono na kashiri mi, a dutto ma bargya idi kenna kidama wanna ba, kiyo kadhar kami na Almasihu ida tumu,kidama wana nayi, kida yitayikenna iyi. ³ Piyi deni kasugu uyi kene tsarkake nici niyi, kenna yi ide u tsarki. ⁴ Piyi re kazono nama yishi mibang i garanzya matyami a ibang ima garanzi matya mi. ⁵ Iyo Almasihu ima tumu mazya ibang iwur unyong uyi izayi ibang. ⁶ Ba piyi idama yi unyong uyi asu re kazono nama yishi ibang. ba piyi idama re kazono na utuma u ibang idamagu iyoyi, ko iyitanyi. ⁷ Nono nanan na immani, izu biskya pidong wurya ini, piyi yisha utuma natenk a piyu iyi natenk kenna Almasihu iyi natenk. ⁸ Piyi tumzana ibang a piyu shetan, shetan ima dene ibang ama cingha ukusu deni kono ka kashiri kama tumu, mama yikiri utuma u shedan ⁹ Piyi naKashiri ka wabanyi ina deneyi ibang, agu iduk Kashiri iyi unyong uyi. ida suskanya yi mare kazono na ma yisha ibang magu awabanyi awor ka Kashiri. ¹⁰ Kene na dama ayami ayi, nono na kashiri na ayami ayi nono na shedan, piyi dishayi utuma udugan azan piyu kashiri mi kenema na piyi maniyi kobini. ¹¹ Munu muyi ukun umi na ayer apoton kuri a cigyi. agu amani nikobina niwur. ¹² Azan kenna kayinu iyi piyu shedan ima wuna kobini iyan ima dene i wunayi? magu utuma uyi a umakari ukobina u dugan. ¹³ Izu dene umamaki nikobina inna uya ugabi uni. ¹⁴ Kiyo ki bizhi makye makana unyong nivataru, agu kimani nikobina. duk piyi disha yi mamani a kukitaru. ¹⁵ Duk piyi igabayi kobini, iyi piwunzan, yin iyo nivataru niza uteu nizanini unyong piwunzan. ¹⁶ Kenna kiyokoto mamani, na Almasihu ima do nivataru niyi abaru uwur. wurma kiduk avataru awur abara nikobina niwur. ¹⁷ Piyi ide makusu ma uya ungwu ayita kobini unyong mazade, bama potya inshishi ba inni na mayo maKashiri mayi unyong uyi? ¹⁸ Nono nanan nammani, izudeh mamani makono, denim utuma umamani na ribin. ¹⁹ Akene na kiyo agu wur kide ribin mi kideni nasugu nawur kazono kayi. ²⁰ Inna nasugu nawur na peken nani idiba, Kashiri ka piri nasugu nawur agbaku, ayo ko iyan. ²¹ Ayana mmani, inna nasugu nayin napeken nani ini, kikana kazono ka Kashiri na madumi. ²² Ukusu nakigbeni kidama zuga uyi, kizop umurni uyi, asu disha ukusu na imani. ²³ Kene umurni uyi: kiduk ribin ka rizagi ni kono ka Yesu, Almasihu, kimani nikobina kenna idugi idi umurni. ²⁴ Piyi izob umurni uKashiri , iyi unyong uyi, Kashiri kayi unyong piyashillaci umi kene na kiyokoton agu iyi unyong uwor ku Uruhu, umi na idugi idi.