¹ Nono nanang ingyakarani ukusuru agu izudene ibang magu pidon umi ideni ibang, kide piyu mamuki kapicu iyi Yesu Almasihu, idugan. ² Yi igaskandi a ibang iwur izan iwur nazhik na uya uru naduk. ³ Kene na kiyokoton agu kiyoyi, inna kibiskin ukusuna iku kizu yisha. ⁴ Piyi iku ''iyo kashiri'' bama biskya uskusu na iku azu yisha. iyi piyu kabere ribin nizanini unyong uyi. ⁵ Piyi zoboron abere ayi, mamani makashiri maduri unyong piyushillaci: ⁶ Piyi kugu iyi unyong Kashiri amazamani mayi yi utayi ijara kenna Yesu Almasihu ideni. ⁷ Ayana immani, azan a umurni upas na ingyakarani a umurni uguz na iman potya amma cigha u umurni uguz umi uyi abere ami na ima potya akacigyi. ⁸ Mina ingyakarini u umurni umina ribinmi unyong Almasihu na unyong uyin, agu majin ma woso, matus matus maribin masu belle. ⁹ Piyiku iyi unyong matus asu gabayi kobini iyi unyong majin mina. ¹⁰ Piyi mani kobini iyi unyong matus ba ukusu udama dene majin uyi. ¹¹ Piyi gabayi kobini iyi unyong majin asu jara unyong majin; iyoyi kacina idama kana, majin magusanyi ayizhi. ¹² Nyakaranni, yin na immani nono nanna, abiskin ibang iyin abara rizagi niyi. ¹³ In nyakaranni acuayin, abara abara magu ayoyi piyi iyi akacigyi nyakaranni, nasambi, agu iduri na piyu kucok. nyakaranni nono na cun cun, magu iyo picu umi. ¹⁴ Nyakaranni, nasambi agu iyo piyina iyi acigyi nyakaranni nasambi, agu i shizzi, abere a Kashiri ana zomi unyong uyin. kenna iduri na piyukucok. ¹⁵ Izu mani uya na makusumami mayi unyong uya umi piyi mani uya, mamani picu mazamani unyong uyi. ¹⁶ Naduk makusu mami mayi unyong uya uru, ribgegye ni ripum ukusu na ayizyia dukara, na mazobo ma rici niwan, aan mapicu ama uya uru. ¹⁷ Uya uwosso na usha awa uwani. piyami iyisan utuma na mamani makashiri idama yimi ba uteu ¹⁸ Nono nacuncun, kadhar kaka mangarin. kenna ipoton piyucok u Almasihu idama wana, mina ma ayakucok a Almasihu agbaki amanwana, kenna ayer ayokoton kadhar kaka mangarin. ¹⁹ Yeni aciri unyong uyin. yeni amazani unyong uyin ana mayi awurmi anama kanani nawur. tunna yeni aciri yeni a saganan magu azan uwur na yeni aciri. ²⁰ Yin isheri masogoti maciri ka mai tsarki, naduk uyin iyo ribin. ²¹ Nyakaranni azan magu iyo ini ribin, magu iyo nini ba kabere kaciri ka ribin. ²² Wan iyi piyu kabere yi iyi piyi yisan pikagara agu Yesu azanyi Almasihu ba? piyashillaci iyi piyi masananyi na Almasihu, kenna iyisan pikagara ka picu iyisan pikagara u kono. ²³ Ba piyi igabi kono a zuga picu piyi idumun na kono izugi picu. ²⁴ Yin ukusu na ipoton acigyi uni uzomo a kasugu kayin. ba ukusu na ipoton a cigyi uni uzomon akasugu kayin yin ma izomo unyong u kono kami, na picu. ²⁵ Ukusun uni uyi Almasihu imadene ayahr nivataru niza uteu. ²⁶ Nyakaranni ukusuru kaya adama wuryani. ²⁷ Agu yin, masokoto mamna izugi uyi mayi unyong uyin, imanini pidong mama magashini. kenna masogoto mamna imashere ayi umagasanni ukusu naduk, aribin azan kabere uni uyi unyong uyin kenna amagasanni, i yimi unyong uwuni. ²⁸ Minna, nono na immaniiyimi unyong uyi kadhar kam na idama wana wur kiwana asadi uyi ba ugbor a kazono kayi kadhar kami na idama tumu. ²⁹ Inna ito yi piyu u adalci mi, iyo naduk piyi tumzana u adalci a piyi na awaban aciri uyi.