¹ Ukusunna umayi, umina ayer apoton, umina ayer ayitan icara iwur ipuru, anabere anivataru. ² Nivataru nimi,ayer ayita, abara ayer. ³ Nin na ayer ayitan a potya adoyini kutepu uzumunci nawur.uzumunci na picu uyi na kono, kayi yesu Almasihu. ⁴ Kene nakima nyakara ini ukusun ungwu rizhagha niyin nikur. ⁵ Uni uyi ukun umi na ayer apoton uwor uyi wurma kibara ini: Kashiri kayi matus ukani kazakani majin ko nacun. ⁶ Inna kiku kiyisha uzumuci nayi asujara unyong majin, kiyisha kabere bamasumingza ribin. ⁷ Inna kijara unyong matus kenna yi iyi matus, asuyisha uzumuci a nikobina, magyo ma Yesu kono kayi maguzhidi ibang iwur. ⁸ Inna kiku kizayidi ibang, ki cipanzya aci awur, ribin nizanini unyonguwur. ⁹ Inna kibaran ibang iwur, yi idugan, adugan ma veske ibang iwur, agusku idi namaza dugan mawur. ¹⁰ Inna kikugu kizayidi ibang, ki guddunyi piyu kabere, abere ayi azani unyong uwur.