¹ . Edhi li usuta muzhio lime yo buzeli leledhala? Ubuzeliegbe li ugbedhi egbedhi ulushita ulu muzhio limogboya ela? ² . Iye iche, inweta. A-igbu madu li ugonu iye nyewe, igonudho dhihuone. Izhilu lulu li ugugwo edhi. Inweta dhihuone iyedoni idhio odhio. ³ . Idhio Jilene, inwetane iyedoni odhuye odhioye, kpu egonule lumewetugbo echichieyo. ⁴ . Yolo emene igadhini izhi nyewe! Imajieni bhu nwujie uwa bhuso nazhi Ebilikpabi oso e-ela? Kpombokpeye, nyenye uwudhigale ubu nwujie uwa, emewele eliya nyenye Ebilikpabi. ⁵ . Sam igbebhu ukpalahu Egwele ka ewe kpomu ukobhu, “Uwamu ubeli imeye so-osozu bhaka”? ⁶ . Buhuto Ebilikpabi new otuizhi bhaka, yabukpu ukpalahu egwele kale,” Ebilkpabi uyawe ele bu nyebuya eli, a-ugbabuze nye yawele okpeliye ele olu. ⁷ . Kpombokpe, shishi eliyo lime Ebilikpabi. Gbochi ekpesu, a-ugbaniyo eso. ⁸ . Jaya Ebilikpabi uzedhu, a-ujadhoyo uzedhu. Mekwakpo ekayo, yo emene umeyeshi, a-imekwani ekpema yo, emene obu ibo. ⁹ . Unukuma nwedhiyo una, gbagbezhi aikwa ikwa! Umeledhe unioma yo ugbabhe-ezhi ekpema eto you ubu agbezhi. ¹⁰ . Yawe yoni okpeli ele lununu Nyenweye, augbabuzewe yoni olu. ¹¹ . Umu nwana, ekagidetani akagideta. Nyenye kagidele nwanibe, mubuo ukpa ikpe, ukagideya mu kpikpeya bu oloko. Ikpele oloko ikpe, ibuobhe nye bhete oloko buhito nyishikpe ¹² . Onwunye ubugbo nyene oloko li nyishikpe. Yabu nyenwe ugbakpo udokpewe li utashitashi. Ibu nina, yo nyemu ikpeo nwanibe yo ikpe? ¹³ . Lumon kpete, “yo nyemu ikao. “Tam mobu sele akazeni b ulawe ibala” ¹⁴ . Nina maji iyeme sele, li iye buduyo obula? Iyedoni izhikponu igiligi mu uzhido, mu utakpolio lugwe uhweshi auwa ¹⁵ . Kama obuokpeye, kakpom, “Ubule umashi nyenweye, a-abe lume omu li awe ¹⁶ . Buhuto lumom, izhini lugbabuzewe eliyo olu gontu li echiche icheui. Gbele gbele ugbabuze oluya bu bhiyo. ¹⁷ . kpombokpeye nye majile iye manu amanu mugwelema ume, ubunya umeyeshi.