¹ . Umu nwana me, gbele gbele yo ebuoni uzhiezhi, kpomu imajioni kpombhu emene mu yele azhio-ezhi bu anwebu ikpe zhi ise. ² . Akpotu eda l'ibhe tuogbo. Nye okpotuho li ekpo, nyeya bu nye zuta ozota, li umikekpo eliya eka. ³ . Akeshile egbali unu inyanya kpu emele muyigbe yeso, a-anwike lugbaitedho bhe. ⁴ . Majidhihuni kpom bu umashibhubu kpom ugbomini deganazhio ya, uwele ubudhiga, gon'tuli unwo ibe amana zhikpu umashile nye uhwo ohwo. ⁵ . L'ibakpam, idho b'unwo iye l'uzugbani, munwike l'umiye bubheke. Gbushi dhu eji kpu unwo echi nwelike l'udukpo ekukoya. ⁶ . Idho budhihu e-echi, yabu uwa umeyeshi zhiye l'eli. Idhu tushikpo elilogbo unye, aubishi echi l'iye basali li ibudu, okpudhu madhihule l'ime echi. ⁷ . Iyedoni gbele ono kpabhike, unu, ono kwukwo, li iyebebhe limini, unwebhe ugbaite buzelė l'eka maduegede. ⁸ . Buhuto maduegede nwike lughaitedho idho. Yawebu gbiyo enwe udeli, amu uyuluko lugbashi bhiyo. ⁹ . Yabu iye agonuni l'upadhiwe Nnyenwe li ida, a-agonugbadhihua l'ugwo maduẹgẹdẹ mu Ebilikpabi kpuo l'usatu asatuya ọwọ. ¹⁰ . Li u-unu neten ya, ubuzeli bu uwokwani li ugwodhi ọwọ. Umunwana me, udadhuo bhubu kpeye. ¹¹ . Ekemu u-unu mini ugbaloshi mini nwine li mini nw'ilu li e-ekele neten? ¹² . Umu nwaname, ekem ushi pigi nwuloshi olib la? Mubuho ushi galap, l'unwuho pig? Yab'ukpu mini tu adha egwele ulowe mini nwine. ¹³ . Ndenye eyo luwota owota zhilimeyo la?. Nyezhikpeye utogoshi egede ugbolo gon'tu li umajiye uyawe okpeli ele. ¹⁴ . Buto inwele osozu obuidhe l'unukuma yo, ebuoyo eli lukagide ishiuka. ¹⁵ . Omubuo eyo mubuzelio l'olu. Kamabu, a-uwam, l'ugwe ubuzeli l'uwa, ubuhobu a-ekpesu. ¹⁶ . Adhi osozu li ekekpeleni zhile, uyuluka buli usubgudhi li bhebhele akpalamagwa bhiyo. ¹⁷ . Buhuto eyo buzeli l'olu, lumuzu, usamali bu asamali, a-uyawe uyodhu, aguguishi gudhi uwadhi, l'uyulu l'otuizhi li ukpulushi uma, lugudhigbodhi edhigbodhi ligba ishiuku. ¹⁸ . Emene mukpubhe uyodhu ukpashibhe ukpulushi umel'uma bu gon'tu l'uyodhu.