3 Ishiyâ
1
. Umu nwana me, gbele gbele yo ebuoni uzhiezhi, kpomu imajioni kpombhu emene mu yele azhio-ezhi bu anwebu ikpe zhi ise.
2
. Akpotu eda l'ibhe tuogbo. Nye okpotuho li ekpo, nyeya bu nye zuta ozota, li umikekpo eliya eka.
3
. Akeshile egbali unu inyanya kpu emele muyigbe yeso, a-anwike lugbaitedho bhe.
4
. Majidhihuni kpom bu umashibhubu kpom ugbomini deganazhio ya, uwele ubudhiga, gon'tuli unwo ibe amana zhikpu umashile nye uhwo ohwo.
5
. L'ibakpam, idho b'unwo iye l'uzugbani, munwike l'umiye bubheke. Gbushi dhu eji kpu unwo echi nwelike l'udukpo ekukoya.
6
. Idho budhihu e-echi, yabu uwa umeyeshi zhiye l'eli. Idhu tushikpo elilogbo unye, aubishi echi l'iye basali li ibudu, okpudhu madhihule l'ime echi.
7
. Iyedoni gbele ono kpabhike, unu, ono kwukwo, li iyebebhe limini, unwebhe ugbaite buzelė l'eka maduegede.
8
. Buhuto maduegede nwike lughaitedho idho. Yawebu gbiyo enwe udeli, amu uyuluko lugbashi bhiyo.
9
. Yabu iye agonuni l'upadhiwe Nnyenwe li ida, a-agonugbadhihua l'ugwo maduẹgẹdẹ mu Ebilikpabi kpuo l'usatu asatuya ọwọ.
10
. Li u-unu neten ya, ubuzeli bu uwokwani li ugwodhi ọwọ. Umunwana me, udadhuo bhubu kpeye.
11
. Ekemu u-unu mini ugbaloshi mini nwine li mini nw'ilu li e-ekele neten?
12
. Umu nwaname, ekem ushi pigi nwuloshi olib la? Mubuho ushi galap, l'unwuho pig? Yab'ukpu mini tu adha egwele ulowe mini nwine.
13
. Ndenye eyo luwota owota zhilimeyo la?. Nyezhikpeye utogoshi egede ugbolo gon'tu li umajiye uyawe okpeli ele.
14
. Buto inwele osozu obuidhe l'unukuma yo, ebuoyo eli lukagide ishiuka.
15
. Omubuo eyo mubuzelio l'olu. Kamabu, a-uwam, l'ugwe ubuzeli l'uwa, ubuhobu a-ekpesu.
16
. Adhi osozu li ekekpeleni zhile, uyuluka buli usubgudhi li bhebhele akpalamagwa bhiyo.
17
. Buhuto eyo buzeli l'olu, lumuzu, usamali bu asamali, a-uyawe uyodhu, aguguishi gudhi uwadhi, l'uyulu l'otuizhi li ukpulushi uma, lugudhigbodhi edhigbodhi ligba ishiuku.
18
. Emene mukpubhe uyodhu ukpashibhe ukpulushi umel'uma bu gon'tu l'uyodhu.