¹ . Jia l'umom, emene eze, gbani ezhi li ikwa lishili umekpeli zhili jiakeshi yoni. ² . Eze yo odhokpole, ukaniyo buho uye ehwu dhikpo. ³ . Owayi usa li owayi uyi yọ buhobhu iye tadhu-atadhu, utachibhe obubhe bu ekele lunazhi gide yọni. Udukpokpoyoni bu eli kpomu echi. Ebhete tuleni eze obuyoni eye gbogbo. ⁴ . Wejini, ogbo iyemu udhunye yoni luhwu emene menibhe yoni ugbolo l'ika minhete tuoni, uzhibhe l'ukwagide bhè yoni likwa l'udhoyo. Kwa emene muwoma niebhe yoni iye odhutale Nyenweye. ⁵ . Ebhedhikpole budu ekemadu l'uwa, edhushi kpole eliyo. Egbabuze kpole ukpulu ekpema yo olu l'umudhi umu. ⁶ . Ekpegide kpole nyuma l'ukpeshia anwu. Ugbobishi dhone yo-o. ⁷ Kaiteni umunwana tutu dhuma ujeja Nyenwenye. Wejini kpu nyechika sejikele ukpulushi zozo mu buzelio l'ele ika, tutu mini unuzu li a-usoshi udeshia. ⁸ Yodhihu, kaite. Memu ekpema yo ukwali akwali ẹyedoni ujiejia Nyenweye zhi uzedhu. Umunwana, etagbuoni atagbu tani atagbuta mugwe bheyoni ukpikpe. weji, Nyekpikpe zhi l'unogbudho. ¹⁰ Umunwana, gonuni akuku emene amuma li ukaite obubhe kpomu iye utushi eka, yabu emenemu ukaloshisebhe uliekpo Nwenye. ¹¹ weji, aweji emenemu ekaitebhe iye kpomu uwokwani. Enyidhihuleni ukaite Jobu, imajini echiche Nyenweye, kpunwenileye obu izhi li otuizhi. ¹² L'ukakpolibhe, umunwana, ekputuo bhushi, mubuo li Oligwe mubuo l'ele, umashi bhubu uduji ukputu bhushi. Kama obuokpeye, "eh" yo ubu "eh'' "e-eh" yo ubu "e-eh". Mu igwe uda ikpe. ¹³ Uzhinye iyezhi l'ukenya ike l'ime yọ la? Ukpe ekpele. Uzhi to ekpema la, ugwu obu upadhi. ¹⁴ uzhi udadhi eli la? uhwu-gbede umukani udhokpeni, mudhio nyabhe edhio. Uteabhe oga l'ewa Nyenweye. ¹⁵ Edhio uhwetu ogwobu nyedeli, a-Nyenweye dobuzewa. Ubule kpom bu emayeshikpole, Nyenweye asapetenia bu asapeteni. ¹⁶ Kpombo kpeye, kaloshini tani umeyeshi, a-idhionitani edhio mu inwetani ugwo ogwo. Edhio nyuma kwali akwali lume ugbolo. ¹⁷ Ilaija budhihu madu egede kpomu yele. Udhishi edhio ike bhu mini ede, mu mini ugwude tutu uzuo li al'ito li iwolu isu. ¹⁸ Mu Ilaija dhiojhio. Mu eligwe depeto mini, mu ele nwuloshio mini. ¹⁹ Umu nwaneme, onwunye l'ime yon ubuzeli huto l'ishiuka mu udonwunye doya huto nyeya ozu, ²⁰ nyeya umajiho kpombhu nye nwelike l'udoya nyumeye kpawulu akpawulu, odokpewabu lenwu, a-ukpupidhie dhihu umeyeshi tuogbo.