¹ Kpomu ubokpeye, satuni Ebilikpabi, kpomu umeledhe ugushi ogushi. ² Aikadhe ize li ugushi zhikpom Kalaasi ugushi ye mu une eliya lishili ye zhikpom unene egbuma lijine osoeja une Ebilikpabi. ³ Buto agugushi ewhele li agwa unye lijine ekadhi obo iye ekishi bhe ewa lime yo; iyedoni otu iyem udaadho bhe li ushi li adhi ogbo egwele Ebilikpabi uzhi bhe. ⁴ Agwa utunye, ekpo ishi, ogologu abha - otum nwine nwine udaadho adaadhu uzhie iye udadhu buzhi bu ukela. ⁵ Imajikwani amajikwa, zebu nye ewhele, nyeme bhiyo, nye ekwadhi, aubu ekpeni unoshi - uzhie nye okpudhu li eleze mu Kalaasi li Ebilikpabi lime bhe. ⁶ Ezhie nye unagboyo li ekpo ewe, iyedoni ubu li ishili ogbo iyem, uwudhuma Ebilikpabi uzhi li uda li eli umeledhe ishike. ⁷ Kpomu ubokpeye, ekpudhoni li ogbo bhe. ⁸ Li ewelewe ebu maleni emene uzhi bhe li igelenyi, buto l'umom ibu whoni usamali lime Nyenweye. Gani igaze kpomu umeledhe usamali. ⁹ (Iyedoni anwo-ushi usamali uyulu bu li umanu, umeke li ishiuka), ¹⁰ mudhi iye otowe Nyenweye obu. ¹¹ Ekpekeshie ugwe unwu-ina li ugbolo igelenyi, buto ewhe bu uwolibhe. ¹² Ubu iye utuwe iwene lu ka iye ume bhe li uwodhi. ¹³ Buto ekele usamali ukaloshile iye uwoli owoli, aulokwali olokwali. ¹⁴ Iyedoni iye ulokwalile olokwali ubu usamali. Kpom ubokpe mu uko, "Teli, enyi inyina, le li enwu, Au Kalaasi asamali li eli yo". ¹⁵ Nyekwake kpu igale ize, ubo kpom nyeishi buto kpom nye unwe eyo. ¹⁶ Dokpewe ekele ya iyedoni ogbo iyem uyulu bhe li bhiyo. ¹⁷ Kpom ubokpeye, edanishi, buto wotani iye bu echiche Nyenweye. ¹⁸ Enwu gbo yoni li menye, ya odula yoni bu budu enwe ya eli. Yuluni li uwa Egwele. ¹⁹ Dutani udu gontu li obu-ukpalawhu egwele, obu-ukpalawhu ikishi obu; gwuni obu-elebhe ai gwuni obu upadhie Nyenweye li ekpema yo. ²⁰ Li unedhi Ebilikpabi Idaye ukela li bhele bhele iye, li ewa Nyenweye Jisos Kalaasi, ²¹ Ai iyitani eso l'ime ukpeni mu Kalaasi. ²² Ununwe, yini izhi yo eso, ujimu iyeni Nyenweye. ²³ Iyedoni Ebho ubu nyishi ununwe ujimu Kalaasi ubu dhiwho nyishi Chochi, yawe ubu nye ugawe eli-chochi. ²⁴ Ujimuhochi uyie Kalaasi eso, yabu kpu ununwe eyilebhe izhibhe eso li zukpulu iye. ²⁵ Ebho gushini ununwe yo ogushi, ujimu Kalaasi ugushie Chochi mu une eliya li ishili ya. ²⁶ Kalaasi une eliya Chochi kp'emele mu umekwakpa, mu uzhi egwele gontuli miini uli ekpo Ida. ²⁷ Kpemele mu udoloshini eliya Chochi kpom nye zozo, enwe unye li eli, eli ugbala ne akani buto ezhie bu egwele au utu ikpe. ²⁸ Li ibe-akpa neteniya, udadhu bu ebho bu ugwushibhe ununwe bhe kpom okpeli bhe. Nye ugushile unuwnea ugushi dhieya bu eli ya. ²⁹ Uzhie onwunye onwunye uso okpeliya, madegede ene bu eliya bhidhi aunyeshoike enye, ujimu Kalaasi uneyite Chochi uwo mu unyeshika enye. ³⁰ Iyedoni ye abu emene ogbo ma ya. ³¹ "Li ishili iyem, ukoma asabete bu idaa li inaa aukadhe keshi nwenya, aumadu ibom ubuwho bhe ookpeli". ³² Iyem ubu ishiiuka uwoli owoli ubueke-buto makadhie ya bu Kalaasi li Chochi. ³³ Li ukadhimaa ishiuka, nyezhina ogushi nwenya kpomu eliya, aununwe uyijine izha eso.