¹ Me, kpombokpe, zhikpom' ny'ikkoli nyenweye, majayoni meni kadheni ize udani uwhu owhu yo. ² Maja yo meni beni budu li uyawe okpeli ele, li ugwe ububuzewe eli olu, ukaite ekpeye, li unatuta li ugwushi. ³ Gbaken ukpo mu ibhetekeni unazhi gbete uwadhi yo lime uwa liuyodhu. ⁴ Uzhibu uzugbani li iiwa, zhikpom uwhu obhe yo li uubheshi obu l;'ime uwhu owhu yo. ⁵ Uzhibu nyenweye nnine, uuwhetu, uuwu-mini, ⁶ Eebilikpabi neten, li ida bhelebhele madegede, nyemu ubo ny'ishi bhelebhele iye. ⁷ Li bhele bhele ye, enemale bhe ye umanuishi zhikpu uke ye anwe lime Kalais: ⁸ Zhikpom ukpalawhu eggwele uko, ekelem ukadhe olu, udula emene ikoli ikoli mu uno emene uke zhiliselise. ⁹ Iyala ubu ukowa okowa "Ukaze olu" la, gama bhu ya ukadhe ele adhimu uzhio li ukpudhu ela? ¹⁰ Nyemu ukadhe ele ya budhi whu nyemu ukadhe olu, kpu emele uyuluka bhelebhele iye. ¹¹ Kalaase une emene emene uzhi emene agbama, emene emene uzhi uzhiuma, emene bu emene nyudu li emene uzhi ezhi. ¹² Unebhe unazhim kp'emele mu unubuzoli emene egwelem Ebilikpabi lishili ugbolo umeme, li unubuzoli eli Kalaas. ¹³ Akadheze bulu ununu li unubuzoli eli ya tutu adhumani unazhi gbete uwhetu li umaj'iye Akpanam Ebilikpabi, azuta who ozuta luzuji ubueke Kalaas. ¹⁴ Kalaas unubuwe ye kp'emele mu agwe ubu gba umeledhe amu unudhiga, unula bhe ununu aunulabhe ozu, auwukayi uzhiezhi ubudhiga dhiwha li unagbo madegede li echiche bhiyo. ¹⁵ Ubulekpe kadhi ishuka li ugushi, azedhum li bhele bhele ibakpa lime Kalaas nye ishi. ¹⁶ Kalaas umeshi uwulu eli, iye mojijani bu akani uzhili ise lise, bhele bhele ewheka umekata lebhe ugbolo, yabu kpu whulu eli ozodhule aunuzhi eli ya li me ugushi. ¹⁷ Kpom ubokpeye, makakedhi kpom lime nyenweye, ekadhe dheni ize kpomu emene Jentali li ugbegbe abha bhe. ¹⁸ Uwota owotabhe uyulu buli adhi budu Ebilikpabi uzhi iyedoni, umajidhobhe amajidho, ekpema bhe bu igu. ¹⁹ Uto dhe bhene iwene, uga who bhe bu abha, auzhibhe eli bhe li uzukpulu agwa ewhele aubebhe budu ekwadhi ²⁰ Buto ya ubo iye imudhi li ye basali Kalaasi. Megbe meni enuji leni whu le bhe ²¹ yoni iye lime ya, iyedoni shiuka uzhibuli ime Jisos. ²² Uzhibhe yoni bu iyogama kpomi agwa uzhine yo li budu ukani, auiyogamani unuke ukani ya li eli yo , unuke ukani ume agwa udhulu odhulu iyedoni iye ubedhi we bu agwa unagbo. ²³ Uzhibhe yo bu uwa uwu bu ukpudhu li echiche yo. ²⁴ Ai yotuni unuke uwu amu ukpobhe li unuwulu Ebilikpabi li egede ume uma li egwele. ²⁵ Kpom ubo kpeye, hbawo oyika, bhele bhele yo kadhini ishiuka li adhi nye egbeka udho yo uzhi bhe, iyedoni abuni ogbo neten. ²⁶ Wudhuma, emejene bhiyo, ewhe bu elanwu udashi uwudhuma yo. ²⁷ Ene Ekpesu uwedhini. ²⁸ Nyugbu ozodhe ugbu udo ukama obu whuto kpeye, ume ugbolo, ugoni eka ya aume jali ugbolo, kpemele mu unwe iye ekeshi emenemu unwebhe nkpa. ²⁹ Ewhe bu uli-ekpo utashidhi ekpema bhu upelaga li unu yo. Kpogbo uli-ekpo udadhu bu unubuzowe emenem uwejie bhe ibala ya, kp'emela mu uli ekpo-yo uwokwani emen unujile bhema. ³⁰ Ekpatemani ekpema uwa Egwele, iyedoni ubu liugbakpo yamu udashi obhe yo agba abie aumoji yo tutu udhuma eye ugawe. ³¹ Chuwo kpo bhele bhele ekpema-ilu, ugbo-wowo; eke-uwudhuma; ugwu-gwodhi edhi, li ukajake, ushikata bhele bhele uji uye. ³² Gwonitani uma, unukuma yo ugbuwe, sabheteni tani iye, ujimu Ebilikpabi usabhete nyi yo.