¹ Li ishili iyem, me Polu, mu bu nye ikoli Jisos Kalaisi li uze emene Jentaal. ² Manwa enye menyi enujileni iye basali uzhi-ezhi unwo-boyimu otuwizhi Ebilikpabi amu uno bheme ne ne yo. ³ Mabhom' bu li iyemu menyeto, autugoshi bhe me. Ombu ishiuka uwoli owoli amu mabhanyo yo. ⁴ Ekele egudhieni iyem, enwenyi bu ike li uwotga iye ma maji l'ime ishiukam mu uwole owoli l'ime Kalaisi. ⁵ Li uko ugaga ishiukam ulonye umu-madegede. Buto l'umom uwa egwele olowele ma li umaji amaji emene uzhi li emene agbama ya. ⁶ Ishiukam owole owolim bukpom bu emene Jentali li ye adhini ekpe, abu dhiwhuni u-uzugbani neten, unatu dhi whu bhe ogwegba l'ime Kalaisi gonutuli uzhikala uzhiuma. ⁷ Mobu nwoboyi uzhiumam gonutuli unene otuwishi Ebilikpabi amu uno me li ugbolo ugbakpo ya. ⁸ Umashikpom bhu meshikalikpobhe li ntiko li adhi ogbo emene egwele a Ebilikpabi uzhibhe, unedhi whuto bhe me otuwishim, lu uzhi uzhiuma li adhi emene Jentali uzhibhe. ⁹ Li ulowe usamalimu madegede uwejibhe echiche - iye uwodhi uwobhe li tutuni l'ime Ebilikpabi nye mu ukpo bhelebhele iye. ¹⁰ hichem ulo bu li chochi kp'emele mu emene eke - ugbakpo uzhibhe li olu auja bhe li umaji ewheka zhi l'ise l'ise eyom Ebilikpabi. ¹¹ Om udom bu kpu echiche ogwulo ogwulo umezo li ime Kalaisi Jisos nyenweye. ¹² edoni lime Kalaisi, ye anwe ugbakpo li uwedhini li ubheshi obu li ishili uwhetu ye l'ime ya. ¹³ Kpomu ubokpeye makani yoni unkuma yoo adada li ishili udhuyame lishili ye aubu iye ayaweniyon ebuebe. ¹⁴ Li ishiliiyem mejisho ukpunuko li udhio Ida edhio, ¹⁵ Nyemu bhelbhele imudho uzhi li olu li ele udhini bhe ewa. ¹⁶ Modhio kp'emele mu mune yoni ugbakpo li eyi uzhi kpu umanu amanu ebube ya uzhile lijine gonutli uwa-Kalaisi uzhie lime yo. ¹⁷ dhio kp'emele mu Kalaisi uke li ekpemayo gonutuli uwhetu, li egbeleji yo li ubido ebido yo l'ime ugushi ya. ¹⁸ Kp'emele mu yo iwotani yo li emene egwele ai Ebilikpabi, ude ya, uka ya, ulolu ya, li udhuya, ¹⁹ Li umaji ugushi Kalaisi amu uka bhele bhele uwota owota, kp'emele mu iyulu li uyulu oyulu Ebilikpabi. ²⁰ Li umom nyemu unwe ike li umekama ogbo iyem adhio ma agbeo, li kpu ugbakpo ya uzhile li ume ugbolo l'ime ye. ²¹ Ebube zhina l'ime Chochi liime Jisos Kalaisi l'zukpulu uko, gonutuli ekele dhuma ekele. Uzhikpeye.