¹ i yo, inwuluni onwulu l'ime bhiyo li umeye, ² aubu, ekadhe kpoleni ize li kpu uko uwan uzhile. Eke kpolen budu li uso nye uchi echi ugbakpo uzhi li uwukayi, uwamu uzhili ogbolo li budu umeledhe ishike. ³ Li ekele ugaga, abekpole l'ime ogbo emenem, li umezo umashi bhiyo okpeli ye, lijijne ume iye okpeli ye uwudhigs li obu ye 'abuni li agwa ye, umeledhe ekeuwudhuma ujimu udo emene ubudhi who bhe. ⁴ uto Ebilikpabi uzuta ozuta liutuwizhi iyedonibu li ugushi ubueke mu ugushio ye. ⁵ Li ekele ye azhi li anwu l'ime bhiyo, utema yhe mu Kalais ye azhi budu - Gonutuli utuwishi enweleni ugawe. ⁶ Ebilikpabi utema Kalais li ye li enwu, aunazhibhete Kalais ye ezhi li adhi ubueke. ⁷ Kpemele li uko zhili uja otugoshi ye bu uzuta ozuta ubueke otuwishi ya enwebhe utuwishi li egwuma ya li adhi azhini l'ime Kalais. ⁸ Iyedoni li otuwishi enwetaleni ugawe gonutli uwhetu, omubuzoli li eka yo ombu uke ubuzoli li eka Ebilikpabi. ⁹ Ubo ugbolo, kp'emele mu madegede mu ugwe ude-ide. ¹⁰ Ye abu nyeugbolo Ebilikpabi, amu ukpo l'ime Jisos Kalais li ume egede ugbolo amu Ebilikpabi uchekwo li ekele ukani uto, kpu emele mu ukadhe ize l'ime bhe. ¹¹ Kpomu ubokpeye, gbewejini bhu ibuni emene Jentasi li ewelewele li ime okpeli, uwhubhe yoni "emene awhabhe uma" li okpeli aieka maegede uwha. ¹² Li ekeya izhieni li ibe a Kalaisi Izeleli, emene ize li adhiu edhiowo ogwegba, li ugwe unwe ubheshi obu li ugwe unwe Ebilikpabi li me ekuwa. ¹³ Buto lumum l'ime Kalaisi Jisos yo emene mu izhiem ligbu akputo li adhi Ebilikpabi uzhi izhiwhoni uzedhu gonutli ubala Kalaisi. ¹⁴ Iyedoni yawe bu uyodhuye. Ume mu bhibo ubuwho nnine li okpeliu ya, mu utasho ekudho egba amu ukemo ye. ¹⁵ Yabu utashi uzhi ozhi oloko li ugbolo ya kp'emele mu ukpu madegede awu l'ime ya, li ubhete uyodhu. ¹⁶ Kalaisi uyegbede ogbo ibo l'ime ookpeli l'ime Ebilikpabi gonutuli ushi uyel'uka, li ugbu egba li usota-osota. ¹⁷ Jisos ujama mu ukpoma ama iye basa li uzhiuma uyoshu li adhi izhini, emene mu ezhini uzedhu li adhi uyodhu uzhi, uyodhu li adhi emene uzhibhe uyoddhu. ¹⁸ Gonutuli Jisos mu yo li ye anweni ichikpa udhuma adhimu Ida uzhio li uuwa neten. ¹⁹ Kpomubokpe, yo emene Jentaal, ibodheni emene ize li emene uyaya. Ibuwhoni emene ula ye l'ime ogbo eso Ebilikpabi lijine emene udho Ebilikpabi. ²⁰ Onu lebhe yoni li ubido ebido emene uzhi li emene amuma li Jisos Kalaisi kpom nye ugoshi udho. ²¹ L'ime ya, uwhulu udhe udadhuta adadhuta, auzodhu kpom imudho egwele Nyenweye. ²² Ubudhiwhu l'ime ya, yo unukatabhe yoni kpomu adhi ubebe kp'emele mu Uwa Ebilikpabi unazhi.