¹ me nwetọm ẹli mẹ ẹla?Mọ bọmu nye-ụzhi Kạlasi ẹla? Mẹ mạ kạ wẹjemu Jịzos Nyenweye ẹla? Yọni ịboni ẹka ugbolomẹ l'ime Nyenweye ẹla? ² Ubulene kpọm bhụ mọ nunedhemu nẹ ud'emene nyuzhii, ọdo ụyowhuto, mọ bụnuwhuto yọni. Ịyedo ịbunin ạtuma ẹka kpọmu bhụ mọbu nyuzhi linime mụ Nyenweye. ³ Ombu ịye mạkani emenemu ụchimashibhe mẹ ẹnye: ⁴ Ye anwe ugbakpo l'udhi-edhi ela? ⁵ Ye anwe ugbakpo li ubewe ununwe kpomu udo emene uzhi Kalaisi li emene nwana ukoma Nyenweye unwe dhihubhe ela? ⁶ Ya buwhokpom ubugbohuto Banabasi li me agwehuto unwe l'umetu ugboloyela? ⁷ . Ubu ṅina ume ugbolo nye Sonja l'umegbo eli ya la? Ṅina ukpashi Ushinwina mu gwẹ udhi ina unwuloshi la? Mu bujine ṅina Ukpaloshiwe ȯnȯ miniema mu'gwẹ ụnwụ mini-umaya la? ⁸ . Maka ȯtu iyem bu gonutu li ugbakpo madegede la? Oloko kadhiwho kpẹ ẹ la? ⁹ . Iyedoni ubhabhẹ l'oloko Moses bhu " Yo egonọ ọnomụụ ipitu mini ema l'eke uzhidhiwhu l'ume ugbolo ulowe bhidhi". Ubu ọnọ l'egede Ebilikpabi unyeshọ enye la?? ¹⁰ . Ukaa dhaa bu iye basalini ye ẹ la? Ubhanobhe iye ya bu l'ishili ye, iyedoni nyemu ubeshi udhu, ubeshi l'unwe ibeshi obu, nye mu ubuma jiwhonẹ bhidhi ọbuma ubuma ubuma l'ubheshi obu kpom bhuyom nwe bu uke l'iyemu ubumaya. ¹¹ . Ubule bhu ye bhu akpashiwhọ l'adhi izhinibu iye ewejebhe l'enyẹẹ, ubuwho iye kadhe'akadhe li'ye l'unweta iye ụwejibhe l'enye l'eka yọ la? ¹² . Ubulo bhu ụdọ emene bhu udhitubhe Ugbakpo zhi kpom l'eka yọn, ye anwe Ugbakpo uk'adhiya ẹ la?. Mu buwho tokpom bhu ye bha doketọ Ugbakpomu. L'ugwẹ ume kpe, ye akaite bu uma li bhele bhelebhelem. Iye k'amu ọọbu̱niwhụ tọ uzhuma Kalaisi ogbose. ¹³ . Imajieni kpom bhu emene m'umebhe ugbolo zhi ẹsọ bhu udhibhe bhidhi bu l'udho ukpeni ya ẹ la? imajieni kpom bhu emene mu usobhe eja l'ekpe bhu nwebhe uke aabhe l'atu iyemu Ụsowebhe eja l'ėkpė ẹ la? ¹⁴ . L'ekaneteniya, Nyeweye uyishi oloko bhu emene mu uzhiebhe uzh'uma bhu unwetabhe iye ubewẹ budu gonitu l'uzhuma ya. ¹⁵ . Mubuwhutọ kpom bhu mẹ mọdọketọmu Ugbakpo zhibhe kpom. Ma bhadhiwhomu ne iyem mu'zhi kpu umenilebhe mẹ iyẹẹ. uk'uma li me l'unwul'onwulu k'amu ọbuwhuto kpom bhu ọnwunye bhu'me mẹ mụụ megwe utu-ide. ¹⁶ . Iyedoni, ubule bhu mezhi Uzhu'ma, menwem ịyẹ eme mẹ mọọ tu-idee, iyedoni Umashimẹ amashi amashẹmẹ amashii, mezhi bu Uzh'uma. Uta bhiyo zhinimẹ l'aubhule bhu mezhiem Uzh'uma ya. ¹⁷ . Iyedoni memelẹ om gonitu l'uwamẹ, me nwe bu uwhu'gwọ. Ubujilene bhu bo l'uwame, me nwedhi whutọ ugbolo ukwatebhe mẹ l'eka. ¹⁸ . Iyela ubuwho uwh'ugwo me la?. Kpom bhu eke mezhilẹ Uzhuma, mụụ bu kpom bhu'zhi Uzhuma l'ugwe unatu iye-iye lị kp'emele mu zhi kpom bhu menwezomu iye udhuni me gonitu l'uzh'uma ya. ¹⁹ . Ubune kpomu mezhem l'ukpudhu onwuny'onwunye, memewe mu unwoboyi bhẹlẹbhẹlẹ madu, mu zhị kpu me mọdọya̱le emene-t'ogbo. ²⁰ . Li adhi eme Júú menwowemu nye Júú, muzhi kpu mọdọtụlẹ emene Júú. L'adhi eme zhibhe l'ukpudhu oloko zhibhe, me nwowemu nye zhi l'ukpudhu oloko, muzhi kpu mọdọtụlẹ emene m'uzhebhe l'ukpudhu oloko. meme om bunekpom mezhemu l'ukpudu olokoo. ²¹ . l'adhi emene ẹzhiẹbhẹ l'ukpudhu oloko zhibhe, me nwowemu ny'eziẹ l'ukpudhu oloko, ubunekpomu mobonume ny'ezhie l'ukpudhu oloko Ebilikpabii, buhutọ mezhi l'ukpudhu oloko Kalaisi. Memene kpom mu zhi kpu mẹdọtụlẹ emene ezhiebhe l'ukpudhu olokoo. ²² . L'adhi emene akwaliebhe, monwowemu nye akwalie akwalii, muzhi kpu mọdọtụlẹ emene akwaliebhe akwalii. Me nwokpolem bhelebhele uji iyẹ li bhẹlẹbhẹlẹ uji emenė, kpe'mele gonutu li bhelebhele ewheka mu mọdọkpẹwẹ ọtụtụ emene. ²³ . Meme bhelebhele uj'iyẹ l'ishili uzh'uma, muzhi kpu me ketule uke li uwokwani ya. ²⁴ . Imajieni kpomu l'umata ẹsọ, bhẹlẹbhẹlẹ emenemu umatabhe esọ ugbabhe eso bụtọ oonwunye neten ubutu gbo ugo ẹla? kpomubokpe, gba esọ kp'emele mu ibutu ugwo. ²⁵ . Bhelebhele nnye agbeso ubhete ẹliya l'ugbajike libhelebhele iye. Umebhe kpẹ l'unweta aba-ugwo aunwike l'utadha atadhu, buhutọ ye amekpẹ l'ugbutu abaugwo emene utadhu-atadhu. ²⁶ . Kpomubokpe, ombu kpu me magbalẹ ẹsọ, ụbo kpomu nye obọọ iye-iye l'obuu; ombu kpu me mạgbạle ẹsu Obọọ kpom nye-gbọ esu l'echeledhi èwéé ²⁷ . Me magbajike elime liumewa ulu, kpèmele ekeme zhikpole ud'emene Uzh'uma, megwe udawulu.