¹ Mowhudhigam menji ubu bdu imajienii, emenenwana me, kpom bhu emene idoyeukpugabhe mu ugabie kpodhi whobhe. ² Bhelebhele bhe ime mozizi li l'ime uyi li egelenyi li lime olimini ya. ³ udhidhi whubhe oobhidhineten ewejiebhe li enye. ⁴ Bhelebhele bhe unwudhi whubhe oominineten ewejiebhe i nye. unwubhe bu li iigwu ewejiebhe l'enye amu ugakeshebhe igaze, igwu ya bu kalias. ⁵ . Buwhutọ Ebilikpabi uwudhishi otutubhe uma, mụụ uzhubhẹ usekeli ọ bhelebhele adhi l'ime ihuo. ⁶ . L'umom otu iyem bunibhe yeni iy'umudhiwiye kp'emele mu yeni agwẹni ụbu emene chihigabhe iyebhiyo kpomu bhe chidhigabhe. ⁷ . Eboni emene udhushibhe uduj'iye l'ununu ka Ebikpalabi kpomu ujim Ọtutubhe ụbọbhe. Om'ụzhị kpomu ubhabhela " Emene ya 'nazhibhe'e'zhị li udhi lị ụnwụ aubuzolibhe audhogwudhibhẹ Ogwologwu". ⁸ . Ageneni ewhele, kpomu ọtutubhe uganebhe. L'eye neten uugwu pukwu li pukwu ịtọ madegede unwulubhe l'ishi iyeya. ⁹ Amani ne kalais ama, kpomu ujimu otutubhe umabhe la mu ogwo utashikpobhee. ¹⁰ Etagbu dhiwhoyenine atagbu, kpomu otutubhe utagbuebhe mu nyuzhi enwu utashikpobhee. ¹¹ . L'umomu, otu iyem ụdakwashibhẹ, mu ubuni yeni iye umudhiwe iye. Ubhanebhe bhẹ bu li umudhiwe iye ye-ye emenemu ugwul'ogwulu uwa uja who l'uko yeni ¹² . Kpom'ubó kpeye, nyemu ugbekpom bhu ya zhi l'unuzoke, utukp'ẹli mu gwe uda ada. ¹³ . Uzhe Um'ama udakwashiyo akadakwashie emene uwaa. L'imiya, ebilikpabi ubheke ọgw'ẹgba. yawe ek'ewhe bh'umabhe yo ka kpu umedho yo uzhilẹẹ. L'ime um'ama ya yawe oloweni yo bu ewheka yo egbakpeli, kp'emele mu yo inw'ike l'ukaitedho. ¹⁴ Kpomubokpe, emene mogwush'ogwushi, gbamalini li budu udhushi udujiye l'ununu ka Ebilikpabi. ¹⁵ Mo kponiyoni ekpo kpomu emene umajibhiye, mu yoni ighedhiweni ekpo ya iye. Unuwukata auwokwanimu ¹⁶ a wokwaneni, uboo udhikata l'ime ubalamu kalais eela? Bhidhimu adhikeshitani, uboo udhikata l'ime udhu-eli kalais eela? ¹⁷ Iye uzhigbo bu bukpobhidhi neten, ye emenemu atoni ogbo abuni ookpeli neten. bhelebheleyeni adhikedhi bu ukpobhidi l'ubunine. ¹⁸ . Ka nyetuni Izuleni mu a'uwam. Ụbọọ emenemu udhiọbhe iye oseja Umedhiwhubhe ugbolo li ekpe ẹẹla? ¹⁹ . Ma kadhom bu kpa la? ubukpom bhu unoshi bu iye ọbu la? Mu bujine bhu iye usolanibhe unoshi bhu buiiye ọbụ la? ²⁰ . Bụtọ kpom, ma ka bu iye basali oseja emene ọbọbhe Júú ukpenibhe unoshi, kpom bhu bhe usolanėbhe otu iye ya bu unoshi usalanebhe Ebilikpabii. Mo whudhigam meni ugbulu li yoi nweni iye umekwata. ²¹ . Inweni ike li unwuma menwe Nyenweye mu lọ nwudhiwhu a'unoshii. ²² . Ụbụ kpọm bhu awhudhigani ukpatema osozu Nyenweye la? Ye akawhọ a li ugbakpo la? ²³ "Bhelebhele iye uwheshi ume" buto ubo bhelebhele iye ubadhu ibalaa. Bhelebhele iye uwheshi ume", buto ubobhelebhele iye unubuzo emene madegede oluu. ²⁴ Onwuny-echidhiga uman'amanuya neten. iye oobukpeye, nyezhina uchidhiga uman'amanu nwan'ibe a. ²⁵ . Dhini iyebuwhuto udhedhibhe l'aya l'ugwe utekwaga uka osunwa Obu. ²⁶ . Iyedoni, "Uwam bu a Nyewenye, li bhebhel'iye uzhiabhe l'ime". ²⁸ . Bụtọ ụbule bhụ Ọnwunye bhu kani yo, " Iyemu bu iye usowebhe eja", Ụbulekpẹ edhie la, l'ishili nyemu uka ne yo, lị ishili obu, ²⁹ . Obu nyemu inenemu, bu iye maka, ụbọ a yoo. Iyela ọdọla mu uwhetume ụbụ iye obu udonwanye ekpe ikpe la? ³⁰ . Ubule bhu me dhibhidhiya l'utemeka, iyela ọdọ menweta ụkpadhiw'ume l'iye meme l'utemeka la? ³¹ . Kpomubokpe, ubune bu idh'edhi mu bujine bu inw'ọnwu, mu bune iye-iye imewhutọ me, bhebhelemu l'upadhiwe Ebilikpabi. ³² . Enweni idakpe l'adhi emene Júú li emene Giliki uzhibhe, lị jine Chochi Ebilikpabi. ³³ . L'eka neteniya, gbak'ukpo l'ume iye mashi bhẹlebhele emene l'ime bhelebhele iye. Mechidhigam ibalame, bụtọ ibala emene utu ogbo. Memenẹ kpom bu kp'emele m'unwebhe udokpewe.