¹ Satuni me, kpomu m'asato kalaisi. ² L'umon me keni yon'ekeni iyodoni igbewejimeni me li bhelebhele iye. me keni yon'ekeni iyodoni imojishini umenala ya joka kpomu ye azhe yoni. ³ L'umom m'owudhiga meni majini kpom bhu kalaisi bu nyishi bhelebhele madegede; kpom bhu ukoma bu nyishi unyoma, li kpom bhu Ebilikpabi bu nyishi kalaisi. ⁴ Ukoma buwhuto ukpe ukpeni mubune bhu ugba amu l'ukpushiya iye Lishi udhuma ishi ya odhuma. ⁵ . Unyoma ubwhuto ukpe ukpeni mụbụnẹ bhu ugba ama l'ugwe ukpushiya iye l'ishi ụdhụma ishiya ọdhụma. Iyedoni ubụwhọ iyeneten bhu yạwe bhu ikpukwakpo ya ishi. ⁶ . Ụbụle kpọm bhu unyoma bh'egwẹ bu ukpọshiya iye l'ishi, ụkọma kpowhoya ukaze ishi ya kpani. Ụbule kpom bhu'bu iy'iwene l'unyoma l'ụkọ ya ukaze ishi ọkọ, mubune bhu ukpukwaya ishi ọkpukwa, ya wẹ ụkpọshi ya iye l'ishi ⁷ Ukoma okpusheya iye l'ishi, iyedoni ya we bu unwulu li eso Ebilikpabi. Buto unyoma bu eso ukema. ⁸ Iyedoni ukoma ubo nye ukpuloshiwebhe l'ime unyomaa. Ubu bhu kpom, unyoni bu nye ukpuloshiwe bhe l'ime ukoma. ⁹ . Ukpunidhi whọ bhene ukoma l'ishili unyomaa, ụbụ bu kpom, ukpunibhe unyoma bu l'ishili okoma. ¹⁰ . Ombu iyedoni m'udhukata kpom bu unyoma bu unwe iye utugoshi ẹsọ l'ishiya, l'ishili emene-uzhi Ebilikpabi. ¹¹ . Mashikpom'ubokpe, l'ime Nyewenye unyuma unwike l'ugwẹ umekata iye ya li ukomaa, ukoma unwedhiwhone ike l'ugwe umakata iye ya li unyomaa. ¹² . Iyedoni, unyoma ulọ bu li gontu li ukoma, kpom ukoma ulọdhiwhọ gontu lị unyoma. Bhelebhele iye ubuzolị bu l'ime Ebilikpabi. ¹³ . Kpebewhoni l'eli yo: ubu iye udhukata kpom bu unyoma bu udho Ebilikpabi edho ukposhiya iye l'ishi la? ¹⁴ . Unazh'uwa wẹwẹ utugoshẹ yoni bhu ukoma nwele ukaze udhulaga, bu buna iye iwene ẹẹla? ¹⁵ . Unazh'uwa wewe utugoshe yoni bhu unyoma nwele ukaze ukani-uka, bhu bu na odhu-esọ ẹẹla? ¹⁶ . Ubule bhu ọnwunye uwudhiga udoke uka basalini iyemu, ye anwede ud'uji umenala laa, mu buhune emene Chochị Ebilikpabi. ¹⁷ Mubuto, li otu iye-umeme usoshebhom, mekenemu yonii. Iyodoni eke yoni izugbanihutoni, ubodhe L'umaa, ubu whu bu ligbiyo. ¹⁸ L'aunuzu, mo nuji kpom bhu eke izugbaniwhutoni l'udho chochi, bhu ukawa zhi l'ime yoni, me whetu kpe li eewheta. ¹⁹ L'egede unwe-ogbo ezhibu ezhi l'ime yoni kp'emele mu emene umanubhe amanu ulokwalibhe l'ime yoni. ²⁰ . Eke yoni izhugbamiloni iye yoni edhini uboo bhidhi egwelee. ²¹ . Eke yoni idhileni, nyezhina udhitukpogede bu bhid'aya, mu emene ugwali-agwali ubhadhiwhobhe aabhe. Inwe zhili ugwu oonwunye, onwunye onwugbojilẹyane li menye. ²² . Inweni ụdho udhi bhidhi lị unwu menye ẹẹ la? Inyedaweni Chọchi Ebilikpabi ẹlẹ la, mu imejadhiwhoni emene enwedho-be enwedho emeja la? ²³ Mẹ menweta bu l'ekamu Ebilikpabi iyemu mezhẹ yonị, kpom bu nyenweye Jizos Kalaisi, li ạbalimu udhegbobhela, ugonu bhidhi. ²⁴ Ekemu unekpo ọ ukela, mu ukemala, m'uka ọ ''ombu udhu-elime, amubuwho aayani. Meni om li ugbeweji me''. ²⁵ . Li ekaneteniya, ugonu egege li ekemu udhikpo bhidi-ila mu bha ka ọ" Egem bu edhiọwọ ụwụ l'ime ubala me. Meni om eke-eke inwuwhutaani, li ugbeweji me". ²⁶ . Eke-eke idhileni bhidhim, mu ịnwuleni menyem, yọni ikaloshiwenaa bu unwulu enwum Nyenweye tụtụ udhuma eke uja. ²⁷ . Kpomubokpe, nyenyebuhuto udhile bhidhim, mu 'nwụhọnẹ menyemu Nyenwe li unazhi uyeli eyeli ada bu idakpe udhu-eli lị ubala Nyenwenye. ²⁸ . Nyezhina unyekwakpo eli ya, li unazhi, zhikpom udhiwho bhidhiya aunwuwho menye ya. ²⁹ . Iyẹdọ nyemu udhi ọ mu unwọọ l'ugwe udokwakpo eliya udhishiya aunwushiya Ogwọlọwọ l'eli. ³⁰ . Ombu iye'do otutu emene l'ime yo udhabhe eli, mu ubudhiwho bu eemene l'ime yo bu enyilebhe inyina-enwu. ³¹ ule bhu ye anyekwani eli ye, eke ekpedhebhe yeni ikpee. ³² Ubule bhu Nyenwe bhu kpeyeni ikpe, udoyeni ya eka l'ete, muzhikpu agweleni utadhukeshi uwam ewe. ³³ . Kpomubokpe, emene nwaname, eke uzubganileni l'udhi bhidi, sejitani esejita. ³⁴ . Nye inwe ugwule, udhikpo bhidi l'ụdho, kp'emele ekeizugbanileni mu ugwe ụbu aukpeta ikpe. L'iye basali otu iyem ịnẹnẹomu ibhani ya, ma kanikeyoni bu l'eke mejale.