¹ . L'iyẹ balasali ukeshi ewejebhe l'ẹnyẹẹ, emene nwaname, mo wudhigan meni emajenii. ² . Imajini kpom bu ekemu yoni izheni l'ukpeni unoshi, umebhe yoni mu iwulini ichakpa l'ukpeni unoshi okpobhen'ekpọọ, lị ėwheka ėwheka bhe udubutobhe yoni. ³ . Kpomubokpo mo wudhi majini kpom bhu uzẹ nye 'kpekpo gonitu l'uwa Ebilikpabi enwike l'uka kpom " Ogwolowo zhini Jizos". Onwunye nwuye 'nwike l'uka "Jizos bu Nyenweye", gameawhuto gonitu li uwa egwele. ⁴ L'umom, uzhi bu uzhi zhi l'ise l'ise, buto uuwaneten. ⁵ Uzhi bu ugbolo zhi l'ise l'ise, buto oo Nyenweye neteni; ⁶ Uzhi bu iye umeloshi emeloshi uzhi l'ise l'ise, buto EEbilikpabi umeloshi bhelebhele l'ime bhelebhelem. ⁷ . L'umom, unebhe nyezhina li aya umeloshiwẹ ugbolo uwa egwele l'asaga li umanu amanu bhelebhele madegede. ⁸ Unebhe ọọnwunye l'ime uwa-egwele ekpo eyo, aunegbe udọnwunye ekpo umaji-iye l'ime uuwa egwele neteni ya. ⁹ Aunebhe udọnwunye uwhetu gontu li uuwa egwele, aunebhe udonwunye ukẹshi ụgwe-ọgwọ gon'tu l'uwa-egwele neteniya. ¹⁰ Aunebbhe udonwunye ugbolo iye-ụnwodhawẹ ẹnye, aunebhe udonwunye amuma. Aunebhe udonwunye ugbakpo l'umaji bhebhele uji uwa. Aunebhe udọnwunye uzukpuluji unu-ula, aunebhe udonwunye ugbama unu-ula. ¹¹ Bhelebhele otum bubhe ugbolo ụuwa-egwele neten, nyemu unedhi-ọ otu ukeshim nyezhina li aya kpu yawe ụlotutule. ¹² Iyedo, kpomu eli ubugbo nnina mu unwejiwhone utukpa ut'ogbo, mu bhelebhelebhe ubujiebhene ookpeli neten, yabukpu 'zhile li Kalais. ¹³ Gontu li ime uuwa egwele uwushibhe yeni mini l'ime ookpeli, mashibhu emene Juu mujine emene Giliki, mash bhu bu ulu mu bujine nyete, umebhe bhelebhelebhe mu nwubhe li uwa egwele. ¹⁴ Okpeli unwekwa uutukpa neteni, unwe aut'ogbo. ¹⁵ Ubulu bhu uko ka kpom " kpom mobomu eka, mezhedhem l'eli", ya ume la l'ibe ibe l'ugwe ubu utukpa eliyaa. ¹⁶ Ụbule bhu ẹte ka kpom, "Iyedo mobomu ekpeleni, mezhedhem l'eli", ya ume la l'ibe ibe l'ugwe ubu utukpa eli yaa. ¹⁷ Obule bhu'whulu eli buwho ekpeleni, ndewhọ adhi unuji ete ezhiwho la? ubule bhu uwhulu eli buwhọ ete, ndewhọ adhi unuji ẹgbu-iye ezhiwhọ la? ¹⁸ ilikpabi eshishikekpole bhelebhele utukpa, nyezhina l'aya, l'ime okpeli kpu umashi lema. ¹⁹ Ubule bhu uzukpulubhe bubhe utukpa neteni, eli bha zhiwho l'eledhe la? ²⁰ Kpomubokpe, l'umom, ububhe utukpa ut'ogbo, ubujibhene bu ookpeli neteni. ²¹ Ekpeleni unwe ike okuni eka bhu "Menwem iye menwẹ yoo". Mu buhone bhu ishi ukani uko, " Menwem iye menwẹ yo". ²² Buhutọkpom, otu utukpa eli amu uzhebhe ka bu ukebhe ike, ubadhubhe ibala. ²³ Otu utukpa elimu ye agbeni bhu unwebhe ẹsọ ubeke, a nebhe ẹsọ bu eke, utukpamu awodheni owodhi unwebhe odhu-eso ka. ²⁴ Otu utukpa elimu umash'ekpeleni uwudhigadhe otu iye ya. Ububukpom, Ebilikpabi awhakekpole eli, munewhọ otu utakpamu enwe esọọ odhu-eso bu eke. ²⁵ Umene kpom bu kpemele mu ukematu ugwe uzhi l'eli, mu bu kpom bhu utukpa eli bhu nyeshikelabhe enye l'ugwushi. ²⁶ Kpomubokpe, uutukpa udhule uya, bhelebhelebhe udukatebhe; ubujileni bhu uutukpa bhu unweta umanu-amanu, bhelebhelebhe upadhibhe. ²⁷ Yọ ibuni ọkpeli Kalaisi, ibudhiwhuni nyezhina li aaya utukpa l'ime ya. ²⁸ Ebikpalabi ọlọtukpolẹ li Chochi ya l'unuzu emene-uzhi-Kalaisi, augbuwe bhibo emene amuma, aubhuwe bhitọ emene uzhi-ezhi, auso emene umebhe iye-unwodawenye, auso ukeshi ụgwọ eli-idhe, emene unedhibhe ushikedhi-eka, emene ugbolo uchi-echi, li emene kpobhe bhelbhele uji unu-ula. ²⁹ Bhelebhelebhe ububhe emene uzhu Kalaisi la?. Bhelebhelebhe ububhe emene uzhu amumu la? Bhelebhelebhe ububhe emene uzhi-ezhi la? Bhelebhelebhe ugbamabhe unu-ula la? ³⁰ ... ³¹ Li ukpashike, wudhiga ukeshi mu uka ubu eke. Mubutukpom, motugoshi yoni bu umele uzuta-ozta