¹ Ụbulekpom bhụ mokpo unula emene madegede li ā emene uzh'obioma. Obule bhu menwem ugwushi, mobuhwo bu okele-ekp'ekpo li awaleke. ² Ubulekpom bhu menwe ukeshi amuma, mamajikpowhone bhebhele ishuka li umaji'iye uwoli uwoli, mu mewhehone uwhetu unwike li ulegama ebhu. Butokpom ubule bhu menwemu ugwushii, mobomu iyẹ-iyẹẹ. ³ Ubulekpom bhu me dhegbokpo bhelebhele iye menwe li uwam l'ishi uneyite emene obhoyi ọwọ, mu buhonekpom bhu modhushimu eli li'echi. Butokpom bhu menwemu ugwushi, ụbadhi mẹ iyẹ-iyẹẹ. ⁴ Ugwushi bu ukaite obu li egwuma. Ugwushi usọọ ozụụ, udhediwhọne idẹẹ, ugbobuzoweya eli oluu. ⁵ Mubune ukenẹ enyẹẹ. Ukadhigbọọ uka eli yạạ. Unwe ogbolekpemaa, mubune bhu ubhe ya iye l'unukumạạ. ⁶ Utoọ obu l'ime iyebhiyọọ. Ububukpom, uto obu l'ishuka. ⁷ Ugwushi kaite bhebhele iye, uwhetu bhebhele iye, unwe ubheshi obu li bhebhele iye, aukaitedhihwu bhelebhele iye. ⁸ Ugwushi gulọ-ọguluu. Ubule bhu agbama zhigbem, ogulu gbe bu ogụlụ. Ubule bhu ukpọ unu ula uzhil'ise l'ise zhigbem, okwushibhe bu okwushi. Ubule bhu umaj'iye zhim, ọgulu bu ọgụlụ. ⁹ Iyedo, amajigboni bu eewheka, agbagbodhiwhuni agbama bu l'ewheka. ¹⁰ Eke amu uzuta-ozutam ujale, aamu ozuta-ọzutam ugwulu. ¹¹ Eke mezhi li umeledhe, mo kpo ekpo kpomu umeledhe, mezhizhi iye kpomu umeledhe, megbe iye kpom umeledhe. Eke moboo unukani, mo chuwoshi agwa umeledhe. ¹² Iyedo, l'umom uweji adhi yeni ụbhagọ-abhagọ li onio, mubuto, eke omoo awejini bu li ununu li ununu. L'umom, mameyi gbo bu eewheka, mubuto eke emoo, mamajizo bu amajizo kpomu umajizobhe me ¹³ Mubuto, l'umom, iye ịtọm ugwalibhe: Uwhetu, ubheshi-obu, li-gba ugwushi. Mubuto, āukakpobhe bu ugwushi