¹ Wudhiga uguwshi, aichidhigashi umene uwa-egwele ike, auka-ike bu kpom bhu yoni bhu inwenike li ugbama. ² Iyedoni, nye kpo unu-ekpo uzhi-ise ukpone madegedẹẹ buto ukponi Ebilikpabi. Onwunye nwunye umaje iye ya we ka iyedoni ukawho bu iye-woli-owoli l'ime uwa egwele. ³ Butokpom, nye mu ugbaa ama ukpone ekpo bu madegede l'ume bhe mu ukwaligbe akwali, l'ujagbe aja, li ukaitebhe obu. ⁴ Nyemu ukpo unu-ekpo uzhise umebuzowe bu eli ya, mubuto nyemu ugbạạ ama umebuzowe bu emene Chochi. ⁵ L'umom, ubu umashime kpom bhu bhebhele yo bhu ikponi unu ekpozhise. Mubuto, aukaya bukpom, ubu uma-shime bhu ugbani ama. Nyemu ugba-ama, akale nyemu ukpom unu-ula zhise (ugama buto bhu onwu nye bhu ugbasamaa kpu emele mu emene chochi unwetabhe umeke-obu) ⁶ Lumom, emene nwaname, unule bhu mejaya l'ukponi yoni unu-ula uzhise, nde ibala mabadiniyoni la? Iye mabadhu ze, ugawhu to bhu mokponi yoni ekpo gonitu li ukpa-enye, mubune agbama, mubune uzhi-ezhi. ⁷ L'ekaneteniya, eke utu iye uwhawe iye-amu ulowebhe ekpo-zhi kpomu oja mubune odu-nwokolobho ubule bhu gbuloshebhe ekpo udhukatanibhẹẹ, nde kpu-emele mu owunye umaji uli-obu oja mubune ọdu ya ugbubhe la? ⁸ Obule kpom ya bhu gbuloshi ekpo uwọọ enye, nde kpu emele mu onwunye umaji kpom bhu odumale eke uji-keleni ula la? ⁹ Yabukpu uzhidhule li yo nye kpo unu-ula uzhise. Ubule bhu ikala iye owo enyẹẹ, nde kpu amajilebhe iye yo ika la? Ikpo madhiwhoya bu ekpo ukadhe echeledhi ẹwẹ ¹⁰ Ubu ishuka bbhu un'ula utu ogbo bhu zhibe l'ula ṅine ṅine uwhebe umaji iye ukpo uzhẹẹ. ¹¹ Butukpom, ubule bhu mamajemu iye ūnula kpọọ, mobu nye udọ-ele ladhi nyemu ukpo un'ula ya uzhi, anyemuya budhuwhu ny'egede li adhi mezhi ¹² Yabu kpuzhidhiwhule li yo. Kpomu ubukpom bhu ijikeleni bhu uwha ewgele bhu loga unazhi gonutu li yo, bagani umanu-amanu chochi kpu emele mu inuzokeni. ¹³ Nyemu kpo un'ula uzhise udho kpom bhu yawe nwike lu ugbasama-agbasama. ¹⁴ Ubule bhu mekpe ekpeni li un'ula zhise, uwame ukpe ukpeni ya, ekpema me ugbashe ekạạ. ¹⁵ Ndewho uji meme la? Mekpe bu ukpeni gonutu li uwa, āmekpedhiwho gonutu ekpema me. Mogwu bu obu gonutu li uwa me, āmogwudhiwhu gonutu li ekpema me. ¹⁶ Ubule bhu ubokpeye, ipadhiwele Ebilikpabi gonutu li uwa yo, nde kpu agale mu udonwunye uwhe "uzhi-kpeye" eke izhi l'une ukala ābukpom bhu umaje iye yo izhi l'ukaka ēla? ¹⁷ Ubu l'egede ine ya bu ukela, mụbụto kpom bhu nyemụ inenem unweta ībala ibalaa. ¹⁸ Mete Ebilikpabi meka iyedoni mokpo un'ula zhise kpakpo bhelbhele yo.̣ ¹⁹ Mubuwhuto kpom bhu li udho chochi uka uma bhu mu kpo ukpulu uka ise. Li agwuguushi me mu udo emene umutubhe iye ka amu mokpo dhi puku ukpala uka li un'ula zhise. ²⁰ Emenenwana me, eboni umeledhe li ugbegbe yọ. Ubukpom, li iye balasini bhiyo, zhi kpomu emene umeledhe uji ntukom. Mubuto, li iye ugbedhi-egbedhi yọ kani-aka. ²¹ Li ukpalawhu oloko ubhabhe kpom, "Gonutu li emene ukpabhe unu udo ula, li gonutu li unu emene udo ele mokpini bu emene mu ekpe. Mashi kpe ndeke ekpenebhene me etẹẹ." Om bu iye Nyenweye uka. ²² Kpomu bokpẹ, ukpo un'ula zh'ise ubu iye unwadhawe enye, ubunẹ ẹmene uwhetubhewhetuu, ubuni bu emene aka whedawhebhe-ewhedawẹẹ. Mubuto bhu agbama bu iye utugoshi, ubune emene aka whedawebhe-ewhedhawe, ubuni bu emene uwhedawhebhe-ewhadha. ²³ Kpomubokpe, ubule kpom bhu chọchi li uwhulu bhu uzugbanileni mu bhelebhele yọ ikpọni un'ula uzh'ise li ise, mu emene ujabhe eja li emene aka whedhewebhe-ewhedawe ukpudhu keshi-bhe yọni, eke bhe akabhe kpom bhu ishi zhe yọni ina e la? ²⁴ Ubulekpom bhu bhelebhele yo bhugbani ama, mu ōnye aka whedawe-ewhedawe, mubune nye asaga ukpudhuwho, bhelebhel'iya yawe unujiwhuto oyulula bu uwọ. Bhelebhele ogbo iyemu unujeya ekpewha ikpe. ²⁵ Iye uzhā l'unukuma ọlọ bu uwe. Gontu l'ikpẹ, yàwe ejidawe ya bu upi ele li ukpeni Ebilikpabi. Yàwẹ aka bu kpom bhu Ebilikpabi bhu zhi l'ime ogbo yo. ²⁶ Iye usowhola, emenenwana me? Eke uzugbonileni, Nyenye nwe ọ̄bu, ūzhezhi, ūkpumenye, ūn'ula ukpo-okpo, mubune ūgbasama. Meni bhebhele iye li uzodhu-uzo chochi. ²⁷ Ubule bhu ōnwunye bhu un'ula zhise, uzhubhe kpom bheshi ībọ, mubene bheshi itọ l'āukadhewhọle, usotabhe osota ōnwunye ukpola, ā ōnwunye ukpo, kpomu uzhiye, ōnwunye ugbasama iyemu bhe ukadhebheya. ²⁸ Ubule kpom bhu nye ugbasama 'zhe, nye nye l'ime ubhete unu kai l'ime chochi. Nyenye ukponitu eli ya ekpo li Ebilikpabi. ²⁹ Nye agbama ibọ mubune bhito ukpobhe ekpo, ā emenemu ụzhiwhọbhẹyạ ukpebhe ẹtẹ gonutu li umajiloshi iye ukabhe. ³⁰ Mubuto kpom, ubule bhu unweta ukpumenye li eke uzhi l'unazhi-ezhi, nye unuzu ya ubhewhọya unu kai. ³¹ Iyedo, bhelebhele yọ inwenike lu gbama ōnwunye-onwunye kpu emele mu bhelebhele yo imudhini iye, mu inwetadhiwhuni ujaja. ³² iyedo, uwa emene agbama bu iye emene agbama umejikedhobe eka ³³ Iyedo, Ebilikpabi ubō Nye usugadhi, ubu Nye uyodho. ³⁴ Emene unyoma ubhetebhete unu kai li udho chochi. Iyedoni, unebhebhẹ uwedhi bhu ukpekpo. Ububukpom, bhu bhe ujibhoshibhebhe-ejigboshi, zhidhiwhu kpo oloko'kale ³⁵ Ubule bhu uzhi bhe iye uwudhigabhe umudhi, bhe utekwabhe izhibhe li udho. Iyedo, ubu iye iwene li unyoma ukpekpo li ime chochi ³⁶ Unu-ekpo Ebilikpabi ụlowho gonutu li yo la? Ibuwhonu emene unuzu udhuta la? ³⁷ Ubule bhu ōnwunye ugbe l'eliya bha bu nye agbama mubune bhu ya bha moji-egwele ka kpo, nye umaji bhu ogbo iye mu ma bhano yoni bu oloko'buzoli l'eka Nyenweye. ³⁸ Ubule kpom bhu ōnwunye ka bhu gwutoma iyem, ogwutudhiwhobhene nye ya ogwutu. ³⁹ Kpomubokpe, emene nwana me, ugwuweyoni inwe l'ugbama, egbobisheni onwunye-nwunye bhu ọkpọ un'ula uzh'ise. ⁴⁰ Mubuto, mekeni bhelebhele iye joka, li kpu udhukata lẹ.